Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org * * * - Nemət müəllim, sizin qardaşınız dünən gecə kənddə əsgər yoldaşı Ələddin Kazımovun evində qonaq olub. Axşam onlar yeyib-içiblər. Süfrədə spirtli içki də olub. Ələddinlə qardaşınızın mübahisəsi düşüb. Orada olan başqa bir qonaq mübahisəni yatırıb və sonra o çıxıb gedib. Hikmət və ev sakinləri yatmaq üçün yataqlarına giriblər. Gecə qardaşınız durub, mətbəx bıçağı ilə ev sahibini yatdığı yerdəcə öldürüb. Bu gün biz onu Bakıda - öz evində yaxalayanda cibindən təyyarə bileti tapdıq. Bilet bu gün alınıb. Sabah yox, birisi gün Moskvaya uçacaqmış. Doğrudur, qardaşınız etdiyi cinayəti hələlik ki, boynuna almır. Deyir ki, səhər saat yeddiyə işləmiş tək yatdığı qonşu otaqdan durub dəhlizə keçib, dəhlizdən bayıra açılan qapının cəftəsini öz əli ilə açıb və çıxıb gedib. Heç kəslə sağollaşmaq istəmədən. Ekspertiza göstərir ki, mərhum saat dörd radələrində öldürülüb. Evə kənar şəxs girə bilməzdi. Digər tərəfdən, evdə Ələddin, onun həyat yoldaşı və sizin qardaşınızdan başqa heç kəs olmayıb. Görür- sünüzmü? - mayor Yunusov əllərini geniş şəkildə yanlara açdı. - Bütün faktlar qardaşınızın əleyhinədir. Otaq başıma fırlandı. Nə deyəcəyimi, nə edəcəyimi bilmirdim. Nəhayət, özümü ələ almağa bütün daxili qüvvəmi sərf edib mayordan xahiş etdim: - İcazə verin, onunla görüşüm. O, başını yırğaladı. - Yox! Bağışlayın, indi mümkün deyil. Hələ istintaq gedir. Xahiş edirəm, gedin! İş günüm qurtarır. Həm də, gedəsi yerim var. Polis şöbəsindən çıxdım. Haraya gedəcəyimi bilmədən şöbənin qabağında boş boşuna gəzməyə başladım. Heç özümü belə zəif bilməzdim: tez-tez gözlərim dolurdu. Gah qollanna qandal vurulmuş qardaşım, gah da onun arvadı ilə üç yaşlı qızı gözlərim qarşısına gəlirdi. Balaya qayıdanda onlara nəsə deməli idim. Ancaq nə deyəcəkdim? Heç cür inana bilmirdim ki, Hikmət cinayət törətmiş olsun. Doğrudur, o uşaqlıqdan bir qədər ərköyün, dəlisov böyümüşdü. Xoşagəlməz sözə, təhqirə dözən adam deyildi. Axı, eyni zamanda, downloaded from KitabYurdu.org downloaded from KitabYurdu.org * * * ağlı normal inkişaf etmiş, ürəyi yumşaq, səmimi bir adam idi Hikmət. Onun hər hansı bir insanın həyatına son qoymaq üçün əli qalxmazdı. Amma nə bilmək olar? Həyatda o qədər məntiqsiz, ağlasığmaz olaylar baş verir ki... Bir qədər əvvəl şöbədə bölmə rəisinin dediyi qorxunc cümlə bütün fikirlərimi qarışdırır, elə hey beynimdə taqqıldayırdı: « Bütün faktlar qardaşınızın əleyhinədir!», «Bütün faktlar qardaşınızın əleyhinədir!» Faktlar... faktlar... faktlar... Bəlkə də iki saata yaxın idi ki, səkidə o baş- bu başa gedib- gəlirdim. Havanın qaralmağa başlaması məni ayıltdı. Həm də polis şöbəsinə girməmiş təzə aldığım siqaret qutusu boşalmışdı. Siqaret almaq lazım idi. Yaxınlıqdakı köşkün önündə dayananda gözüm vitrindəki müxtəlif adlı siqaret qutularının arasındakı “Kent” siqaretinə sataşdı. Yadıma qapıbir qonşumuz polkovnik Qasımlı düşdü. Qapısının ağzındakı zibil qutusunu tez-tez boş “Kent” qutulan ilə dolu görərdim. Həmişə “Prezident” çəkməyimə baxmayaraq, necə oldusa, “Kent” istədim. Qutunu alan kimi açıb bir siqaret yandırdım. Birdən ağlıma gəldi ki, bəlkə qaraqabaq qonşum mənə bir məsləhət verə bilər. Daha orada qalmaq istəmədim. Maşına minib sürətlə Bakıya yola düşdüm. Qonşum bir ilə yaxın idi ki, bizimlə üzbəüz mənzilə köçmüşdü. Bina sakinlərindən heç kəslə əlaqə saxlamadığı üçün onun haqqında çox az şey bilirdik. Yaşı qırx, qırx iki olardı. Normal boylu, anq, demək olar ki, yaraşıqlı bir kişi idi. Nüfuzedici gözləri, bir qədər sərt sifəti var idi. Üzü həmişə tərtəmiz qırxılmış, üst-başı səliqəli olardı. Ən isti günləri çıxmaqla, əksər vaxt əynində qara plaş, başında qara şlyapa olurdu. Həyətdə və ya pilləkəndə bina sakinləri ilə qarşılaşanda başını yelləyər və ya sadəcə “Salam!” deyib keçərdi. Uşaqların üzünə baxanda gülümsəyər, amma dayanıb heç kəsi söhbətə tutmazdı. Onu həmişə mülki geyimdə görsək də, polis polkovniki olduğunu eşitmişdik. Bəziləri deyirdi ki, polis sistemindən çıxıb, elmi işlə məşğuldur, bəziləri isə deyirdi ki, yox, nazirlikdə işləyir. Tək yaşamağını da müxtəlif cür əsaslandırırdılar. Ailəsinin faciəli downloaded from KitabYurdu.org downloaded from KitabYurdu.org * * * surətdə həlak olduğunu deyənlər də vardı, indiyəcən evlənmədiyini deyənlər də. Hər halda onun polkovnik Qanbay Qasımlı olduğunu dəqiq bilirdik ki, bunu da ona məktub gətirmiş poçtalyondan öyrənmişdik. Bakıya gecədən keçmiş çatdım. Öz mənzilimə girməmiş qonşumu görməyə tələsdim və mənzilin zəngini çaldım. Qapı tez açıldı. Qasımlı zərrə qədər də təəccüblənmədən (bəlkə də bu mənə belə gəldi) məni içəri dəvət etdi: - Buyurun, Nemət müəllim! Mən içəri keçdim. Qasımlının məni dəvət etdiyi otaq sadə və səliqəli görkəmə malik idi. İki kreslo, sadə divan, çay stolu, kitablarla dolu kitab şkafı və yazı stolundan başqa otaqda demək olar ki, heç nə yox idi. Yazı stolunun üstü kağız- kuğuzla dolu idi. Qasımlı mənə divanda yer göstərib o saat da fincana qəhvə süzdü. - Mənim kasıb mənzilimə xoş gəlmisiniz. O saat görünür ki, pis hadisə üz verib. Ailənizə kənddə bir şey olmayıb ki, ya bəlkə qardaşınıza? Çay stolunun arxasında oturub gözünü mənə zillədi və mən gəlməmişdən süzdüyü qəhvəsini qurtum-qurtum içməyə başladı. Mən özümü bacardığım qədər tox tuturdum. Rayondan Bakıya gələnə kimi həyəcanım ötüb keçmişdi. Ona görə də onun nəsə hiss etməsi, indiyəcən yaxından tanış olmadığımıza baxmayaraq, ailəm və qardaşım haqqında məlumatlı olması məni heyrətə saldı: - Nədən bildiniz, qonşu? Gülümsündü: - Siz bu gün günortadan sonra tələsik evdən çıxıb maşınla hara isə getmisiz. Gecə vaxtı qayıdıb öz mənzilinizə girməmiş (pilləkənlə çıxanda ayaq səsləriniz burada eşidilirdi) qonşunuzun-hələ indiyəcən mənzilində olmadığınız və axtarış polisi olmuş qonşunuzun zəngini çalırsınızsa, bu nə deməkdir? - birdən dayanıb fincanı stolun üstünə qoydu və bir siqaret alışdırdı. - Siz Allah sözlərimdən inciməyin. Bir daha xoş gəlmisiniz. Sizi eşidirəm. Mən təşəkkür edərək cibimdən rayonda aldığım siqaret qutusunu downloaded from KitabYurdu.org Yüklə 5,01 Kb. Dostları ilə paylaş:
|