downloaded from KitabYurdu.org
* * *
telefonun dəstəyini götürüb Hikməti gətirməyi əmr etdi. Bir dəqiqə
keçməmiş Hikmət bir polis işçisi ilə içəri daxil oldu. Hikməti görəndə
əvvəlcə ayağa qalxmaq istədim. Lakin özümü ələ alıb onunla başımı
tərpətməklə salamlaşdım. Hikmət məni görüb qəhərləndi. Keçib
Yunusovun göstərdiyi stulda Qasımlı ilə üzbəüz oturdu. Polis işçisi
Yunusovun işarəsilə çıxdı. Qasımlı Hikmətin sifətini, enli sinəsini,
əzələli qollarını və dizinin üstünə qoyduğu əllərini cəld və diqqətlə
gözdən keçirib soruşdu:
- Həmin gecə Ələddinlə mübahisəniz nə üstündə düşdü?
Biz mübahisə etməmişik. - Hikmət cavab verdi. Səsi dəyişilmişdi.
Üzünü tük basmış, elə bil bir gecədə qocalmışdı. - Ondan pul
istəyəndə vermədi, mən də incidim. Dedim ki, sən yaxşı yoldaş
olsaydın mənə yox deməzdin. O da bu sözümdən bir az dilxor oldu.
Amma heç nə demədi. Beş-on dəqiqə sonra kəndçiləri durdu ki, mən
gedirəm...
-
Elman kim ötürdü? - Qasımlı Hikmətin sözünü kəsdi.
-
Heç kim. Eləcə dedi ki, mən gedirəm və sağollaşıb çıxıb getdi.
Elmar onlara məhrəm adamdır. Gündə gəlib-gedəndir.
-
Elmar gedəndə
Nilufər otaqda idi, ya dəhlizdə?
-
Otaqda. Çarpayıda oturub söhbətimizə qulaq asırdı.
-
Yaxşı, davam edin! - Qasımlı qollarını sinəsində çarpazlaşdırıb
diqqətini topladı.
-
Hə... Mən də dedim ki, yatmaq istəyirəm. Soruşdum ki, sabah
rayon mərkəzinə necə tez getmək olar? Ələddin dedi ki, gərək səhər
saat altının yarısında duraq. Sərnişin daşıyan maşınlar yeddinin
yarısında kənddən çıxırlar. Sən də səhər yeməyini yeyib sonra
çıxarsan.
-
Bəs nəyə görə səhər Ələddini oyatmaq istəmədiniz?
-
Doğrusu, ondan incimişdim. Qərara gəlmişdim ki, onunla əlaqəni
kəsim. Bir də mən ayılandan sonra gözlədim ki, o məni vaxtında
səsləyəcək. Havanın işıqlandığını görəndə isə yerimdən qalxdım və
dəhlizdə gördüm ki, saat yeddiyə iyirmi dəqiqə işləyib. Fikirləşdim ki,
maşınlara gecikməyim və evdən çıxdım.
downloaded from KitabYurdu.org
downloaded from KitabYurdu.org
* * *
-
İzahatınızda yazmısız ki, taqqıltı səsinə ayılmısız.
-
Mən onsuz da yad yerdə narahat yatıram. Bir çıqqıltı olsa
oyanıram. Mənə elə gəldi ki, taqqıltı səsinə ayıldım. Nəsə elə bil ki,
necə deyim... - Hikmət bir az fikrə getdi. - Elə bil ki, dəmir dəmirə
dəydi. Yox... Elə deyildi. Amma bərk taqqıltı idi. Bəlkə də onda
yarıoyaq olmuşam. Onda hələ hava işıqlanmamışdı. Sonra gözüm
yuxuya gedib, ya yox? Onu da deyə bilmərəm.
Polkovnik Qasımlı ayağa qalxıb başı ilə mənə də qalxmağı işarə
etdi və Yunusova dedi:
-
Mayor, sizdən xahiş edirəm, mənimlə həmin kəndə gedək. Yəqin
ki, sizi işdən ayırıram. Amma mənim xətrimə dözün. Biz Nemət
müəllimlə sizi aşağıda gözləyirik.
Yunusov çiyinlərini çəkdi:
-
Nə
deyirəm ki, gedək. Özümüzlə kimi götürək?
-
Heç kimi! Maşın da lazım deyil. Bizim maşınla gedərik.
Mən Hikmətə baxıb başımla sağollaşdım və biz otaqdan çıxıb aşağı
düşdük. Maşının yanında mayoru gözləməyə başladıq. Qanbay
Qasımlı maşına söykənib qollarını sinəsinə çarpazladı və fikirli-fikirli
dilləndi:
- Qardaşından xoşum gəldi. Yaxşı oğlana oxşayır... - bir qədər
susub əlavə etdi: - Amma bundan başqa
onun xeyrinə bir söz deyə
bilmərəm.
* * *
Yunusov gəldi. Onun təklifi ilə əvvəlcə yeməkxanaların birində
tələsik nahar etdik. Sonra maşına minib cinayət törədilən kəndə yola
düşdük. Maşın mənzərəli meşə yollanndan keçib gedirdi. Başqa vaxt
bu mənzərələr məndə çox xoş əhval yarada bilərdi. İndi isə təbiət
mənzərələrindən ləzzət alan halda deyildim. Kənddə baş vermiş
dəhşətli cinayət, doğma qardaşımın köməksiz vəziyyətdə qalması
bütün fikirlərimi alt-üst etmişdi.
Mən Hikmətə demək olar ki, özüm qədər inanırdım. Lakin əgər bu
cinayəti Hikmət etməyibsə, onda bu nə deməkdir? Məhkəmə
həkiminin dediyindən hadisə gecə saat 4-də olub. Hikmət isə deyir ki,
downloaded from KitabYurdu.org