Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org * * * çıxarıb bir siqaret yandırdım. Qonşum kreslosunda yayxanaraq başı ilə siqaretimə işarə etdi: - Bax görürsünüzmü? Siz həmişə “Prezident” çəkirdiniz, indi isə “Kent’ə keçmisiz. Güldüm. Ümumiyyətlə, qonşum xoşuma gəlmişdi. - Bəli, bu gün mənim üçün çox dolaşıq gün olmuşdur. Sizin yanınıza da məsləhət almağa gəlmişəm. - Buyurun, əzizim! Mən qardaşım arvadının telefon zəngini, rayona getməyimi və mayor Yunusovla söhbətimi yerli-yataqlı ona danışdım. Qanbay Qasımlı məni çox diqqətlə dinləyirdi. Axırda belə bir sual verdi: - Qardaşınızı sonuncu dəfə nə vaxt görmüsüz? Mən Hikmətlə sonuncu görüşümüz haqqında məlumat verdim. - Bəlkə əsgər yoldaşının yanma da pul üçün gedib? - Ola bilər... - dedim. - Yaxşı, Nemət müəllim, səhər sizin maşınınızla rayona gedərik. Hər şey orada aydın olar. Başağrılarım axır vaxtlar çoxalıb. Həm də bir az havamı dəyişərəm. Mənim qalxdığımı görüb o da durdu. - İndi isə sizə bir məsləhət verim. Axı siz mənim yanıma məsləhətə gəlmisiniz. Məsləhət almamış getməyiniz yaxşı düşməz. - Gülümsəyib əlini çiynimə qoydu. - Sabah məsələ dəqiq aydınlaşana kimi bu haqda fikirləşməyin. Guya heç nə olmamış kimi rahat yatın. Bir də ki, lap fikirləşsəniz də bir iş görə bilməyəcəksiniz. Beyninizdən hər şeyi silin və gedib yatın! Qonşuma «Gecəniz xeyrə qalsın!» - deyib mənzilimə keçdim. Əvvəlcə Hikmətin evinə zəng edib arvadını işdən agah etdim və bildirdim ki, sabah yenə rayona gedəcəyəm. Sonra soyunub yatağıma uzandım. Lakin nə qədər çalışsam da yazıq Hikməti yadımdan çıxara bilmədim və çox gec yuxuya getdim. * * * downloaded from KitabYurdu.org downloaded from KitabYurdu.org * * * Elə ona görə də səhər polkovnik Qasımlı arxa qapını açıb maşına əyləşən kimi məni məzəmmət etdi: - Axşamkı məsləhətimə əməl etməmisiniz, əzizim! Hiss olunur ki, o qədər də iradəli adam deyilsiniz. Getdik! Maşını işə saldım və biz rayona yola düşdük. Rayon polis şöbəsinin birinci mərtəbəsində növbətçi polis bizdən nə istədiyimizi soruşdu. Qasımlı dedi: - Yunusova deyin ki, Bakıdan Qanbay müəllim gəlib. Növbətçi daxili telefonla Yunusova xəbər verən kimi bölmə rəisi pilləkənlərlə cəld aşağı düşüb bizi qarşıladı və ikinci mərtəbədə yerləşən kabinetinə apardı. Mən sonralar bildim ki, polkovnik Qasımlmm Yunusova hansı bir işdəsə böyük köməyi dəyib. Kabinetdə onlar bir-birləri ilə qısaca hal- əhval tutandan sonra Qasımlının xahişi ilə mayor Yunusov əhvalatı qısaca danışdı: - Bizə hadisə baş verən gün, yəni dünən səhər saat 9-da məlumat verdilər. O saat mənim başçılığımla əməliyyat qrupu yaradıldı. Mən, həkim, müstəntiq və həmin kəndin sahə müvəkkili özümüzü hadisə yerinə çatdırdıq. Öldürülənin - Ələddinin 30 yaşı var. Rəsmi iş yeri yoxdur. Öz həyətində təsərrüfatla məşğul olur. Arvadı ilə tək yaşayır. Uşaqları olmur. Hadisədən əvvəlki gün günorta Bakıdan əsgər yoldaşı Hikmət bunlara qonaq gəlir. Bir azdan öz həmkəndliləri Elmar adında şəxs də bunlara gəlib çıxır və yaxşı bir süfrə açıb yeyib-içirlər. Mərhumun arvadı Nilufərin dediyinə görə Ələddin və Hikmət spirtli içkini daha çox qəbul edirlər, Elmar isə lap az içir. Hikmət Ələddindən bir az pul istəyir və deyir ki, Moskvaya gedəcəyəm, qayıdan kimi borcu qaytararam. Ələddin and içir ki, pulu yoxdur. Hikmət bundan inciyir və mübahisə edirlər. Gecə təxminən saat 12-də Elmar durub evlərinə gedir. Hikmətin yatağını qonşu otaqda açırlar. Ələddin ilə arvadı həmişəki kimi, həmin qonaqlıq süfrəsi açılmış otaqda yatırlar. Ümumiyyətlə, birmərtəbəli olan bu evdə iki yanaşı kiçik otaq və onlann qarşısında hər iki otağın qapısı açılan dəhliz var. Dəhlizdən çölə açılan qapı içəri tərəfdən etibarlı cəftə ilə bağlanır. Onu bayırdan açmaq heç cür mümkün deyil. Mərhumun arvadı downloaded from KitabYurdu.org downloaded from KitabYurdu.org * * * izahatında göstərir ki, çölə açılan qapını yatmazdan qabaq özü bağlayıb. O, həm də göstərir ki, səhər saat yeddidə ayılanda ərini ölmüş görüb. Bərk yatan olduğu üçün gecə heç nə eşitməyib. Onunla ərinin çarpayısı hərəsi otağın bir tərəfində, qarşı divarlara bitişik olub. Ələddin boğazından bir az aşağı, sinəsindən vurulan çox güclü bıçaq zərbəsindən ölüb. Bıçaq sinədən keçərək onurğanı da parçalayıb və ucu kürəkdən bayıra çıxıb. Zərbənin mətbəx bıçağı ilə bu qədər güclü olması bizi indi də bir qədər təəccübləndirir. Bu zərbədən Ələddin o saat ölüb. Sinəsindəki əsas yaradan dörd santimetr aşağı yenə kiçik bir yara aşkar etdik. Bu da həmin bıçaqla əmələ gəlib. Cəmi bir santimetr kəsik var. Bunu belə əsaslandırdıq ki, qatil bıçağı yaradan çıxarandan sonra hirslə onu mərhumun sinəsinə tullayıb. Bıçağın ucu əti deşib və aşaraq yerə düşüb. Bıçaq döşəmədə tapılmışdı. Cinayət saat dörd radələrində olub. - Yunusov bir qədər ara verib yenə sözünə davam etdi. Bu müddətdə Qasımlı sakitcə onu dinləyirdi. - Nilufər ərinin öldüyünü görəndə haray salıb. Dəhlizə çıxanda görüb ki, qapı elə-belə örtülüb, yəni cəftəsi vurulmayıb. Qonşu otağın qapısını açıb və görüb ki, Hikmət yoxdur. Biz oraya çatanda bəzi adamları dindirdik. Ələddinin bloknotundan Hikmətin ünvanını öyrəndik və onu Bakıda - öz evində tutduq. Həmin gün rayondan gedən kimi Moskvaya bilet almışdı. Yəqin aradan çıxmaq istəyib. Bu qədər... Yunusov ayağa qalxıb şkafdan uzun bir bıçaq götürdü və Qasımlınm qarşısına qoydu: - Nilufər təsdiq edir ki, bu bıçaq onlarındır. Dəhlizdəki stolun üstündən götürülüb. Bu köhnə bir mətbəx bıçağı idi. Tiyəsinin uzunluğu iyirmi beş-otuz santimetr olardı, dəstəyi cızıqlarla dolu və kirli idi. Polkovnik Qasımlı soruşdu: - Əl izi götürmüsünüz? - Yox. - Yunusov cavab verdi. - Cani heç bir əl izi qoymayıb. Qasımlı bıçağı diqqətlə gözdən keçirdi. Sonra cibindən zərrəbin çıxarıb bıçağın dəstəyini xeyli müşahidə etdi. Mayor Yunusov gülə- gülə bir siqaret yandırıb dedi: downloaded from KitabYurdu.org Yüklə 5,01 Kb. Dostları ilə paylaş:
|