downloaded from KitabYurdu.org
* * *
Əli qanlı-qanlı Qasımlıya baxaraq:
-
Sübutunuz yoxdur! - deyə çımxırdı.
-
Dediklərim sizə bəs etmədisə, Bakıya qayıtmağımı daha bir saat
təxirə salaraq, sizin üçün yeni sübutlar tapa bilərəm. Ancaq buna o
qədər ehtiyac duymuram. Dəqiq bilirəm ki, mayor Cəfərli sizə hər
şeyi sübut edəcək. İndi isə xahiş edirəm, saçınızı yana daramaq
əvəzinə uşaq kimi alnınıza tökməyin. Saçınızı alnınızdan yığışdırın.
Əli sağ əlini başına aparıb saçını sığallasa da alnını açmadı.
- Alnınızı göstərin! - Qasımlı təkid etdi.
Əlinin tərpənmək istəmədiyini görən kapitan Həsənov cəld qalxıb
onun alnındakı tükləri yuxarı yığışdırdı. Əlinin alnında, bir qədər
yuxarı hissədə üzü qaysaq bağlamış nazik üfüqi xətt formasında yara
var idi. Otaqdakılar qalxıb yaraya maraqla baxdılar. Qasımlı istehza
ilə dilləndi:
-
Bu yaranın Beydullanın həyətindəki məftillə toqquşan zaman
yarandığını inkar etməyəcəksiz ki? İnkar etsəniz mən bunun harada və
necə yaranması ilə dərindən maraqlanmalı olacam.
Əli xeyli susandan sonra nəhayət danışmaq qəranna gəldi:
-
Mənim sizə heç bir sözüm yoxdur. Beydullanı mən öldürmüşəm.
Təkcə ona görə yox ki, uduzduğum pullar özümə qalsın, həm də ona
görə ki, mən oğurluq üstündə tutulanda məni görüb satan o olmuşdu.
Beydullanı mənim öldürməyimi bilən olmayacaqdı. Namaz da
gərəksiz bir adamdı, mənim əvəzimə türmədə yatacaqdı. O istər
türmədə yatsın, istər də kənddə gəzsin, heç kəsə lazım deyil. Bu sirri
siz açdınız. Mən sizin kim olduğunuzu bilmirəm. Ancaq hər
kimsinizsə, nə vaxtsa əlimə düşsəniz, sizi Beydullanm gününə
salacağam.
Bayaqdan hirsini tökməyə adam axtaran mayor Cəfərli ayağa
qalxıb Əlini kapitan Həsənova göstərərək:
-
Bu köpək oğlunu apar bas maşına! - deyə bağırdı.
Kapitan Həsənov cəld ayağa qalxıb Əlinin qolundan yapışdı. Onlar
qapıdan çıxanda Qasımlı onlan dayandırdı. Üzünü əvvəlcə Əliyə
tutaraq:
downloaded from KitabYurdu.org
downloaded from KitabYurdu.org
* * *
-
Əli, birincisi Namaz sənin nəzərində gərəksiz olsa da, arvadı və
oğlu üçün gərəklidir.
Özü də günahsızdır. O ki qaldı məni hədələməyinə, sənə məsləhət
görürəm ki, Namazın axmaq hərəkətindən nəticə çıxarasan. Sən
cəzanı çəkib qurtarandan sonra kimsə məni öldürər və Cəfərli kimilər
indiki hədəni yadına salıb o saat səni həbs edərlər.
Sonra Qasımlı mayor Cəfərliyə də öz sözünü dedi:
- Siz isə, Səkinəyə qarşı təhqirlərə yol verməkdə və Namazı
qorxudaraq cinayəti boynuna qoymaqda düz iş görməmisiz. Mən bu
barədə Bakıda lazımı adamlarla görüşəndə danışacam və yəqin ki,
onlar mənim sözümə laqeyd yanaşmayacaqlar.
Mayor Cəfərli hirslə əlini yellədi. Qasımlıdan və direktordan başqa
hamı otaqdan çıxdı. Polkovnik bir qədər direktorun kabinetində
oturdu. Başında yenə güclü ağrılar başlamışdı. Həmişə cibində
gəzdirdiyi dərmanlar isə qurtarmışdı. Məktəb direktorundan xahiş etdi
ki, onun üçün baş ağrısı dərmanı tapsın və həyətə çıxdı. Direktor tez
dərman tapıb gətirdi. Qasımlım evlərinə qonaq aparmaq üçün nə
qədər xahiş etsə də o razılaşmadı:
- Çox sağ olun! Qala bilmərəm. Axşama
kimi Bakıda olmalıyam.
* * *
Səkinə sevincindən az qala uçmaq istəyirdi. Kazım müəllimdən
Namazın bəraət qazandığını və əsil qatilin tutulub aparıldığını eşidən
bir qadın qaça-qaça gəlib ona xəbər vermişdi. Kazım müəllim demişdi
ki, Namazı elə bu axşam buraxacaqlar. Səkinə başını itirib evin
qabağında ora-bura gedib-gəlirdi. Bir az kənd məhsullarından pay
düzəldib məktəbə - Qasımlınm yanma gedərək ona təşəkkür etmək
istədi. Evə qaçıb bir banka mürəbbə və iki təndir çörəyi götürdü.
Onlan torbaya qoyub həyətə düşdü. Həyətdə oynayan oğluna:
- Həyətdən çıxma, mən bu saat qayıdıram! - dedi və birdən gözü
qarşıdakı təpəyə qalxan yolla sürətlə kənddən uzaqlaşan ağ QAZ-24-ə
sataşdı.
Torbanı qucağında tutmuş Səkinənin içində acı bir qəhər baş
downloaded from KitabYurdu.org
downloaded from KitabYurdu.org
* * *
qaldırdı və qeyri-ixtiyari olaraq
onun gözləri doldu. Noyabr 2000
downloaded from KitabYurdu.org
downloaded from KitabYurdu.org
* * *
ŞƏHVƏTİN CİNAYƏTİ
İyul ayı idi. Bakıda havalar yaman istiləşmişdi. Həyat yoldaşım
oğlumuzu da götürüb kəndə - atasıgilə getmişdi. Evdə tək oturub
əməkdaşı olduğum qəzet üçün məqalə yazırdım. Bu zaman telefon
zəng çaldı. Danışan Hikmətin həyat yoldaşı idi. Ağlaya-ağlaya dedi
ki, Hikməti tutdular. Əvvəlcə heç nə dərk edə bilmədim.
-
Necə yəni tutdular? Harada? Nə üçün?
-
Elə indicə apardılar... Evdən...
Onun sonrakı sözlərindən belə başa düşdüm ki, Hikmət dünən A.
rayonunun kəndlərindən birinə əsgərlik yoldaşına qonaq gedib və
gecəni də orada qalıbmış. Bu gün isə günorta evə gəlib çıxıb və
gələndən iki saat keçməmiş həmin rayonun polis işçiləri gəlib onu
aparıblar.
İdman müəllimi işləyən Hikmət kiçik qardaşımdır. Biz cəmi iki
qardaşıq. Axır günlər işim çox olduğu üçün onunla görüşə bilmirdim.
Axınncı görüşümüzdə mənə demişdi ki, bu günlərdə, məzuniyyətə
çıxan kimi Moskvaya gedəcək. Guya orada tanışlan var və bir-iki ay
onların köməyilə alver edəcək. Yol pulu hazır idi. Məndən əlavə pul
istəmişdi. İstədiyi qədərə imkanım çatmasa da bir az vermişdim. Bu
görüş üç gün bundan qabaq olmuşdu. Ondan sonra Hikməti
görməmişdim.
Qardaşımın arvadına ürək-dirək verib dəstəyi yerinə qoydum və
tələsik hazırlaşıb öz şəxsi Volqamda rayona yola düşdüm.
Rayon polis şöbəsi cinayət axtarış bölməsinin rəisi mayor Yunusov
Hikmətin qardaşı və nüfuzlu bir qəzetin müxbiri olduğumu bilib məni
qəbul etdi. Tanış olduq. Onun ilk baxışdan məndə yaxşı təəssürat
yaratmasına baxmayaraq, söylədiyi soyuq və dəhşətli ittiham mənə
hər şeyi unutdurdu:
-
Mənim üçün ağır olsa da, deməliyəm ki, qardaşınız adam
öldürüb.
-
Nə danışırsınız?! - özümdən asılı olmayaraq yerimdən atıldım.
-
Əyləşin, əyləşin... - Mayor əli ilə stulu göstərib izahat verməyə
başladı:
downloaded from KitabYurdu.org
Dostları ilə paylaş: |