1 azərbaycan-tüRKİYƏ ƏlaqəLƏRİ son 20 İLDƏ: UĞurlar və İmkanlar
Azərbaycanla-Türkiyə arasında təhsil əlaqələri
Yüklə 2,88 Kb. Pdf görüntüsü
|
113 Azərbaycanla-Türkiyə arasında təhsil əlaqələri ayının sonuna qədər bu ixtisaslara qəbul olunacaq tələbə sayını və digər şərtləri bildirəcəkdir”. Protokolda həmçinin təhsilin müxtəlif sahələrində, orta və ali məktəb müəllimlərinin mübadiləsi, dərslik və nəşriyyat, türkdilli respublikalarda tədris olunacaq ortaq tarix və ədəbiyyat kitablarının yazılması kimi məsələlərdə əməkdaşlığın qurulması və daha da genişləndirilməsi əksini tapıb. Azərbaycan nümayəndə heyəti səfər zamanı Türkiyənin müxtəlif tədris müəssisələrinə baş çəkib, orta və ali təhsil sistemi ilə yaxından tanış olub. Bu səfərdən və qeyd olunan Protokolun imzalanmasından sonra Azərbaycanla Türkiyə arasında tələbə mübadiləsi sahəsində əməkdaşlığın məzmununda çox ciddi dəyişikliklər baş verib. Bu vaxta qədər Azərbaycan vətəndaşları xarici dövlətlərə, xüsusilə Türkiyəyə təhsil almağa göndərilərkən onların ölkəyə daha vacib olan ixtisaslar üzrə təhsilini təmin etmək məsələsində müəyyən nöqsanlara yol verilirdi. Çox zaman bu, müəyyən qanunauyğunluğa əsaslanmadan tələbələrin ixtiyarına buraxılırdı. Nəticədə, bəzi ixtisaslar üzrə ali təhsilli mütəxəssislər ehtiyac olmasa da Türkiyədə hazırlanırdı. Məsələn, 1997/1998-ci tədris ilinin statistik məlumatlarına əsasən, Ankara, Qazi, İstanbul, Mərmərə, Egey, Doqquz Eylül, Səlcuq, Uludağ və On doqquz Mayıs universitetləri üzrə aparılmış təhlil göstərir ki, bu ali məktəblərdə tələbələrimizin 34,1%-i pedaqoji, 27%-i iqtisadi, idarəetmə və ictimai elmlər fakültələrində (maliyyə, iqtisadiyyat, menecment, beynəlxalq əlaqələr, sosiologiya, psixologiya), 8,2%-i hüquq və jurnalistika, 8%-i ilahiyyat, 5,1 %-i mühəndislik, 4,1%-i kənd təsərrüfatı və 4,3%-i tibb ixtisasları üzrə təhsil alıblar. Soydaşlarımızın 9,2%-i ali məktəblərin nəzdində fəaliyyət göstərən ikiillik ali peşə məktəblərinə (məslək yüksək okulları) qəbul edilib. Göründüyü kimi, tələbələrimizin 1/3 hissəsi respublikamızın bir çox ali məktəblərində mövcud olan ixtisaslar üzrə təhsil alıblar. Qeyd olunan Protokol Azərbaycanda həyata keçirilən və aparılacaq təhsil islahatlarına Türkiyə tərəfinin hərtərəfli yardım göstərməsi və bu sahədə faydalı əməkdaşlığın qurulması üçün də real zəmin yaradıb. Təhsil naziri Misir Mərdanovun rəhbərlik etdiyi nümayəndə heyətinin 1999-cu il 22 iyul – 4 avqust tarixində Türkiyəyə növbəti səfəri yeni perspektivlər açıb. Məqsəd Türkiyədə aparılan təhsil islahatlarının gedişi ilə tanış olmaq, bu ölkənin təcrübəsini yaxından öyrənmək idi. Həmin il Dünya Bankının Beynəlxalq İnkişaf Assosiasiyasının ayırdığı kredit hesabına Azərbaycanın Təhsil Nazirliyi orta təhsil sistemində islahatlara başlamışdı. Qərb təhsil sisteminə inteqrasiya yolunda böyük uğurlar əldə etmiş Türkiyə 114 Azərbaycanla-Türkiyə arasında təhsil əlaqələri məktəblərinin təcrübəsinin öyrənilməsi səfər zamanı diqqət mərkəzində olub. Artıq təhsil əlaqələri qurulub və fəaliyyət üçün hüquqi əsas yaradılıb. Ölkələrimiz arasında əməkdaşlıq genişlənir. Bu baxımdan Azərbaycan nümayəndə heyətinin Qaradəniz Universitetlər Birliyinin İstanbulda 2000-ci il iyulun 2-dən 11-dək keçirdiyi II Beynəlxalq Konqresdə iştirakı da faydalı olub. Konqresin açılışında Misir Mərdanov çıxış zamanı bildirib ki, bu tədbir Qaradəniz hövzəsi universitetləri arasında yeni əlaqələrin qurulması və əməkdaşlığın daha da inkişaf etdirilməsində xüsusi rol oynayaq. Konqresdə Albaniya, Bolqarıstan, Gürcüstan, Ermənistan, Moldova, Rumıniya, Rusiya, Yunanıstan və Ukraynadan da qonaqlar iştirak ediblər. Qaradəniz Universitetlər Birliyinin növbəti görüşü 2002-ci ildə Bakıda keçirilib. Təhsil sahəsində əməkdaşlıqla bağlı əlamətdar hadisələrdən biri də 2000- ci ilin dekabrında Misir Mərdanovun dəvəti ilə Türkiyə Respublikası milli təhsil nazirinin Bakıya səfəridir. Türkiyə Respublikasının milli təhsil naziri Mətin Bostançıoğlu səfər zamanı bəyan edib ki, həmin il Bakıda baş vermiş zəlzələdən ziyan çəkmiş iki məktəbin təmirini Türkiyə Respublikası Milli Təhsil Nazirliyi üzərinə götürür. Bakı şəhərindəki İncəsənət Gimnaziyası və Səbail rayonundakı 7 nömrəli orta məktəbin təmirinə Türkiyə Respublikası Milli Təhsil Nazirliyi 50.000 ABŞ dolları məbləğində vəsait ayırıb. Səfər zamanı təhsil və elm sahələrində əməkdaşlıq haqqında növbəti Protokol imzalanıb. Bu Protokolun 14-cü maddəsində ali təhsil diplomlarının qarşılıqlı tanınmasını sürətləndirmək üçün Azərbaycan Respublikası Təhsil Nazirliyi ilə Türkiyə Respublikasının Ali Təhsil Şurası (YÖK) rəhbərliyinin mütəxəssislərindən ibarət yaradılmış Birgə Komissiyanın ildə bir dəfə Bakıda və ya Ankarada işləməsi üçün şərait yaradılması qeyd olunub. Buna əsasən formalaşmış Birgə Komissiyanın fəaliyyəti nəticəsində Azərbaycan ali məktəblərinin müvafiq ixtisaslarının tanınması sahəsində müəyyən irəliləyişlər əldə edilib. Protokolun 12-ci maddəsinə “Türk dünyası tarixi” və “Türk dünyası ədəbiyyatı” dərs kitablarının çap olunması üçün bu günə qədər aparılan işlərin davam etdirilməsi”, 19-cu maddəsinə Azərbaycan və Türkiyənin qarşılıqlı olaraq qarşı tərəfin təhsil işçiləri üçün “Azərbaycan dilini öyrətmə və təhsil sistemini tanıtma” və “Türk dilini öyrətmə və təhsil sistemini tanıtma” mövzularında xidməti təhsil seminarlarının təşkil olunması”, 22-ci maddəsinə “iki ölkə arasında tərəflərin daxili imkanları nəzərə alınmaqla ali təhsil işçilərinin mübadiləsini gücləndirmək üçün tədbirlərin Yüklə 2,88 Kb. Dostları ilə paylaş:
|