1. Xizmat ko‘rsatish madaniyati. Servis faoliyatini psixologik jihatlari

2.Servis faoliyatini psixologik jihatlari

Servis faoliyatida iste’molchilarga xizmat ko’rsatishni psixologik xususiyatlari muhim ahamiyatga ega. Bu yo’nalishda firma ishchilari, rahbarlari o’z ishlarini quyidagi talablarga e’tibor qaratishlari kerak:

- mijozlar bilan aloqada bo’layotgan ishchilarni konstruktiv shaxsiy-psixologik sifatlarini o’stirish;

- xizmat ko’rsatish ahvolini pozitiv ruhiy yo’lga yo’naltirish;

- iste’molchilarni pozitiv ruhiy xususiyatlarini namoyon bo’lishi uchun sharoit yaratish.

Birinchi holda, iste’molchilar bilan aloqada bo’luvchi, aloqa zonasi chegarasida mehnat qiluvchi ishchilarni puxta tanlashni amalga oshirish muhim hisoblanadi. Har bir ishchini ruhiy xususiyatlarini lavozim majburiyatlariga kiritilgan mehnat tavsifi va operasiyalarga mos kelishiga erishish oson kechmaydi. Bu hollarda ishchi ruhiyati va mehnat tavsifi o’rtasidagi mos kelmaslikni chetlab o’tish kerak bo’ladi. Masalan, sust ruhiyatli ishchiga tez reaksiyani talab qiluvchi ishni topshirmaslik lozim.

Aloqa zonasi ishchisi iste’molchi bilan aloqaga kirishish, uni talablarini majburlamasdan aniqlash va kerakli tovar yoki xizmatni taklif eta olish qobiliyatiga ega bo’lishi muhimdir. Masalan, narsa, buyum namunasini ko’rsata turib yoki ishlab chiqariladigan xizmatni ustun tomonlarini tushuntira turib, ishchi mijozni ruhiy xafsalasini tushunishi lozim. Namunani namoyish qila turib, diqqatni uni ustunligi va aniq tavsiflariga jamlash kerak. Bu holda o’z bahosini majburlamaslik, mijoz uni maslahatini kutayotgan bo’lsa maslahat berishdan bosh tortmaslik muhimdir.

Ishchi mijoz bilan aloqa davrida hayrixox va vazmin bo’lishi lozim. U hattoki, tovar yoki xizmatni sotib olishga ikkilanib tursa, unga noroziligini bildirish u yoqda tursin, betaqatlikni ko’rsatish mumkin emas. Agar mijoz xarid qilmagan bo’lsa ham, firma xodimi uni kelgusida tashrif buyurishga taklif etib, unga bo’lg’usi xaridor sifatida qarashi kerak.

Servis faoliyatini kasbiy va ruhiy jihatlari xizmat ko’rsatishni etikasi bilan bog’langan. Servis faoliyatini etik asoslari servis ishchilarini kasbiy o’zini tutishini va iste’molchilar bilan munosabatini rostlaydigan boyliklari asosida shakllanadi. Etik tamoyillar servis korxonasi ishchisiga jamiyatimizda ma’qullanadigan, zamonaviy servis amaliyoti tomonidan rag’batlantiriladigan mijozlar bilan bo’lgan munosabatni amr qiladi va bu bilan xizmat ko’rsatish jarayonini yengillashtiradi, uni ikkala tomon uchun yoqimli va samarali qiladi.