MTS, oqiw rejeler, pán dásturleri hám basqa huqıqıy hújjetler
Bilimlendiriw mazmunı normativ hújjetler: mámleketlik bilimlendiriw standartı, oqıw jobası, oqıw baǵdarlaması hám sabaqlıqlarda kórsetilgen.
Mámleketlik bilimlendiriw standartı (MBS) – oqıwshı-talabalardıń ulıwma bilim beriw tayarlıǵına, bilimine qoyılatuǵın májbúriy minimal dárejeni, bilimlendiriw mazmunın, formaları, quralları, usılları, onıń sapasın bahalaw tártibin belgilewshi hújjet bolıp tabıladı. Mámleketlik bilimlendiriw standartı óz mánis-mazmunına kóre oqıw baǵdarlamaları, sabaqlıqlar, qollanbalar, nızamlar hám basqa normativ hújjetlerdi jaratıw ushın tiykar boladı.
Mámleketlik bilimlendiriw standartın orınlaw Ózbekstan territoriyasında iskerlik kórsetiwshi barlıq bilimlendiriw mákemeleri ushın májbúriy bolıp tabıladı.
Oqıw jobası: mámleketlik hújjet bolıp tabıladı. Oqıw jobası barlıq bilimlendiriw mákemelerinde sózsiz ámel qılınıwı lazım bolǵan mámleketlik hújjet.
Oqıw jobası (tayanısh hám isshi) – belgili bir baǵdarda qánige tayarlawdı tártipke salıwshı normativ hújjet bolıp tabıladı. Ol Mámleketlik bilimlendiriw standartınıń quram bólegi bolıp, bilimlendiriw mákemesiniń finanslıq támiynatın belgilewge tiykar boladı. Oqıw jobası tiyisli bilimlendiriw ministrligi tárepinen tastıyıqlanadı.
Oqıw jobasında:
— oqıw jılınıń baslanıw hám tamamlanıw waqtı, beriletuǵın dem alıslardıń kúni, bilimlendiriw mákemesinde oqıtılıwı kerek bolǵan pánlerdiń sisteması;
— úyrenilip atırǵan pánlerdiń dizimi hám bóliniwi (bólistiriliwi);
— pánlerdiń tiykarǵı hám fakul’tativlerge bóliniwi;
— hár bir klassta oqıw pánlerin úyreniwde háptelik hám jıllıq bólistirilgen saatı kórsetilgen boladı.
Oqıw baǵdarlaması – belgili bir pán boyınsha qanday temalardı úyreniwdi belgilewshi normativ hújjet bolıp tabıladı. Ol Mámleketlik bilimlendiriw standartınıń quram bólegi. Úlgili hám isshi baǵdarlamalarǵa bólinedi. Isshi baǵdarlama hár jılı jańalanadı, qosımshalar menen bayıtıp barıladı.
Dostları ilə paylaş: |
