6-bob rangli metall parchalari va chiqindilarini qayta ishlash

6.8-jadval.
Tozalanadigan birlamchi va ikkilamchi mislarni kimyoviy tarkibi,%

Misni nomlanishi	Cu	Ni	Fe	As	Sb	Bi	Pb
Birlamchi mis	99,2	0,15	0,01	0,06	0,04	0,003	0,03
Birlamchi mis	99,2	0,20	0,07	0,034	0,02	0,003	0,05
Ikkilamchi mis	98,1	0,6	0,02	0,02	0,1	0,001	0,07

Mis tarkibli temir-tersak va chiqindilarga gidrometallurgik ishlov berish
Gidrometallurgik jarayonlar turli xil ikkilamchi mis xom ashyolarni qayta ishlashda keng qo‘llanmoqda. Bu usul metall ajratish darajasini yuqoriligi, texnologiyani oddiyligi va kichik masshtablarda ishlab chiqarish mumkinligi bilan ajralib turadi.
Bu usul qonuniyatlari, birlamchi misni gidrometallurgik ishlab chiqarish qonuniyatlarini aynan o‘zidir.
Ishlab chiqarish amaliyotida metallarni eritmaga o‘tishi diffuzion rejimda o‘tadi, ya’ni uskunalarni yuqori doimiy aralashtirib turish talab qilinadi. Bunday sharoitda eritma harorati 100⁰C ga yaqin bo‘lganda va avtoklavda harorat 100⁰C ortiq bo‘lganda metalni eritmaga o‘tkazish darajasi yuqori darajada bo‘ladi.
Ishlab chiqarishda asosiy erituvchilar sulfat kislota va ammiak hisoblanadi. Sulfat kislota eng faol erituvchi bo‘lib, asosiy kamchiligi ishlatiladigan apparaturalarga zarar etkazishidir. Bu kamchilik ammiakda nisbatan kam. Rangli metallar ammiak bilan ta’sirlashib, ammoniy tuzlar ishtirokida kompleks birikmalar holida eritmaga o‘tadi. Bir qator kompleks ionlarni 30⁰C haroratdagi chidamsizlik konstantalari 6.9 -jadvalda keltirilgan.