6-bob rangli metall parchalari va chiqindilarini qayta ishlash

6.9-jadval.
Bir qator kompleks ionlarni 30⁰С haroratdagi chidamsizlik konstantalari

Kompleks ionlar	K	rK
AgNH3^+ = Ag^+ + NH3	4,79  10^-4	3,32
Cd(NH3)4^2+ = Cd^2+ + 4NH3	2,75  10^-7	6,56
Co(NH3)6^2+ = Co^2+ + 6NH3	4,07  10^-5	4,39
Cu(NH3)4^2+= Cu^2+ + 4NH3	9,33  10^-13	12,09
Ni(NH3)6^2+ = Ni^2+ + 6NH3	9,77  10^-9	8,01
Zn(NH3)4^2+ = Zn^2+ + 4NH3	2,0  10^-9	8,70

Ammiakni tanlab eritishdagi yutug‘i - rangli metallarni temirdan ajratib olishidir. Bu ammiakni temirga ta’sir etmasligi natijasida yuz beradi.

Eritmadagi metallarni ajratib olishning bir necha turlari mavjud. Bularga sementatsiya, elektroekstraksiya, sorbsiya, ekstraksiya, gidroliz, sulfidlar, tuzlar, metallik kukunlar shaklida cho‘ktirish va boshqalar kiradi. Ikkilamchi metallar metallurgiyasida eng keng tarqalgan usul sulfatlangan va ammiakli eritmalardan elektroekstraksiya qilish hisoblanadi.
Gidrometallurgik qayta ishlanishi kerak bo‘lgan temir-tersaklarga dastavval birlamchi ishlov berilib kukun holiga keltiriladi. Birlamchi ishlov berish metaldagi iflosliklardan, moydan, izolyasiyadan tozalash, maydalash natijasida amalga oshiriladi. Bu jarayonlarning umumiy tasnifi oldingi mavzularda to‘liq berilgan. Moydan tozalash tarkibida 20-25 g/l kalsinirlangan soda, 10 g/l ishqor bo‘lgan ishqoriy eritmadan olib boriladi. Eritmani harorati 70-80⁰C, davomiyligi 20-30 minut bo‘ladi. Moydan tozalangan metall, ishqor yuviladigan bakka (maxsus idishga) solinadi. Yuvish 60-70⁰C haroratli issiq suv bilan olib boriladi. Bundan tashqari, metall yirikligi bo‘yicha tayyorlangan bo‘lishi kerak. Elektrokimyoviy eritishga paketlangan metall, kimyoviy eritishga mayda bo‘lak ko‘rinishidagi metallar yaroqli hisoblanadi.
So‘ngra maxsus uskunalarda parchalanib, maydalanadi.