www.kitabxana.net Amid Əlioğlu
2016
İlk günümüz xidmət yeri ilə tanışlıqla keçdiyi
üçün qeyri-adi hadisə baş vermədi. Həmin gün
öyrəndiyimiz ən maraqlı məlumatlardan biri posta
gələrkən maşında əyilməyimizin səbəbi oldu. Sən
demə, yolun həmin hissəsi düşmən postunun görüntü
sahəsinə düşür. Orada baş verən hadisələrlə bağlı
danışan əsgər yoldaşlarımız, özləri də bilmədən, bizi
daha da həyəcanlandırırdılar. Düşmənin bizim yüksək
ərazilərimizi işğal edərək,orada qərar tutması,onların
xeyrinə idi. Görüş sahəsinə düşən yolun həmin on
beş-iyirmi metrlik hisəsində baş verənləri eşitmək
adamı hiddətə gətirirdi. Düşmən əsgərləri o yolda
dəfələrlə mal-heyvanı üçün ot aparan kəndlinin
arabasını yanan güllə ilə atəşə tutmuş və nəticədə ot
yanmış, neçə-neçə mal-qaranı vuraraq öldürmüş,
onlarla avtomobilə atəş açmağa macal tapmış, lakin
xoşbəxtlikdən indiyəcən heç bir insan itkisi baş
verməmişdi.
Yeni gələnlərlə birlikdə cəmi iyirmi bir nəfər
heyəti olan bu tağımın bircə komandiri, bir starşınası
və bir çavuşu var idi. Tağım komandiri kapitan
Tapdıqov otuz üç-otuz beş yaşlarında olardı:
idmançılara oxşayan bədənini dik yerişilə hamıya
www.kitabxana.net Amid Əlioğlu
2016
göstərən, qalın qaşlı, qarabənizli, yeriyəndə əllərini
asta-asta dalğalandıran, bir sözlə, lovğa bir insan idi.
Xidmət
yerindən narazı olması, şəhər hərbi
hissələrindən birinə təyinat almaq üçün dəridən-
qabıqdan çıxması, əsgərin maddi imkanını nəzərə
almadan müxtəlif sifarişlər verməsi, tabeliyində
olanların ən adi səhvini dağ boyda edərək söyüşlə
təhqir etməsi, zəhmli və hətta qəddar olması çox
keçmədi ki, hamımıza məlum oldu.
Starşına nisbətən yaşlı olsa da, özünü həmişə
gənc hiss etdiyini vurğulayan, bəstəboylu, yeyib-
içməyi sevən, lopa bığları sarışın sifətinə yaraşıq
verən, mehriban insan idi. Əsgərdən heç nə ummaz,
əksinə, daim onlarla maraqlanırdı. Əsgərlər arasında
köhnə əsgər, təzə əsgər qarşıdurmasının qətiyyən
əleyhinə olması, yeni gələnlərin xeyrinə, köhnə
əsgərlərin isə zərərinə işləyirdi. Amma bu istəyinə
həmişə çata bilmirdi. Onun ərazidə olmadığından
istifadə edən çavuş Səfərov nəinki yeni əsgərləri,
hətta dilsiz-ağızsız, fağır köhnə əsgərləri də
gözümçıxdıya salırdı. Səfərov tağım komandiri
Tapdıqovun ona verdiyi imtiyazlardan yüksək
səviyyədə yararlanır və çox vaxt komandirin
www.kitabxana.net Amid Əlioğlu
2016
vəzifələrini qeyri-rəsmi olaraq elə özü icra edirdi.
Bizə qeyri-müəyyən olan bu imtiyazların səbəbi
əvvəllər maraq dairəmizdə olmasa da, sonralar
Səfərovun özbaşınalığının bizi cana yığması bu
barədə düşünməyimizə səbəb oldu.
Çavuş Səfərov çəlimsiz biri olsa da, güclü əl,
xüsusən də ayaq zərbələri endirməyi ilə tanınırdı.
Həmin tağıma gələndən üç gün sonra bunun şahidi
olmuşdum. Səhər hamıdan iki saat gec oyanan
Səfərov yeməkxanada mənə yaxınlaşaraq yüksək
səslə:
-
Bu gün yerimi sən yığarsan!- deyəndə yediyim
hülqumumda ilişib qalmışdı. Baş verənə mənimlə bir
yerdə
gələn
əsgərlərdən
başqa
heç
kim
təəccüblənməmişdi. Adi bir şey olurmuş kimi hər kəs
yeməyini yeyirdi. Yarıda qalan yeməyimi davam
etdirə bilmədiyimi indi də yaxşı xatırlayıram.
Yeməkdən sonra sıra düzülüşünə qədər olan şəxsi
vaxtı tualetdə boş oturmaqla keçirdim. Belə bir
vəziyyətdən çıxış yolunu ağlıma gətirə bilmirdim. Ya
dediyini etməli idim, ya da... Ya da bilmirdim necə
olacaq.
www.kitabxana.net Amid Əlioğlu
2016
Sıra düzülüşü üçün toplanma əmri eşidiləndə
tualetdən
çıxdım.
Üst-başımı
düzəldə-düzəldə
gedirdim ki, çavuş Səfərov məndən şübhələnməsin.
Uzun müddət dayandıqdan sonra gözlərimi sıranın
önünə keçən çavuşun üzündən yayındırmağa çalışsam
da, mənə diqqətlə baxdığını hiss edirdim. Elə bilirdim
ürəyimin döyüntüsünü yanımda dayanan əsgər
yoldaşlarım eşidir. Bu arada çavuş Səfərov az qala
eşşək kimi anqıra-anqıra müxtəlif əmrlər verərək,
guya səhər idmanı etdirməyə başladı.
-
“Jim” vəziyyəti allll! - deyən vaxtı isə son
kəlməsini uzadaraq qışqırması adamın əsəblərini
korlayırdı. - Olmadııı, “jim” vəziyyəti al, olmadııı, -
əmrlərini dəfələrlə təkrarlaması onu qətiyyən
bezdirmirdi. Görünür, məktəbdə ancaq rus dili dərsini
oxuyurmuş. Nəinki yat, qalx əmrlərini, hətta bir sıra
sözləri də rus dilində səsləndirməsi bu qənaətə
gəlməyimə səbəb olmuşdu. Tərləyən bədənimiz
qollarımızdan ümidini üzüb zaman-zaman yerə
dəydikcə, bədən ölçülərimiz torpağa həkk olunurdu.
Ən dəhşətlisi isə komandirin bu prosesi
damağında siqaret, gözündə güzgü effektli gün
eynəyi, təbəssümlə izləməsi idi. Otuz dəqiqədən çox
www.kitabxana.net Amid Əlioğlu
2016
çəkən işgəncəyə bənzər idmandan sonra öyrəndim ki,
hər kəs mənə görə əziyyət çəkibmiş. Çavuş Səfərov
mənim üstümdə digərlərini incitmişdi ki, onlarda da
mənə qarşı nifrət yaransın. Bunu acıqla və açıqca dilə
gətirən digər əsgərlərdən öyrənməli olmuşdum. Səbəb
isə Səfərovun yerini yığmamağım idi.
Şam yeməyində çavuş Səfərovun mənə baxa-
baxa qımıldanaraq yemək yeməsi düzünü deyim,
canıma qorxu salmışdı. Axşam düzülüşündən və
siyahı yoxlanışından sonra bir başa yerlərimizə
yollandıq. Əmin idim ki, axşam nəsə baş verəcək.
Amma nə?!
Hərbi xidmətdə köhnə əsgərlərin gənc əsgərləri
sınaqdan keçirmək üçün gecə yuxusundan oyadıb
döyməklərini eşitsəm də, buna heç cur inanmaq
istəmirdim.
Tanışların o sınaqdan layiqincə
çıxdıqlarını dilə gətirməsi mənim də bu imtahandan
müsbət qiymət alacağımı yəqinləşdirmişdi. Belə ki,
yerimə girəndən gözümə yuxu getmədi. Nə qədər
həyəcanla gözləsəm də, heç kim yaxınlaşmadı.
Beləcə həyəcanı yavaş-yavaş kənara qoyan vücudum
yuxuya “gəl-gəl” deməyə başladı. Yorğunluq yuxusu
bir başqa olur, həqiqətən. Gözümü bir anlıq nənəmin
Dostları ilə paylaş: |