Amid Əlioğlu
Yüklə 1,73 Mb. Pdf görüntüsü
|
www.kitabxana.net Amid Əlioğlu 2016 də, həm gözünün zəifliyi, həm də ayağının altının düz olması, onun əsgərliyə getməsinə, məndən fərqli olaraq, ümumiyyətlə, mane oldu. - Yaxşıdı, yaxşıdı! – Çox guman ki, qeyri- səmimi olduğumu hiss etmişdi. - Nəsə yaxşıya oxşamır axı, deyəsən! – Xəttin o başından güldüyünü eşitdim. - Yox əşi, yaxşıdı. Hər şey qaydasındadı. Bircə Səfərov tərxis olunsa, lap yaxşı olacaq. - O kimdi ki? - Tağımın çavuşudur. Çavuş Səfərov...Bezdirib milləti. - Adı yoxdu? – deyib yenidən gülümsəyən Elşənin hərbidə hamının yalnız soyadla çağırılmasından məlumatı yox idi. - Adı var e, sadəcə, burda hamı bir-birinə soyadla müraciət edir deyə, adlar yaddan çıxır... Adı, yanılmıramsa, Telman olmalıdır. Hə, Telman, Telman Səfərov... - Telman? – Elşən təəccüblə soruşdu. - Hə, nədi ki? - Bu Telman bizim kəndçi Telman olmasın?. www.kitabxana.net Amid Əlioğlu 2016 - Bizim kəndçi olsa, mən tanımaram? – tələsik soruşdum ondan. - Əgər o Telmandırsa, tanımaya bilərsən, qardaş. Səndən hardasa beş-altı yaş kiçikdir. Uşaq vaxtından Rusiyaya gedib-gəlirdi. Kəndin aşağısında – dayımgilin qonşuluğundadır evləri. Çox nadir halda - ildə iki-üç dəfə gəlirlər kəndə. - Bir qədər fasilə verib soruşdu: – arıq, qarayanız, alçaq boyludu? - Hə, elədi... Balacaboy, arıq... - Onda yüz faiz elə odur. Rusiyadan hərbi xidmətə görə gəldi. Gələn kimi də, gedib. Dayımgildən eşitmişdim. Özü də sərhəd bölgəsinə göndərildiyi deyilirdi. - Nə bilim, ola bilər, – dilim bu sözləri desə də, fikrim tamam qarmaqarışıq olmuşdu. Axı Səfərov mənim haradan gəldiyimi bilirdi. Hətta bir dəfə kəndimizin necə olduğu ilə maraqlanmışdı. Elə idisə, mənə niyə bu qədər əziyyət verirdi?! İlk ağlıma gələn ona kəndçi olduğumuzu xatırlatmaq oldu... Amma... - Dedin bezdirib sizi? – Elşən qəribə tonla soruşdu. - Bezdirib deyəndə ki, yəni nə istəyir eləyir də. Burda onun bir dediyini iki eliyən yoxdu. Komandir www.kitabxana.net Amid Əlioğlu 2016 də ona heç nə demir. İstədiyi vaxt yatır, istədiyi vaxt durur. Hətta istədiyi vaxt rayon mərkəzinə enib “bazlıq” da eliyir, deyilənə görə. - Maraqlıdır, həqiqətən, – dedi Elşən. Təəccübünü telefondan hiss edə bilirdim. - Nə maraqlıdır? – soruşdum. - Qorxağın biri kimi tanıyıram mən onu. Rusiyada dəfələrlə döyüldüyünü eşitmişəm. Həm də deyilənə görə, anası da.... nə isə... nə bilim, yəqin səhv eşitmişəm. Elə onunla münasibətin olmasa yaxşıdır. - Başa düşmədim. Niyə ki? - Nə bilim, Azər. Kənddə eşitdiyimizə görə Telman atası ilə Rusiyaya işləməyə gedəndən anası Bakıda boş dayanmayıb. Hətta belə zarafat da edirdilər ki, guya onun anasını bizim kəndin kişilərindən başqa hamı...o məsələ. Telefon söhbəti deyil, görüşəndə danışarıq. - Bəlkə Telmanın bu haqda xəbəri yoxdur? – Özüm də bilmədən nifrət etdiyim bir insanı müdafiə edirdim. - Əzizim, maraqlısı elə odur ki, Telman bunu gözəl bilir. Atası da bildiyi üçün uzun illərdir www.kitabxana.net Amid Əlioğlu 2016 Azərbaycana gəlmir. Amma Telman ildə bir dəfə də olsa, gəlib anası ilə bir müddət qalır. Və hər kəs əmindir ki, o, bütün məsələləri bilir. Mən susurdum. Beynimdə onlarla fikir bir- birinə qarışmışdı. Elşən isə elə hey davam edirdi. - Hətta maddi imkanları ola-ola Telmanın niyə şəhərlərdə olan hərbi hissələrə yox, sərhəd bölgəsinə göndərilməsi məsələsi müzakirə olundu bir müddət. Nə isə ee... – Anidən sual verib söhbəti dəyişdi: - Nə vaxt gəlirsən məzuniyyətə? - Gərək ən azı altı ay xidmət edəm ki, məzuniyyət verilsin, – bildirdim, amma fikrim hələ də qarışıq idi. - Hə, inşallah, gəl, danışarıq ətraflı. Üzrlü hesab elə qardaş, mən müəyyən səbəblərə görə gəlib səninlə görüşə bilmirəm, - deyərək üzrxahlıq etdi, sonda mehribanlıqla sağollaşdı. O danışıqdan sonra iki ay ərzində hər dəfə Səfərovun yerini yığan zaman onun haqqında əsl həqiqəti bilə-bilə bunu etmək məni çox sıxırdı. Bu barədə kimsəyə bir kəlmə də deməyəcəyim barədə özümə verdiyim sözü bacardıqca tutmağa çalışırdım. www.kitabxana.net Amid Əlioğlu 2016 Və budur, tağımdan hərbi xidmətini başa vuraraq tərxis olunan üç əsgərin əvəzinə andiçməsini yerinə yetirmiş eyni sayda yeni əsgər gətirildi. Tərxis olunanların içində çox təəssüf ki, çavuş Səfərov yox idi. Onun müddətinin bitməsinə daha üç ay qalmışdı. Amma istənilən halda hadisələr təkrarlanırdı. Bura gələndə nə baş verdiyini bilməsələr də, başlarını starşınanın əmrilə aşağı əyməklərindən tutmuş, “başınızı qaldırın” deməyənə qədər o vəziyyətdə qalmaqlarına, eləcə də blendaj, səngər, post, qurğularla tanış olmaqdan tutmuş, tağımın köhnə əsgərlərindən o yolda baş verənləri eşitdiklərinə görə heyrətlənmələrinə qədər hər şey təkrarlandı. Bəli, hər şey təkrarlanırdı... Üç ay heç kimlə münasibət qurmamağım məni münasibət məsələsindən, ümumiyyətlə, uzaqlaşdırmışdı. Dolayısı ilə xidmətimi yoldaşsız başa vuracağımı yəqinləşdirmişdim. Tərxis olunandan sonra digərləri kimi, təəssüf ki, mənim əsgər yoldaşlarım olmayacaqdı. Bir müddətdən sonra yeni gələn əsgərlərin içərisində İslamı fərqləndirməyə başlamışdım. Sanki onda qeyri-adi nəsə var idi. Hər gecə yuxuma girən Yüklə 1,73 Mb. Dostları ilə paylaş:
|