www.kitabxana.net Amid Əlioğlu
2016
Mətləb də ona aid işarələr verirdi. Odur ki,
hisslərimin məni aldatmamasına güvənib bir gün ona
yaxınlaşdım.
Xırda
gözləri
ilə
ucu-bucağı
görünməyən adsız yüksəkliklərə baxırdı. Onunla
danışdıqca, həyat hekayəmizi bir-birinə bənzədirdim.
Anasının xəstə olmasını dolumsunaraq deməsi
dizlərimi
bükmüşdü.
Taleyin
əsl
dostları
qarşılaşdırdığına olan inamım məni İslamla
yaxınlaşmağıma kifayət qədər yetərli idi. Odur ki,
onu buradakı təhlükələrdən qorumağa özlüyümdə söz
verdim. Mənim başıma gələnlərin onun başına
gəlməsinə razı ola bilməzdim.
Amma çox təəssüf ki, xoş hadisələrdən fərqli
olaraq bəd hadisələr həqiqətən də təkrarlanırdı.
İslamla həmsöhbət olduğumu çox güman ki,
müşahidə edən çavuş Səfərov səhər yeməyində ona
yaxınlaşaraq üç ay əvvəl mənə dediyi sözü eyni həvəs
və eyni tonla təkrarladı:
-
Bəşirov, yerimi sən yığarsan! – Bu əmri
eşidəndə İslamın durumu mənim vəziyyətimin təkrarı
idi. Aliminium çay bardağını yerə qoyub çətinliklə
udqunduğunu gördüm. Sezdirmədən ətrafdakılara
baxmağa çalışır, çarəsiz olduğu açıq-aşkar hiss
www.kitabxana.net Amid Əlioğlu
2016
edilirdi. Baş verənlər onunla gələn digər iki əsgər
yoldaşından və təbii ki, məndən başqa heç kimin
vecinə deyildi.
Yeməyini bitirənlər tək-tək yeməkxananı tərk
edirdi, nəhayət, hamı çölə çıxdı. Yeməkxanada bir
mən, bir də gözlərini iki əliylə bərk-bərk tutduğu
aliminium bardağdan çəkməyən İslam qalmışdı.
Ayağa durub qapıya tərəf çevriləndə məni görüb
əvvəl diksinsə də, sonra dərindən nəfəs alıb yanıma
yaxınlaşdı. Belə bir hadisəylə ilk dəfə rastlaşdığından
özünü çarəsiz sayır, nə deyəcəyini, nə edəcəyini
bilmirdi. İndi o, sadəcə susurdu. Eynən vaxtilə mən
susduğum kimi.
Yaşadıqlarımı ona yaşatmamaq üçün əhvalını
yüksəltməyə başladım.
-
Nə oldu e, kefin pozuldu? Yaxşı olacaq,
ürəyini sıxma! – söyləyib gülümsədim, yanına keçib
əlimi çiyninə aşırdım. Bir yerdə yeməkxanadan çıxıb
blindaja daxil olduq. Çavuş Səfərovun yatdığı qalın
döşəkli, taxta çarpayısına yaxınlaşanda İslamla axşam
yarımçıq qaldığımız söhbəti davam etdirdim.
www.kitabxana.net Amid Əlioğlu
2016
-
Hə, İslam, demədin axı yeni il günü parkda
qabağınızı kəsən başqa məktəbin şagirdlərilə söhbətin
ardı necə oldu.
-
Demədim ki, onu? – O, asta və həvəssiz
şəkildə dilləndi.
-
Yox, demədin. Yaxşı yadımdadır ki, demədin.
Daha doğrusu, mənim posta çıxmaq növbəm gəldiyi
üçün getdim deyə, söhbətimiz yarımçıq qalmışdı.
-
Hə, hə... Düz deyirsən, qaravul rəisi posta
çıxanları səslədi deyə, sən getməli oldun... Hə, heç nə
də...–deyə gülümsəyən İslamı bir az əvvəl baş verən
hadisənin pis aurasından çıxara bilmişdim. – Uzaqdan
səs-küy
sala-sala gəlib dayandı düz mənim
qabağımda. Düzdür, biz onlardan çox idik, amma
qətiyyən dalaşmaq niyyətimiz yox idi. Onlardan biri
əvvəlcə alnını alnıma dirəyib, sonra kənara çəkilərək
qışqırmağa başladı: “Mənim keyfim zordu! Keyfimi
heç kim poza bilməz. Rayonda mənim bir yerimi
yeyən oğlan var?.. Rayonun istənilən oğlanının
ağzına...” - sözünü tamamlamağa imkan tapmayan
oğlana içimizdən kimsə necə kəllə vurdusa, zərbənin
gücü onu yaxınlıqdakı oturacağın altına qədər apardı.
www.kitabxana.net Amid Əlioğlu
2016
-
Nə danışırsan?. Doğrudan o qədər güclü zərbə
idi? – Mən həqiqətən təəccüblənmişdim.
-
Hə, vallah. Yalan olmasın, iki-üç metr kənara
yıxıldı. Hamımız donub qalmışdıq. Oğlan ayağa
qalxandan sonra al-qan içində olan üzünü tutub
“Məni kim vurdu? Məni kim vurdu?” – deməsi hələ
də qulağımdadı! – bunu söyləyəndə İslam artıq
əməlli-başlı gülürdü.
-
Kim vurmuşdu ki, onu elə? – Vuranın kim
olduğunu tanımasam da, özümdən qeyri-asılı
soruşdum.
-
Hava alatoranlıq olduğundan əvvəl biz də
bilmədik ki, kim vurub. Lakin sonra Tural adlı sinif
yoldaşımın alnında qan ləkəsi olduğunu görəndə
“zərbənin müəllifi”nin kim olduğunu dəqiqləşdirdik.
-
Sonra nə oldu? Kütləvi dava baş verdi?
-
Adətən elə olanda hər iki qrup bir-birinə
qarışaraq dava düşür, düz deyirsən. Lakin bu dəfə
belə olmadı. Görünür, onun dostları da bu zərbənin
təsirindən heyrətə gəlmişdilər.
-
Hə, ola bilər, – söylədim və gülüşdük. Söhbət
əsnasında Səfərovun yerini yığmışdım deyə, İslamın
www.kitabxana.net Amid Əlioğlu
2016
qoluna girərək onu blindajdan çıxarmaq istədim lakin
o:
-
Sən neylədin? Oranı mən yığmalı idim axı, –
etiraz etdi.
-
İslam, üç aydır ki, bu yeri mən yığışdırıram.
Belə deyək, öyrəşmişəm. Səfərov yəqin ki, bayaq
səhv saldı bizi. Sən yenə də heç kimə bu barədə
danışma! Qoy elə bilsinlər ki, sən yığışdırmısan.
-
Axı...
-
Sənə dedim belə məsləhətdir! - mənimlə
razılaşmaq istəməyən İslamla bir qədər sərt danışaraq
razı saldım.
Həmin günü yola verə bilmişdim. Bu qayda ilə
İslamı mənəvi əzab çəkəcəyi əmrlərdən uzaq tutmaq
fikrində idim. Məncə, alınacaqdı. Bunu yalnız ikimiz
bilirdiksə, problem olmamalı idi.
Üç ay ərzində kifayət qədər təcrübə topladığıma
görə postlara sərbəst şəkildə çıxa bilirdim. Havalar
getdikcə hiss olunacaq dərəcədə sərinləyirdi. Gecə
vaxtları növbədə olmaq, xüsusən yuxunun ən şirin
vaxtı hesab edilən saat dörddən altıya qədər olan
müddəti ayıq-sayıq keçirmək çox çətin və yorucu idi.
Düşmən tərəfinin atəşkəsi tez-tez pozması bu
Dostları ilə paylaş: |