364
155. GEDİN DƏDƏNİZ EVİNDƏ DALAŞIN
Bir qonşu var, anası da, yoldaşı da qonşu kəntdəndilər.
Özü də qızı anası bəyənif gətiribdi ha. Oğlanın birinci arvadı
rus qızı oluf, qəşəh də dolanerdılar. Arvad bunu qovaladı, dedi:
– Olmaz, öz qohumumu gətirəjəm.
Gələn günnən təzə gəlinnən başdadı dalaşmağa. Gəlin-
qaynana həmi qohumdular, həmi bir kəntçidilər. Qışın qarın-
da camaat səs-küyə yığılıf. Oğlan anasını da, yoldaşını da
çıxardıf dokqazın başında qarın içində saxleer. Deyir:
– Bura bax, mənim dədəm zəhmət çəkif ev tihdirif, mülk
qoyuf gedifdi. Gedin dədəniz öyündə dalaşın, barışanda gəlif
mənim dədəmin öyündə yaşıyarsınız. Yoxsa mənim dədəmin
öyünə gəlmiyin. Dava meydanı döyül mənim dədəmin öyü.
156. NAĞDI MƏNİM, NİSYƏ SƏNİN
Bizim kəndin yarı torpağı dəmyədi, suvarılan yerrərimiz
azdı. Keşmiş bəylərdən birinin yanına tat gəler İrannan ki, gəl
sənnən şərikli bostan əkəh. Deyir:
– A tat, əhməyinə bir söz demerəm. Nağdı aldıxlarım
mənimdi, mən kəndimi bilerəm, nisyə sənin boynunadı. Özün
yığar, aparar gedərsən.
Tat deyir, adamdılar da, uzağı bir ay, iki ay yubatsınnar,
axırda verəjəhlər da. Bir il can qoyor bejərer, əker, səper.
Müəyyən bir hissəsini yığer. Payızda bəy deyir:
– O nağdıyı maa ver, nisyələr sana qalar.
Tat deyir: “Adamdılar, nolar ki, verəjəh”. Heş kim də
vermir. Tat hələ də yığer pulunu, gənə də. Elə çıxer geder.
157. HAZIRCAVAB GƏLİN
Qədimdən bizim zona aşıx azarkeşi oluf. Bəylər məclis
keçirillər özdəriçün, Aşıx Ələsgəri dəvət eliyillər Göyçədən.
365
Bu yanında da bir balamançı gəler. Kəndin qırağınnan ke-
çəndə – Aşıx Ələsgər rəhmətdih bilirmiş bizim kəndin bir az
baməzə olduğunu, – bir arvad su aparer ulaxnan, yanında da
balaca xoduğu. Bu balamançı əl çəhmer, başdıyır ki, arvada
ilişəjəm, görüm nə diyəjəh. Rəhmətdih Aşıx Ələsgər deyir:
– Ə, bulara söz çatdırammazsan, çıx gedəh, ayıfdı, bizi
biyavır eləməginən.
Balamançı bunu eşitmer. Gəler deyir:
– Ay bajı, o nədi?
Deyir:
– Görmörsənmi? Ulaxdı, suya ederəm.
Deyir:
– Bə onun yanında hopbana-hopbana gəzən nədi?
Deyir:
– Nolojax, dərdin alem, aşığın yanında balamançı
hərrənən kimi, bu da bir şeydi, eləcə hərrəner.
Rəhmətdih Ələsgər deyir:
– Cavabını aldınmı, gəl gedəh.
158. QALMAĞINDAN GETMƏYİN YAXŞIDI
İki qonşu savxozda çilingər işdellər. Birinə bir gün qəbz
gəler ki, səni zbora çağırerıx. Bular indi yaxın dostdular, ikisi
də fırıldax fason adamlardılar. Zbora gedəni o birsi qonax
çağırer, bir beçə kəser, yiir-içellər. Zbora gedən oğlan beçeyi
yidihcə sümühlərini öy yiyəsinin civinə dolduror. Savahısı
gedellər. Vayenkomatın həyətində bu köyrəler ki, dostum
geder, iki ay, üç ay bunu görmöjəm. Əlini civinə saler kin,
ağlasın, birdən beçənin sümüyünün qırığı bunun barmağına
bater, qanı çıxer. Fikirrəşer ki, mana ailəmdə belə munasibət
yoxdu, bunu heç kim eləməz, bunu elə dosdum eliyif. Deyir:
– Qardaş, sənin getməyinə ağlıyajeydim, əmmə qalma-
ğınnan getməyin yaxşıdı, getgınən.
366
159. MEHDİ
Göyəbaxanda bir Nooruz varıydı. Nemsin müharibə
vaxtı kolxozun danalarını otarerdı. Mehti də ispolkom oluf.
Mehtidən tələb eliyiflər Nooruzu. Nooruzu vayenkomata gön-
dərəndə örgədif. Deyif:
– A Nooruz!
Deyif:
– Nədi?
Deyif:
– Orda vayenkomat sənnən nə soruşsa, deynən Mehti.
Deyir:
– Yaxşı.
Nooruz vayenkomata gedəndə, vayenkomat soruşor:
– Ə, haralısan?
– Mehti!
– Ə, səni buruya kim yollof?
– Mehti!
– Ə, ateyin adı nədi?
– Mehti!
– Ə, öz adın nədi?
– Mehti!
– Ə kopoğlu, nə danışersan?
– Mehti!
– Nə danışersan?
– Mehti!
Buna bir-iki dənə yapışdırellar. Yapışdıranda, “Mehti,
Mehti, Mehti” deyə-deyə qapıdan çıxer. Nooruz onnan əsgər-
likdən canını kutarer, gəler gənə həmən danaları otarer.
367
160. QARIŞQANIN DOSTLUĞU
Bir qarışqanın dağın o üzündə bir dostu olor. Dostu
ismarış göndərer ki, ay qarışqa qardaş, mən ölörəm, gəl görü-
şək. Qış olor, qar olor. Qarışqa dağın döşünə dırmaşer, başına
çıxanda külək vuror. Çovğun qarışqeyi dağın divinə saler. Bir
neçə dəfə təkrar olor. Qarışqa görör mümkün döy. Qarışqa
başdeer dağın divinnən eşer ki, dağın o üzünnən çıxım qarışqa
dostumnan görüşöm. Burda bir tısbağa yua salıfmış. Tisbağa
deyir ki, ay qarışqa, nə eşersən? Deyir ki, ay tısbağa qardaş,
dağın o üzündə bir dostum var. O ölör, mana ismarrıyıf, onnan
görüşməyə gedəjəm. Çouğun, qar qoymadı, indi burdan eşif
gedif dağın o üzünnən çıxajam. Tisbağa deyir:
– Ay qarışqa qardaş, sənin nə qədər yaşın var? Sənə dağın
o üzünə çıxmax üçün iki yüz il lazımdı. İki yüz il ömrün varmı?
Qarışqa deyir:
– Neynim, ölsəm də, qoy desinnər dost yolunda öldü.
161. EŞŞƏK BEYNİ
Qoja şirin tükü tökülördü. Buna, deyir, buyuruflar eşşək
beyini. Tülkü də buna qulluğ eliyən oluf. Tülküyə deyir ki,
get bir eşşək tap gətir. Gedir bu hərrəner, eşşəyi taper gətirer.
Qojalmış xəstə şir eşşəyi pəncəsinnən vurmağ istiyir, eşşək
duruf qaçer. Tülkü qayıdıf eşşəyin dalınnan bir də geder. Deyir
ki, ayə, ağam sənnən zarafat eliyirdi. Səni çox istiyir. Gəl gedək.
Qaytarıf gətirer. Şir özünü topluyur, eşşəyi vuruf öldürör. Deyir:
– Bir havamı alım, qayıdım gəlim. Ona kimi bunun bey-
nini çixart, mən yeyim.
Tülkü beynini çıxardıf özü yiyir. Şir qayıdıf gələndə deyir:
– Bə bunun beyni hanı?
Deyir:
– Ə, beyni olsaydı yanıma düşüf gələrdimi?
Dostları ilə paylaş: |