97
3.4. Kimyəvi reaksiyaların sürəti, oksidləşmə-reduksiya reaksiyaları və
elektrolitik dissosiasiyanın öyrədilməsi zamanı kimya eksperimenti.
1-ci iş. Kimyəvi reaksiyanın sürətinə təsir edən amillər.
Ləvazimat və reaktivlər: 1 l-k iki ölçü kolbası, 100 ml-lik 6 ədəd ölçü silindri,
100 və 200 ml-lik kimyəvi stəkanlar, saniyəölçən, tərəzi, çini həvəng, şpatel, spirt
lampası, kibrit, kalium- yodat, natrium- sulfit kristalları, qatı sulfat turşusu məhlulu,
nişasta məhlulu, kalsium-karbonatın tozu və parçaları, durulaşdırılmış xlorid turşusu,
kalium-yodid, qurğuşun(II) nitrat kristalları, distillə suyu, 10%-li hidrogen-peroksid
məhlulu, 0,02M kalium-bixromat məhlulu, durulaşdırılmış xlorid tirşusu, 40%-li
formalin mıhlulu, 0,05M qırmızı qan duzu K
3
[Fe(CN)
6
] məhlulu, səthi təmizlənmiş
dəmir mıxlar, çöp.
Təcrübə 1. Kimyəvi reaksiyanım sürətinə müxtəlif amillərin təsiri.
Təcrübələri aparmaq üçün iki məhlul hazırlamalı. Birinci məhlul üçün ölçü
kolbasında 1 q natrium-sulfit, 1 ml sulfat turşusu və 50 ml nişasta götürüb, üzərinə
distillə suyu əlavə etməklə ümumi həcmini bir litrə çatdırın. İkinci kolbada isə 3,9 q
kalium- yodatın bir litr suda məhlulunu hazırlayın.
a) Reaksiya sürətinin reaktivin qatılığından asılılığı. Altı ədəd ölçü
silindrlərini cüt-cüt qoyun. Hər cütdəki silindrlərdən birinə 100 ml birinci məhluldan
tökün. Birinci cütün ikinci silindrinə ikinci məhluldan 100 ml, ikinci cütün ikinci
silindrinə ikinci məhluldan 50 ml və 50 ml su; üçüncü cütün ikinci silindrinə isə
ikinci məhluldan 25 ml və 75 ml su əlavə edin.
Saniyəölçəni işə salın və birinci cüt silindrlərin içərisindəki məhlulları
qarışdırın. Göy rəng əmələ gələnədək saniyəölçənin vurğularını sayın. Kalium-
yodatın qatılığının müvafiq olaraq 2 və 4 dəfə az olduğu ikinci və üçüncü silindrlər
üçün də eyni əməliyyatı təkrar edin. Hər çüt məhlulu qaışdırdıqdan sonrra göy rəng
98
əmələ gələnə qədər keçən vaxtı müqayısə edin və nəticə çıxarın. Reaksiyanın sürətinə
qatılıq necə təsir edir?
b)
Reaksiya sürətinin temperaturdan asılılığı. İki cüt silindr götürün. Hər
cütdəki silindrlərdən birinə birinci məhluldan 100 ml, ikincisinə isə ikinci məhluldan
50 ml tökün.
Birinci cütün ikinci silindrinə 50 ml otaq temperaturunda olan su əlavə edin.
Saniyəölçəni işə salın və birinci cütün silindrlərindəki məhlulları qarışdırın. Göy rəng
əmələ gələnədək saniyəölçənin vurğularını sayın.
İkinci cütün ikinci silindrinə 50 ml isti su əlavə edin. Məhlulları qarışdırın və
saniyəölçənin vurğularını sayın. Müxtəlif temperaturlarda rəngin əmələ gəlmə vaxtını
müqayisə edin və nəticə çıxarın. Temperaturun artması reaksiyanın sürətinə necə təsir
edir?
c)
Reaksiya sürətinin reaktivin xırdalanma dərəcəsindən asılılığı. 100 ml-
lik iki kimyəvi stəkanları tərəzinin gözlərinə qoyun və tarazlaşdırın. Sonra stəkanlara
eyni çəkidə birinə təqribən 1q kalsium-karbonat tozu və digərinə isə kalsium-
karbonat parçaları qoyun. Çəkilərin eyni olduğunu göstərin. Sonra həmin stəkanlara
eyni zamanda eyni həcmdə durulaşdırılmış xlorid turşusu məhlulları tökün. Nə
müşahidə edilir? Tərəzinin hansı gözü ağır gələcək? Səbəbini izah edin və nəticə
çıxarın. Bərk maddələrin xırdalanma dərəcəsi reaksiyanın sürətinə necə təsir edir?
Təcrübə 2. Homogen və heterogen reaksiyaların sürət fərqinin müəyyən
edilməsi. Eyni çəkidə toz halında kalium-yodid və qurğuşun(II) nitrat-ın hərəsindən
bir qədər təqribən eyni miqdarda stəkana töküb qarışdırın və iki hissəyə bölün.
Qarışığın bir hissəsini həvəngdə sürtün, ikincisinə su əlavə edin. Nə müşahidə edilir?
Hər iki halda rəng dəyişikliyinə diqqət edin və nəticə çıxarın.
Təcrübə 3. Katalizatorun reaksiyanın sürətinə təsiri. Kataliz.
1) Hidrogen-peroksidin katalitik parçalanması. Stəkana 40-50 ml hidrogen-
peroksid tökün və üzərinə 10ml kalium- bixromat məhlulu əlavə edin. Közərmiş çöplə
99
yoxlayın. Nə müşahidə olunur? Məhlulda rəng dəyişikliyi necə gedir? Bu reaksiyada
kalium-bixromatın rolu nədir? Nəticə çıxarın və reaksiyanın tənliyini yazın.
2) Dəmirin xlorid turşusu ilə reaksiyasının zəiflədilməsi. İki silindrin hər
birinə bir qədər durulaşdırılmış xlorid turşusu məhlulu töküb, içərisinə dəmir mıx
salın. Hidrogen qazının qabarcıqları görünməyə başladıqda, silindrlərdən birinə 1-2
ml formalin məhlulu əlavə edin. Nə müşahidə edilir? Formalin reaksiyanın sürətinə
necə təsir etdi? Nəticə çıxarın.
2-ci iş. Oksidləşmə-reduksiya reaksiyaları.
Ləvazimat və reaktivlər: sınaq şüşələri, ştativ, şüşə çubuq, spirt lampası, kibrit,
sınaq şüşələri üçün tutqac; xlorlu və bromlu su (bromlu su hazırlamaq üçün 10%-li
kalium-bromid məhluluna 1-2 ml qatı sulfat turşusu və 6%-li hidrogen-peroksid
məhlulu əlavə edilir), natrium-bromid, natrium-yodid (10%-li), gümüş-nitrat (1%-li),
natrium-permanqanat(1%-li), natrium-sulfit (5%-li), sulfat turşusu (10%-li), natrium
-hidroksid (5%-li) məhlulları, nişasta kleysteri (yapışqanı), sink (tozu).
Təcrübə 1. Halogenlərin bir-birini birləşmələrindən sıxışdırıb çıxarması.
Bir sınaq şüşəsinə 1 ml kalium-bromid, ikinci və üçüncuyə - hərəsinə 1 ml kalium-
yodid tökün. Birinci və ikinci sınaq şüşələrinə bir neçə damcı xlorlu su, üçüncüyə -
bromlu su və bir damcı nişasta məhlulu əlavə edin. Nə müşahidə edilir? Sınaq
şüşələrində rəngin dəyişməsi nəyin nəticəsidir? Reaksiya tənliklərini yazın,
oksidləşdirici və reduksiyaedicini müəyyən edin. Hansı maddə daha qüvvətli
oksidləşdiricidir: xlor, yoxsa yod?
Təcrübə 2. Bromun sinklə qarşılıqlı təsiri. Sınaq şüşəsinə, yarısına qədər
bromlu su töküb, içərisinə şpatelin ucunda sink tozu əlavə edib, şüşə çubuqla
qarışdırın və qızdırın. Məhlulu soyumağa qoyun. Rəngsiz məhlul alındıqda, onu iki
sınaq şüşəsinə tökün(əgər məhlul rəngsizləşmirsə, yenidən bir qədər sink tozu əlavə
edin, qarışdırın və sınaq şüşəsini qızdırın). Reaksiyanın tənliyini yazın, oksidləşdirici
Dostları ilə paylaş: |