9
qazanmışdır.
Eyni zamanda Azərbaycan paralimpiyaçıları da XXXI Yay Paralimpiya Oyunlarına 4 idman növü üzrə 13
lisenziya əldə etmişlər. Bunlardan atletika -4, cüdo- 6, üzgüçülük-2, poverliftinq-1 lisenziya qazanmışdır.
5 mart - “Bədən tərbiyəsi və idman günü”ndə ölkəmizdə gənclərlə iş və idman sahəsində çalışan
əməkdaşlardan 4 nəfər 3-cü dərəcəli “Vətənə xidmətə görə” ordeni ilə, 2 nəfər “Tərəqqi” medalı ilə və 21
nəfər isə “Dövlət qulluğunda fərqlənməyə görə” medalı ilə təltif edilmişlər.
İdman mütəxəssislərinə fəxri adların verilməsi ilə əlaqədar daxil olmuş sənədlərə 2013-2016-cı illər üçün
Azərbaycan Respublikasının Vahid İdman Təsnifatına uyğun olaraq baxılmış və müvafiq qaydada rəy
hazırlanaraq fəxri adların, təqaüdlərin verilməsi və sosial vəziyyətin yaxşılaşdırılması komissiyasına təqdim
olunmuşdur.
İdman növləri üzrə ali, I və II ixtisas kateqoriyasının verilməsi ilə əlaqədar təqdim olunmuş sənədlərə
Azərbaycan Respublikasının mövcud Vahid İdman Təsnifatına uyğun olaraq baxılmış, əmrləşdirilmiş və
müvafiq vəsiqələrin hazırlanması işləri yerinə yetirilmişdir. 2015-ci il ərzində ayrı-ayrı idman növləri üzrə 91
məşqçi-müəllimə müvafiq ixtisas kateqoriyası verilmişdir. Bunlardan 10 nəfər ali, 79 nəfər birinci, 2 nəfər
ikinci ixtisas kateqoriyası almışdır.
45 nəfər “Azərbaycan Respublikasının Fəxri Bədən Tərbiyəsi və İdman işçisi”, 69 nəfər “Azərbaycan
Respublikasının Əməkdar məşqçisi”, 15 nəfər “Azərbaycan Respublikasının əməkdar idman ustası”, 22
nəfər “Respublika dərəcəli hakim” fəxri adları almışlar. 159 nəfər isə İdman ustası normasını yerinə
yetirmişdir.
Azərbaycan idmançıları arasında dopinqə qarşı mübarizənin gücləndirilməsi ilə əlaqədar yeniyetmə və
gənclər arasında bir çox idman növləri üzrə yığma komanda üzvlərindən dopinqin mövcudluğunun
müəyyənləşdirilməsi məqsədilə analiz nümunələri götürülmüş və Antidopinq laboratoriyasına
göndərilmişdir.
Dünya Antidopinq Agentliyi tərəfindən qadağan olunmuş üsul, vasitə və dərman preparatlarının 2015-ci il
üçün yeniləşmiş siyahıları idman federasiyalarına paylanılmışdır.
Avropa Oyunlarında iştirak edəcək milli yığma komandaların tələblərinə əsasən dərman preparatlarının
təyin və təmin edilməsi ilə əlaqədar müvafiq işlər görülmüşdür.
Azərbaycan yığma komandalarının həkimləri elmi və metodiki yeniliklərlə təmin olunmuşlar. Yeni tibbi və
bioloji üsullar haqqında məlumatlar verilmişdir. İdmançılar, həkimlər, məşqçilər və ümumiyyətlə gənclər
arasında dopinq haqqında sorğular aparılmış və nəticələr təhlil edilmişdir. Respublika və beynəlxalq
yarışlara hazırlıq məqsədilə Azərbaycan yığma komanda üzvləri bərpaedici vasitələrlə təmin olunmuşlar.
Azərbaycan Respublikası Gənclər və İdman Nazirliyinin təsdiq etdiyi təqvim planına müvafiq olaraq
«Gənclik» Tələbə-İdman Cəmiyyətinin Respublika Şurası ali təhsil məktəblərinin tələbələri arasında 2015-ci
ilin mart-dekabr aylarında idmanın cüdo (kişilər), sərbəst, yunan-roma güləşi, basketbol (kişilər, qadınlar),
həndbol (kişi,qadın), şahmat (kişi, qadın), stolüstü tennis (kişi, qadın), dama (kişi, qadın), voleybol (kişi,
qadın), badminton (kişi, qadın),atletika (kişi, qadın), üzgüçülük (kişi, qadın) idman növləri üzrə təhsil
müəssisələrinin tələbələri arasında XII Respublika Universiadası və Spartakiadası keçirilmişdir.
İlin əsas idman nailiyyətləri
10
İlk Avropa Oyunları
12-28 iyun 2015-ci il tarixlərdə ölkəmizdə İlk Avropa Oyunları keçirilmişdir. 12 iyun 2015-ci il tarixdə 68 min
tamaşaçı tutumuna malik Olimpiya Stadionunda "Bakı-2015" İlk Avropa Oyunlarının rəsmi açılış mərasimi
keçirilmişdir. Oyunların məşəli yandırıldıqdan sonra Azərbaycan Respublikasının Prezidenti cənab İlham
Əliyev İlk Avropa Oyunlarını açıq elan etmişdir.
16-sı Olimpiya, 4-ü isə qeyri-olimpiya idman növü olmaqla ümumilikdə 20 idman növündə keçirilmiş
Oyunlarda Azərbaycan bütün növlərdə 291 idmançı ilə təmsil olunmuşdur. 12 idman növündə keçirilən
yarışlar "Rio 2016" Olimpiadasına təsnifat xarakterli olmuşdur.
Avropanın 50 ölkəsinin idmançılarının iştirak etdiyi bu möhtəşəm tədbirdə Azərbaycan 21-i qızıl, 15-i gümüş
və 20-si bürünc olmaqla 56 medal qazanmış və medallar cədvəlində Rusiya Federasiyasından sonra 2-ci yeri
tutaraq tarixi qələbəyə imza atmışlar. Azərbaycan idmançılarının bundan əvvəl keçirilmiş Yay Olimpiya
Oyunlarında qazandığı uğurlarla müqayisə onu göstərir ki, I Avropa Oyunlarında ölkə yığmamız yeni
keyfiyyət səviyyəsinə qalxmışdı. London Yay Olimpiya Oyunlarında Azərbaycan yığması Avropa ölkələri
arasında 15-ci yerə yüksəlmişdisə, Bakı 2015-də onlar gərgin mübarizədə daha yüksək- 2-ci pillədə yerini
qoruyub saxlaya bildi.
Azərbaycan idmançıları 10 idman növündə medallar qazandılar: avarçəkmə - 1 (1 gümüş), boks - 11 (6 qızıl,
1 gümüş, 4 bürünc), cüdo - 4 (1 qızıl, 2 gümüş, 1 bürünc), gimnastika - 7 (1 qızıl, 3 gümüş, 3 bürünc), güləş -
15 (6 qızıl, 2 gümüş, 7 bürünc), karate - 6 (4 qızıl, 2 bürünc), qılıncoynatma - 2 (1 gümüş, 1 bürünc), sambo 4
(4 gümüş), taekvondo - 5 (3 qızıl, 1 gümüş, 1 bürünc), triatlon - 1 ( 1 bürünc).
Ümumilikdə, Oyunlara 12500 nəfərdən artıq gənc əməliyyat könüllüsü kimi, 4000-dən artıq gənc isə
mərasimlərdə iştirak edən könüllü kimi qatılmışdır. Bununla yanaşı dünyanın 107 ölkəsindən insanlar
Oyunlarda könüllü kimi iştirak etməkdən ötrü müraciət etmiş, onlardan 55 ölkədən olan 400-ə yaxın
könüllü proseslərə cəlb edilmişdir.
Bakı-2015 bütün qitəni sülh, ədalətli mübarizə və dostluq ruhunda birləşdirən möhtəşəm idman bayramı
olmuşdur. Azərbaycanın Birinci xanımı, Təşkilat Komitəsinin sədri Mehriban xanım Əliyevanın hazırlıq
prosesində bütün mərhələ və istiqamətlərdə birbaşa şəxsən iştirakı və rəhbərliyi sayəsində Birinci Avropa
Oyunları ən yüksək səviyyədə təşkil edilmişdir. Avropa Oyunlarının keçirilməsi Azərbaycan dövləti və xalqı
üçün əvəzedilməz və gələcəkdə istifadə oluna biləcək təcrübə qazandırdı, böyük idman və mədəni irs
qoydu. Bununla da Azərbaycan Avropanın yeni idman tarixini yazmış oldu.
Azərbaycan bu tarixi hadisə ilə gələcək Avropa Oyunlarının standartlarını - ən yüksək standartları
müəyyənləşdirdi və çox yüksək səviyyəli təşkilatçılıq imkanlarına malik olduğunu bütün dünyaya sübut etdi.
Azərbaycan Respublikası Prezidentinin müvafiq sərəncamları ilə I Avropa Oyunlarının təşkilində böyük
xidmətlərinə görə Mehriban Arif qızı Əliyeva “Heydər Əliyev" ordeni ilə, I Avropa Oyunlarında qazanılmış
yüksək nailiyyətlərə və Azərbaycan idmanının inkişafında böyük xidmətlərinə görə 24 nəfər "Şöhrət”, 2
nəfər 2-ci dərəcəli “Vətənə xidmətə görə” ordeni ilə, 32 nəfər “Tərəqqi” medalı ilə, I Avropa Oyunlarının
təşkilində səmərəli fəaliyyətlərinə görə “Bakı 2015” Avropa Oyunları Əməliyyat Komitəsinin
əməkdaşlarından 22 nəfər “Dostluq” ordeni ilə, I Avropa Oyunlarında uğurla çıxış etmiş idmançıların
məşqçiləri, səmərəli fəaliyyətlərinə görə "Bakı 2015" Avropa Oyunları Əməliyyat Komitəsinin əməkdaşları,
Avropa Olimpiya Komitələri İcraiyyə Komitəsinin üzvləri və Azərbaycan idmanının inkişafındakı xidmətlərinə
görə idmançılar da daxil olmaqla 81 nəfər “Azərbaycan Respublikası Prezidentinin Fəxri Diplomu” ilə təltif
edilmişdir.