41
Məlum olduğu kimi, əmirlər hərbi xidmətçi idilər və başçılıq etdikləri
qoşunlarla birlikdə ölkənin hərbi qüvvəsini təşkil edirdilər. Bildiyimizə görə, bütün
hərbi qüvvələrə başçılıq edən şəxs isə əmirül-üməra olmuşdur. XV - XVI əsrlərin
tarixi mənbələrində əmirül-üməradan başqa iki yüksək əmir rütbəsi də
göstərilmişdir: divan əmiri və əmiraxur. İndi bu iki vəzifənin hər birinə ayrı-
ayrılıqda nəzər salaq.
Divan əmiri: Mənbələrdə ―əmir-i divan‖ adlanan bu əmirin vəzifəsinin
məzmunu barədə hələlik müəyyən bir məlumatın olmadığını bildirən V.F.
Minorski divan əmirinin xüsusi divanı olduğunu qeyd edib yazmışdır ki, onun
divanı həm sədrin, həm də vəzirin divanından üstün olmuşdur [112, 162].
Doğrudan da, tanış olduğumuz mənbələrin heç birində divan əmiri vəzifəsinin
məzmunu şərh edilməmişdir. Lakin məlumdur ki, divan əmiri ―digər əmirlərdən
yüksəkdə duraraq, böyük ixtiyara malik idi‖ [11, 40].
Bəzən döyüşdə qalib gələn tərəfə əhəmiyyətli köməklik göstərən şəxs ona
ehtiyac olduqda, divan əmiri vəzifəsinə layiq görülürdü. Məsələn, 810 (1407/08)-
cu ildə Əlincə qalasında baş verən qiyam yatırıldıqdan sonra qalanın yeni hakimi
olan Qara İsgəndər üsyan başçılarından biri olan Şəhriyarı divan əmiri etmişdi [64,
262a]. Bu misalla güman etmək olar ki, vilayət, şəhər və qala divanlarının hər
birinin öz divan əmiri olmuşdur. Qaraqoyunluların başçısı Qara Yusif olduğu
halda, Şəhriyarı divan əmiri vəzifəsinə sülalənin başçısı yox, şahzadə İsgəndər
təyin etmişdi. Atası ilə məsləhətləşmədən belə hərəkət edən şahzadə, görünür ki,
ona təhvil verilən Əlincəni öz mülkü hesab etmiş və qala divanının əmiri olmağı
Şəhriyara məsləhət görmüşdü.
Digər qaraqoyunlu şahzadəsi Pirbudağın Bağdaddakı divan əmiri Mir Əli
Şükür adlı əmir olmuşdur [56, 364, 373].
Səfəvilər dövründə də bu vəzifə qalmaqda idi. I Şah Təhmasibin divan
əmiri Məsum bəy Səfəvi olmuşdur [77, 209, 220; 58, 77] ki, o, Həsən bəy
Rumlunun məlumatına görə sonradan şahın vəkili təyin edilmişdi [65, 411, 490]
Bəzi mənbələrdə divan əmiri və əmirül-üməranın vəzifələri bir-birinin
qarşılığı kimi işlənir. Mir Yəhya Qəzvini yazır: ―Divan əmiri olan Çayan sultan
Ustaclu vəfat etdi, onun yerini oğlu Bayazid sultana verdilər. O da bir neçə gündən
sonra öldü və əmirül-üməralıq mənsəbinə Div sultan Rumlu təyin edildi‖ [98.
150a].
Yaxud Budaq Qəzvini göstərir: ―Divan əmirliyi Çayan sultan Ustacluya
verildi və əmirül-üməra oldu‖ [61, 288a]. Yenə də bu müəllif yazır ki, I Şah
İsmayılın vəsiyyətinə görə Div sultan Rumlu əmirül-üməra və ―əmir-i divanlıq
möhürünü əmirlərin möhüründən yuxarı vurdu‖ [61, 297b].
Bu misallardan aydın olur ki, bəzi tarixçilərin əsərlərində divan əmiri və
əmirül-üməra mənsəbləri eyniləşdirilmişdir. Həsən bəy Rumlu və Qazi Əhməd
Qəffari də Çayan sultanın Çaldıran vuruşmasından sonra əmirül-üməra olduğunu
göstərirlər [65, 150; 81, 277a]. Bunlardan belə nəticəyə gəlmək olar ki, divan əmiri
42
vəzifəsini aparan şəxs bütün əmirlərin yox, yalnız divan əmirlərinin rəhbəri olmuş,
eyni zamanda əmirül-üməra adlandırılmışdır. Dövlətin əmirül-ümərası isə divan,
ordu və sərhəd əmirlərinin rəhbərliyini etmiş, divan əmiri də onun tabeliyində
olmuşdur.
Əmiraxur: XV - XVI əsrlərdə Azərbaycan ordularında minik
heyvanlarına nəzarət və nəqliyyat məsələlərinə rəhbərlik etmək əmiraxurun
öhdəsinə düşürdü. Qoşunların əsas minik vasitəsi olan at ilxılarının ümumi sayı
haqqında hökmən əmiraxurun məlumatı olmalı idi. Sultan Əhməd Cəlayirinin
məğlub olub qaçmasından sonra əsir alınmış düşmən əmiraxurlarına Qara Yusifin
verdiyi suallar bu fikrin təsdiqi üçün olduqca səciyyəvidir: ―Sultanın neçə atı
vardı? O özü ilə neçə at aparmış olar? Ordumuzun əlinə daha neçə at keçə bilər?‖
[66, 66].
Müharibə vaxtı ordu ilə birlikdə əmiraxurlar da döyüşürdülər [66, 83; 56,
427, 463].
Möhürdar: Görkəmli saray əmirləri nümayəndələrindən biri olan
möhürdarın da müəyyən fəaliyyəti olmuşdur, lakin mənbələrdə qaraqoyunlu və
ağqoyunlu möhürdarları haqqında olduqca az məlumat vardır. Həsən bəy Rumlu
da, əsasən, səfəvi dövrü hadisələrinin təsvirində möhürdar haqqında kiçik qeydlər
etmişdir.
Möhürdar şahın xüsusi möhürünü qoruyan şəxsə deyilirdi [63, 25]. Onun
sənədlərə vurduğu möhür şahın imzası demək idi [36, 19]. Zərurət olduqda
möhürdar hərbi səfərlərdə də iştirak edir, şəxsən döyüşürdü [65, 293; 58, 40; 97,
138]. Bu vəzifə çox şərəfli və məsuliyyətli hesab edilirdi. Həsən bəy Rumlu yazır
ki, 912 (150/07)-ci ildə I Şah İsmayılın möhürdarı Sarı Əli kürdlərlə döyüşdə
öldürülmüş və bu vəzifə bir müddət heç kimə etibar edilməmişdi. 913 (1507/08)-cü
ildə I Şah İsmayıl Əlaüddövlə Zülqədərlə döyüşən vaxt ağqoyunlu sultanları
tərəfindən illərlə Diyarbəkrdə vali olmuş Əmir bəy Mosullu qızılbaş şahının yanına
gələrək, hörmətə layiq görulmüş və bir il boş qalan möhürdar vəzifəsi ona
verilmişdi [65, 93].
Həsən bəy Rumlu möhürdarın möhürünü ―böyük möhur‖ adlandırır [65,
484].
Qorçibaşı: Bu istilah altında xüsusi şah alayının üzvləri olan qorçi
dəstələrinin rəhbəri başa düşülür. XV əsrdə bu məfhumun işlənməsinə dair hələlik
məlumat yoxdur, lakin XVI əsrdən etibarən qorçi dəstələrinin sayca çoxalıb
dövlətin hərbi həyatında mühüm rol oynaması ilə əlaqədar olaraq, qorçibaşı
vəzifəsi də müəyyən edilmiş və bu vəzifənin sahibi dövlətin ən etibarlı
şəxslərindən biri olmuşdur.
Mənbələrə əsasən müəyyən
etmək
olur ki, dövlətin ümumi
qorçibaşısından başqa ayrı-ayrı vilayətlərin, habelə hər bir qorçi dəstəsinin də öz
qorçibaşısı var imiş. Məsələn, I Şah İsmayılın hakimiyyətinin ilk illərində onun
qorçilərinə rəhbərliyi Durmuş xan Şamlu [81, 240b] və Dədə bəy Zülqədər [65, 88;
Dostları ilə paylaş: |