Bakı – 2016 İxtisasın adı: Heyvandarlıq mütəxəssisi Modulun nömrəsi

1.2  Dişli çarx ötürmələri 
Dişli ötürmələrdə hərəkət iki dişli çarxın ilişməsi ilə ötürülür. Kiçik çarxa dişli 
çarx, böyüyə isə çarx deyilir. Dişli çarx ötürmələri mexaniki ötürmələrin geniş 
yayılmış  növüdür.  Dişli  çarx  ötürmələri  xarici  və  daxili  ilişməli  ötürmələrə 
ayrılır.  Valların  oxlarının  qarşılıqlı  vəziyyətindən  asılı  olaraq,  oxlar  paralel 
olduqda ötürmələr silindrik, oxlar kəsişdikdə isə ötürmələr konik olur.  
Düzdişli  silindrik  ötürmələrdə  dişli  çarxlar  bütün  uzunluğu  boyunca  eyni 
vaxtda ilişməyə girir. Fırlanma tezliyi kiçik və orta 
olduqda bu ötürmələr tətbiq olunur. Xarici silindrik 
ötürmədə  aparılan  çarxın  fırlanma  istiqamətini 
saxlamaq  üçün  ona  əlavə  aralıq  dişli  çarx  daxil 
edirlər.