Banklar haqqında Azərbaycan Respublikasının Qanunu
Yüklə 0,61 Mb. Pdf görüntüsü
|
- Bu səhifədəki naviqasiya:
- VII fəsil. Müvəqqəti inzibatçı
Maddə 49. Sanksiyalar 49.1. Mərkəzi Bank bu Qanunun 47.1-ci maddəsində nəzərdə tutulan hallarda bu Qanunun 48.1-ci maddəsində nəzərdə tutulmuş təshih tədbirləri ilə yanaşı, banka qarşı aşağıdakı sanksiyaları tətbiq edə bilər: 49.1.1. bank, habelə bank inzibatçıları barəsində Azərbaycan Respublikasının İnzibati Xətalar Məcəlləsində nəzərdə tutulmuş cərimələrin tətbiq edilməsi; 49.1.2. inzibatçıların tutduğu vəzifələrindən azad edilməsi. 49.2. Mərkəzi Bank banka qarşı bu Qanunun 49.1.2-ci maddəsində nəzərdə tutulmuş sanksiyanı tətbiq etdikdə, bank inzibatçılarının vəzifədən azad edilməsi bankın səlahiyyətli idarəetmə orqanının qərarı ilə təxirəsalınmadan həyata keçirilir. 49.3. Bu Qanunun 16-cı maddəsində nəzərdə tutulmuş əsaslara görə Mərkəzi Bank bank lisenziyasının ləğv edilməsi barədə qərar qəbul edə bilər. 49.4. Sanksiyaların tətbiqi bankı kreditorlar, o cümlədən bankın müştəriləri qarşısında öhdəliklərini, bankın inzibatçılarını isə (tutduğu vəzifədən azad edilmiş inzibatçılar istisna olmaqla) öz xidməti vəzifələrini yerinə yetirməkdən azad etmir.
50.1. Banklara və bank inzibatçılarına cərimə sanksiyaları Azərbaycan Respublikasının İnzibati Xətalar Məcəlləsində nəzərdə tutulmuş hallarda və qaydada tətbiq edilir. Bu Qanunun 49.1.2-ci və 49.3-cü maddələrində nəzərdə tutulmuş sanksiyaların tətbiqinə dair materiallara baxılması və onun nəticələrinin rəsmiləşdirilməsi qaydası Mərkəzi Bank tərəfindən müəyyən edilir
50.2. Bu Qanunun 49.1.2-ci və 49.3-cü maddələrində nəzərdə tutulmuş sanksiyalar Mərkəzi Bankın İdarə Heyətinin qərarı ilə tətbiq edilir. 50.3. Mərkəzi Bank bu Qanunun 49-cu maddəsində nəzərdə tutulmuş sanksiyaların tətbiqi haqqında qərar qəbul etdikdə, bu qərar barəsində müvafiq banka təxirəsalınmadan bildiriş göndərməlidir. 50.4. Barəsində sanksiya tətbiq edilmiş şəxslər bu qərardan Azərbaycan Respublikasının qanunvericiliyi ilə müəyyən edilmiş qaydada məhkəməyə şikayət verə bilərlər. Şikayətin verilməsi bu Qanunun 49.1.2-ci və 49.3-cü maddələrində nəzərdə tutulmuş sanksiyaların icrasını dayandırmır.
51.1. Aşağıdakıların müəyyənləşdirildiyi hallarda Mərkəzi Bank banka müvəqqəti inzibatçı təyin edir: 51.1.1. bankın məcmu kapitalının miqdarı Mərkəzi Bankın banklar üçün müəyyən etdiyi məcmu kapitalının minimum miqdarının 25 faizinə və ya onun adekvatlıq əmsalı 3 faizə çatmışdır; 51.1.2. bank öhdəlikləri üzrə ödənişlərin icrasını təmin edə bilmir; 51.1.3. bank barəsində iflas proseduruna başlanılması haqqında ərizə verilmişdir; 51.1.4. bank lisenziyası bu Qanunla müəyyən edilmiş digər əsaslar üzrə ləğv edilməlidir. 51.2. Bank bu Qanunun 47-ci, 48-ci və 49.1.2-ci maddələrinə uyğun olaraq, müəyyən edilmiş tələbləri yerinə yetirmədikdə, Mərkəzi Bank həmin banka müvəqqəti inzibatçı təyin etmək hüququna malikdir.
52.1. Müvəqqəti inzibatçı Mərkəzi Bankın işçiləri sırasından və ya kənar şəxslərdən (fiziki və/və ya hüquqi) 12 aydan çox olmayan müddətə təyin edilir. Təyinat müddəti Mərkəzi Bank tərəfindən 6 aydan çox olmayan müddətə uzadıla bilər. 52.2. Müvəqqəti inzibatçının əmək haqqı və çəkdiyi xərclər bankın aktivləri hesabına, çatışmayan hissədə isə Mərkəzi Bank tərəfindən ödənilir. 52.3. Banklara aidiyyəti şəxslər və aidiyyəti şəxs adından hərəkət edən şəxslər, habelə bankın kreditorları və borcluları (Mərkəzi Bank istisna olmaqla) bankın müvəqqəti inzibatçısı vəzifəsinə təyin oluna bilməzlər. 52.4. Müvəqqəti inzibatçının təyin edilməsi və ya təyinat müddətinin uzadılması haqqında qərarda müvafiq əsaslar, müvəqqəti inzibatçı haqqında məlumat və onun səlahiyyət müddəti göstərilir. Mərkəzi Bank qərar qəbul edildikdən sonra onun dərhal bankın Müşahidə Şurasının və İdarə Heyətinin sədrlərinə təqdim olunmasını təmin edir. 52.5. Müvəqqəti inzibatçı öz fəaliyyətində bu Qanunu, qüvvədə olan normativ hüquqi aktları, o cümlədən Mərkəzi Bankın normativ xarakterli aktlarını, habelə göstəriş və tövsiyələrini rəhbər tutur.
52.6. Mərkəzi Bankın müvəqqəti inzibatçının təyin edilməsi haqqında qərarının təsdiq edilmiş surəti banka təqdim edildiyi gündən etibarən 5 təqvim günü müddətində bankın Müşahıdə Şurası banka təyin edilmiş müvəqqəti inzibatçının dəyişdirilməsi və ya ona razılıq verilməsi barədə qərar qəbul etməli və qərarın təsdiq edilmiş surətini Mərkəzi Banka təqdim etməlidir. Bank Mərkəzi Bankın müraciətinə münasibətini bildirmədikdə, bank müvəqqəti inzibatçının təyin edilməsi qərarı ilə razı olmuş hesab olunur. 52.7. Mərkəzi Bank təyin etdiyi müvəqqəti inzibatçıya dair etiraz aldıqda 5 təqvim günü müddətində öz qərarına yenidən baxmalı, təyinatın ləğv edilməsi və ya seçimini əsaslandıraraq qərarının qüvvədə saxlanılması barədə qərar qəbul etməlidir. Mərkəzi Bankın digər müvəqqəti inzibatçının təyin edilməsi və ya əvvəlki təyinatının qüvvədə saxlanılması barədə qərarı dərhal müvafiq banka təqdim olunmalıdır. 52.8. Bu qanunun 52.6-cı və 52.7-ci maddələrində nəzərdə tutulmuş hallardan asılı olmayaraq, Mərkəzi Bank tərəfindən təyin edilmiş müvəqqəti inzibatçı Mərkəzi Bankın onun təyin olunması barədə qərarı çıxarıldıqdan sonra dərhal öz vəzifələrinin icrasına başlamalıdır. Müvəqqəti inzibatçının təyinatı dəyişdirildikdə, müvəqqəti inzibatçı dərhal bankın aktivlərinin idarə olunmasını, mühasibat kitablarını və yazılarını yeni təyin olunmuş müvəqqəti inzibatçıya təhvil verməlidir. 52.9. Bank müvəqqəti inzibatçının təyin edilməsi haqqında Mərkəzi Bankın qərarı, habelə Mərkəzi Bankın müvəqqəti inzibatçının təyinatını təsdiq edən qərarı ilə razı olmadıqda, həmin qərarlardan sonuncu qərar təqdim edildikdən sonra qanunvericiliklə müəyyən edilmiş qaydada məhkəməyə şikayət edə bilər.
53.1. Müvəqqəti inzibatçı təyin olunduğu gündən: 53.1.1. bankın idarəedilməsi ilə bağlı idarəetmə orqanlarının səlahiyyətləri dayandırılır; 53.1.2. bankın idarəedilməsi ilə bağlı idarəetmə orqanlarının səlahiyyətləri müvəqqəti inzibatçıya keçir. Bankın müvəqqəti inzibatçısı bankın satılması, yenidən təşkili və ləğvi haqqında qərarlar qəbul edə bilməz. Bankın satılması və yenidən təşkili yalnız məhkəmənin qərarı əsasında həyata keçirilə bilər; 53.1.3. bankın mövcud maliyyə vəziyyəti haqqında ən geci 60 təqvim günü müddətində hesabat hazırlayıb Mərkəzi Banka təqdim edir. Hesabata bankın ləğvi zamanı satıla bilən aktivlərin dəyərləndirilmiş qiyməti daxil edilir. Hesabatın tərtib edilməsinə müstəqil auditor da cəlb oluna bilər. Auditorun xidmətləri bankın hesabına ödənilir. Mərkəzi Bank ona təqdim olunan hesabata dair müvafiq qərar qəbul edir; 53.1.4. bankın adından və bankın hesabına əqdlər müvəqqəti inzibatçının yazılı razılığı ilə həyata keçirilir, əks halda həmin əqdlər etibarsız sayılır. 53.2. Müvəqqəti inzibatçı bankın idarəetmə orqanlarının səlahiyyətlərindən başqa aşağıdakıları həyata keçirir: 53.2.1. bankın əmlakının və sənədlərinin qorunması üçün tədbirlər görür;
Yüklə 0,61 Mb. Dostları ilə paylaş:
|