Azərbaycan – Türkiyə münasibətləri II beynəlxalq elmi konfransının materialları
11
Məqsəd 3. Gender bərabərliyini təmin etmək və qadınlara səlahiyyət vermək
Təhsildə gender bərabərliyi indeksi aşağıdakı göstəricilərlə tam təsvir olunur. İbtidai təhsildə gender
bərabərliyi indeksi - ilk ölçüldüyü 2008-ci ildəki 0,97 dən artaraq 2015-ci ildə 0,99-a, Orta təhsildə gender
bərabərliyi indeksi 2008-ci ildəki 0,98-dan 2015-ci ildə 0,99-a, Üçüncü dərəcəli təhsildə gender bərabərliyi
indeksi 2008-ci ildəki 0,98-dan 2015-ci ildə hətta 1,07-yə çatmışdır.
Milli Məclisdə qadınlar tərəfindən tutulmuş yerlərin xüsusi çəkisi, 1995 ci ildəki 12,1 faizdən 4,7 faiz
artaraq 2015-ci ildə 16, 8 faizə yüksəlmişdir.
15-24 yaşlı savadlı qadınların eyni yaşlı savadlı kişilərə nisbəti 1999-2015-ci illərdə 100 faiz olmuşdur
Məqsəd 4. Uşaq ölümü hallarını azaltmaq
Körpə ölümü əmsalı (hər 1000 diri doğulana) 1990-cu ildəki 23 nəfərdən, 2 nəfər azalaraq, 2015-ci ildə
11 nəfər təşkil etmişdir. Hesabata əsasən bu göstərici şəhərlərdə - 18, kəndlərdə - 4,4 olmuşdur. Səhiyyənin
daha zəif səviyyədə təşkil olunduğu kənd yerlərində şəhərlərə nisbətən dörd dəfə üstün olan bu göstərici -
rəqəm, ola bilsin ki, qeydiyyatın statistikasındakı mümkün problemlə bağlı olmuşdur.
5 yaşadək uşaq ölümü əmsalı (hər 1000 diri doğulana) 1990-cı ildəki 40,5-dən (şəhər - 26,5, kənd -52,8 )
7,2 nəfər azalaraq, 2015-ci ildə 13,3 nəfər olmuşdur (şəhər 21,1 kənd 6 ). 1990-cı və 2015 ci illərdə şəhər və
kənd əhalisi arasındakı bu göstəricilərin nisbətinin tərs mütənasibliyi də 2015-ci ildə statistik məlumatların
toplanmasındakı müəyyən anlaşılmazlıqlarla bağlı ola bilər.
Məqsəd 5. Ana sağlamlığını yaxşılaşdırmaq
Ana ölümü əmsalı (hər 100 000 diri doğulana) 1990-cı ildə 9,3 olduğu halda, 2007-cı ildə 35,5-ə
yüksəlmiş və 2015-ci ildə azalaraq 14,4 olmuşdur.
İxtisaslı tibb işçilərinin iştirakı ilə keçirilmiş doğuşların sayı,ümumi doğuşların sayına nisbəti, 1995 - 91,5
faiz və 2015 - 99,8 faiz təşkil etmişdir.
Məqsəd 6. İİV/QİÇS, malyariya və digər xəstəliklərə qarşı mübarizə aparmaq
QİÇS xəstəliyi ilə bağlı ölənlərin sayı 2008-ci ildə 43 nəfər, 2014-cü ildə 47 və 2015-ci ildə cəmi 10 nəfər
olmuşdur.
QİÇS səbəbindən valideynini itirmiş uşaqların sayı, 2008-ci ildə 30 nəfər, 2014-cü ildə -117 nəfər 2015-
ci ildə 67 nəfər
15-24 yaşlı kişi əhalisi arasında İİV/QİÇS -ə dair ətraflı məlumata malik olanların xüsusi çəkisi çox aşağı
olmuşdur 2006-cı ildə şəhərlərdə 6,8 kəndlərdə isə ondan da az 3,5 faiz olmuşdur.
15-24 yaşlı qadın əhalisi arasında İİV / QİÇS -ə dair ətraflı məlumata malik olanların xüsusi çəkisi də
narahatlıq doğurur 2006-cı ildə şəhərlərdə 7,0 kəndlərdə isə cəmi 2,1 faiz.
15-24 yaşlı əhali arasında İİV / QİÇS -ə dair ətraflı məlumata malik olanların xüsusi çəkisi, faizlə 2006
şəhər 5,3 kənd 4,8
İİV-lə yaşayan əhalinin xüsusi çəkisi 2008-ci ildəki 0,02-dən 3 dəfə artaraq 2015-ci ildə 0,06 təşkil
etmişdir. Ümumi rəqəm kiçik olsa da sürətli artım tendensiyası narahatlıq doğurmalıdır.
Hesabata görə ölkədə malyariya xəstəliyinin yayılması (hər 100 000 nəfərə) 1990-ci ildə 0,3 olmuş, 2013-
2015-ci illərdə isə 1 nəfər də xəstələnməyib.
Vərəm xəstəliyinin yayılması(hər 100 000 nəfərə) 1990-ci ildəki 173,2-dən azalaraq 2015-ci ildə cəmi
101,1 olmuşdur.
Vərəm xəstəliyinin qeydə alınma əmsalı, hər il üzrə (hər 100 000 nəfərə) ümumilikdə 6,4 nəfər artmışdır
1990-cı ildəki 35,5-dən 2015-ci ildə -41,9-a.
Vərəm xəstəliyi ilə bağlı ölüm əmsalı, hər il üzrə (hər 100 000 nəfərə) 1990-cı ildəki -7,4-dən 2,3 azalaraq
2015-ci ildə 5,1 olmuşdur.
Azərbaycan – Türkiyə münasibətləri II beynəlxalq elmi konfransının materialları
12
Məqsəd 7. Ətraf mühitin davamlılığını təmin etmək
Meşə örtüyü olan torpaq sahəsi 1990 - 2015-ci illərdə dəyişməmiş və 12 faiz olmuşdur.
Qorunan ərazilərin cəmi əraziyə olan nisbəti 2 dəfə artmışdır, faizlə - 2000-ci ildəki 5,0 faizdən, 2015-ci
ildə 10,3 faizədək.
Bərk yanacaq istifadə edən əhalinin yüksək faizi - 6,4 faiz (2011-ci il göstəricisi), meşə örtüyünün
sahəsinin sabit qalması ilə bir qədər uyğun gəlmir.
İstilik effekti yaradan qazların atılması (CO2 ekvivalentində, hər nəfərə tonla) 2000-ci ildə 5,1 ton, 2015-
ci ildə isə 5,3 tona bərabər olmuşdur. Bu hal həmin dövrdə əhalinin sayının artımı ilə qismən izah olunsa da,
ölkədə sənayenin yüksək inkişafı ilə səciyyəvi olan bu 15 ildə istilik effekti yaradan qazların atılmasındakı cüzi
artımın səbəbi də xüsusi araşdırma tələb edir.
İstilik effekti yaradan qazların atılması, milyon ton CO2 ekvivalentində artım 10,6 milyon olmuşdur-
2000-ci ildə -40,8 2015-ci ildə isə -51,4 (ETSN).
Təkmilləşdirilmiş içməli su mənbələrindən istifadə edən əhalinin nisbəti, 2011-ci ildə 82,4 faiz (şəhər
90,1 faiz, kənd 72,6 faiz ) 2015-ci ildə isə hətta 89,2 faizə çtmışdır.
Təkmilləşdirilmiş sanitariya sistemindən istifadə edən əhalinin nisbəti 2011-ci ildə 87,5 faiz (şəhər 90,8,
kənd 83,1) 2015-ci ildə isə hətta 94,3 faiz olmuşdur. Nəzərə alsaq ki, ölkədə əhalinin təqribən yarısı
sanitariya və su təchizatı ilə problemli olan kənd rayonlarında yaşayır, bu yüksək rəqəmlərin xüsusi izahata
ehtiyacı vardır.
Məqsəd 8. İnkişaf üçün qlobal tərəfdaşlığı inkişaf etdirmək
İnternet istifadəçilərinin sayı (hər 100 nəfərə) 9 dəfədən çox artmışdır- 2005-ci ildə 8 nəfər, 2015-ci ildə
isə 77 nəfər.
Fərdi kompüter istifadəçilərinin sayı (hər 100 nəfərə) 2005-ci ildə 15 nəfərdən, 2015-ci ildə ~70 nəfərə
yüksəlmişdir. Bu rəqəmin də araşdırmaya və izahata ehtiyacı var.
Mobil telefon abunəçilərin sayı (hər 100 nəfərə) 2002-ci ildəki 10-dan 11 dəfə artaraq 2015-ci ildə -112
olmuşdur.
Gənclərin işsizlik əmsalı (15-24 yaş, faizlə) 2003-cü ildəki -18,9-dan 5,5 azalaraq 2015-ci ildə cəmi -13,4
olmuşdur.
İşsiz əhalinin sayında gənc əhalinin payı(15-24 yaş) 8,5 2003-cü ildəki 40,9 faizdən azalaraq, 2015-ci ildə
32,4 faizə enmişdir.
Gənc əhalinin sayında işsiz gənclərin payı(15-24 yaş) 2003-cü ildəki-9,7 faizdən təqribən 2 dəfə azalaraq
2015-ci ildə 5,0 faiz olmuşdur.
Qlobal, regional və milli səviyyələrdə aparılan işlərin dünyada gedən inkişaf proseslərinin monitorinqi və
korreksiyası üçün xüsusi əhəmiyyətini nəzərə alaraq BMT təşkilatı Rio + 20 Sammitində (Braziliya, 2012)
ölkələrin yekdil razılığı ilə MİM təcrübəsini davam etdirməyi qərara aldı və dünya tarixində ən möhtəşəm və
ətraflı yeni 2016-2030-cu illəri əhatə edən Dyanıqlı İnkişaf Məqsədləri (DİM) çərçivəsini irəli sürdü -
“Dünyamızın transformasiyası: 2030-cu ilədək Dayanıqlı İnkişaf üzrə Gündəlik”. Bu sənəd 2015-ci ilin sentyabr
ayında keçirilmiş BMT Baş Assambleyasında DİM Sammitində 193 ölkənin rəhbərləri tərəfindən təsdiq edildi.
Bu sənəd insan fəaliyyətinin bütün sahələrini əhatə edən istiqamətlərdə 17 inteqral məqsəd, 169 hədəf
və onlar üzrə proqresi izləmək üçün 230-dan çox göstəricini əhatə edir.
BMT- nin Dayanıqlı İnkişaf Məqsədləri-DIM (2016-2030)
DIM1. Dünyanın hər bir yerində yoxsulluq və onun bütün formalarına son qoymaq;
DIM2. Aclığa son qoymaq, qida təhlükəsizliyinə nail olmaq və dayanıqlı kənd təsərrüfatını təbliğ
etmək;
DIM3. Sağlam həyat tərzini təmin etmək və bütün yaş kateqoriyaları üçün rifahı təbliğ etmək;