Boshqaruv psixologiyasi

(2) Uslubiy kompetensiya – bu rahbarning bilgan narsalari. SHaxsiy malaka va ko‘nikmalari, turli loyixalar xususidagi ma’lumotlar hamda topshiriqlarni tez, to‘g‘ri va tushunarli(operativ) tarzda hodimlarga etkaza olish qobiliyati.
(3) Ijtimoiy psixologik kompetensiya – bu shaxsning ijtimoiy psixologik xodisalar hamda muomala qonuniyatlari, o‘zgalarni bilish, to‘g‘ri idrok qilish,dildagini anglash va shu asosda o‘zaro hamkorlikni tashkil qilish borasidagi savodxonligidir.“Amaliy ijtimoiy psixoligiya” (1998) kitobining mualliflari ijtimoiy-psixologik kompetensichning 3 ta asosiy tarkibiy qismlarini ajratib ko‘rsatishadi: (a)kommunikativ kompetensiya;(b) perseptiv kompetensiya;(v) interaktiv kompetensiya.
Agar diqqat bilan bu tizimga qaralsa, u G.Andreeva ning uch tizimli muloqot to‘g‘risidagi nazariy qarashlaridan kelib chiqqanligiga guvoh bo‘lishimiz mumkin(kommunikativ, perseptiv va interaktiv). Har qalay, bunday yondashuv psixologiya fanidagi mashhur ko‘pqirrali muloqot jarayonining asosiy sohalarini qamrab olganligi bilan xarakterlanadi.
Ma’muriy boshqaruv darajalariga xos professional uquvlilik.
SHaxsning, birinchi navbatda, rahbarning ijtimoiy-psixologik bilimdonligini aniqlash uchun turli metodlar ishlatiladi. Bular o‘sha biz bilgan ko‘plab shaxsning muloqotga kirishuvchanlik sifatlarini aniqlash metodlaridir. Lekin ularning ko‘pchiligi nazariy nuqtai nazardan diagnostik ishlarni amalga oshirish uchun maqsadga muvofiq emas. Barcha metodik usullar ichida, aynan, shaxsning o‘zgalar bilan tez va aniqlik bilan ishchanlik hamda shaxsiy muloqotni o‘rnata olish malakasini aniqlovchi KOS-1 metodi tadqiqodchilarda borgan sari ko‘proq ishonch uyg‘otmoqda. Metodning qulayligi shundaki, u ko‘p vaqtni olmagan holda(10-15 daqiqa) respondentdan40 ta savolga “xa” yoki“yo‘q” deb javob berishni taqazo etadi. Ijtimoiy-psixologik kompetensiya nafaqat rahbar tomonidan o‘zini-o‘zi anglashi(bilishi), balki autopsixologik kompetensiya bilan ham bog‘liq. (4) Autopsixologik kompetensiya – bu rahbardagi shunday malakalar majmuiki, ular boshqaruvchini o‘z kasbiy hamda shaxsiy sifatlarini diagnostikalash, ya’ni o‘zini-o‘zi diagnostika qilish, o‘zini-o‘zi tuzata olish (korreksiyalash), o‘zini-o‘zi takomillashtira olish, o‘ziga-o‘zi motivatsiya bera olish, har qanday ma’lumotdan samarali foydalana olish, psixolingvistik kompetensiyalar bilan bog‘liq qobiliyatdir. (5) Ijtimoiy-informatsion kompetensiya – bu rahbardagi axborot texnologiyalari bilan ishlay bilish hamda ijtimoiy informatsiyalarga nisbatan tanqidiy munosabatda bo‘la olishga egaligi.