377
Qeyd etdiyimiz kimi SMV əsasən ağız suyu vəzilərinin epitel hüceyrələrinə
toplanır və həmin hüceyrələrin sitoplazmasma keçərək onların sitomeqalik hüceyrələrə
çevrilməsinə səbəb olurlar. Bu cür hüceyrələrin ölçüləri 28-30 mkm çatır və işıq
mikroskopunda "bayquş gözlərini” xatırladır. Nüvə və sitoplazmanın ölçüləri proporsional olaraq
böyümüş olur. Sitoplazmada sitoplazmatik törəmələr, nüvədə isə işıqlı haşiyə ilə əhatə olunmuş
cisimciklər formalaşır. Onları müxtəlif toxumalarda, sidikdə (çöküntüsündə), ana südündə aşkar
etmək olur. Sitomorfo-loji dəyişikliklər o qədər xarakterik olur ki, bu cür hüceyrələrin aşkar
olunması diaqnoz qoymağa belə imkan verir. Sitomeqalik hüceyrələrdən başqa
interstisial limfositar infiltrasiya, düyünlü infıltratlar meydana çıxır. Vəzili üzvülərdə fıb-roz, bir
sıra daxili orqanlarda kirəcləşmələr qeyd edilir.
Xəstəliyin yayılmış formasında əsasən ağ ciyərlər, sonra böyrəklər, bağırsaqlar,
qida borusu, 12 b.bağırsaq, qaraciyər, böyrəküstü vəzilər, mədəaltı vəzi zədələnir. Ağ ciyərlərdə
alvcositlər; xırda bronxlarm, bronxiolaların, bronxial vəzilərin epiteli; plevra mezoteli; böyrək
kanalcıqların proksimal hissəsinin epiteli; qaraciyərdə xolangiositlər, lıepatositlər; mədəaltı vəzin
çıxarıcı axacaqlarının epiteli; qal-ça və kor bağırsaq selikli qişa epiteli; baş beyində mədəciklərin
ependium qişası hüceyrələri, subependimal zona neyronları, astrositlər, mikroqliya; hipofiz
vəzinin adenohipofiz hüceyrələri zədələnir. Timus vəzi və limfoid sistem üzvlərinin zədə-lənməsi
nadir hallarda, yalnız kəskin immun çatışmamazlıq olarsa, qeyd edilir. SMV infeksiyası döldə,
yeni doğulmuşlarda hemolitik və irsi xəstəliklərin - xüsusən fermentopatiyanın oyanmasına da
səbəb olur.
Qeyd etmək lazımdır ki, hamilə qadınlarda latent SMV infeksiyası heç də həmişə
dölün yoluxmasına səbəb olmur. Latent infeksiyanın kəskinləşməsi, viruse-miyanın inkişafı dölün
yoluxma ehtimalını artırır. Dölün yoluxma ehtimalı hamiləlik dövrü yoluxma zamanı daha yüksək
olur. Belə ki, ananın qanında virus əleyhinə antitellərin olmaması və bununla bağlı dölə də verilə
bilməməsi, təzə yoluxma nəticəsində inkişaf edən virusemiya infeksiyanın dölə
ötürülməsini asanlaşdırır.
Klinikas /. SMV infeksiyasınm patogenetik xüsusiyyətləri, müvafiq kli-niki
polimorfizmin olması xəstəliyin vahid klinik təsnifatının verilməsinə çətinlik törədir. Bununla
bərabər aşağıdakı kliniki formalarını ayırmaq mümkündür:
1. Qazamlımış SMV infeksiyası:
a) latent forma; b) kəskin mononukleoza bənzər forma; c) yayılmış forma.
2. Anadangəlmə SMV infeksiyası:
a) kəskin forma; b) xroniki forma.
Qazanılmış forma. Xəstəliyin inkubasion dövrünü müəyyənləşdirmək çox vaxt
mümkün olmur. Belə ki, SMV infeksiyasınm kliniki olaraq büruzə verən formalarının orqanizmin
zəifləməsinə səbəb olan bir sıra faktorlarla əlaqədar olması, infeksiyanın əsasən latent formada
inkişafı da buna imkan vermir. Bununla bərabər inkubasion dövrün 15 gündən 90 günədək
çəkməsi güman edilir. İntranatal və erkən postnatal yoluxma zamanı isə kliniki əlamətlər doğuşdan
1-2 ay sonra meydana çıxır.
SMV-la yoluxma əksər hallarda həm uşaqlarda, həm də böyüklərdə xəstəliyin
inkişafına səbəb olmur. Subklinik və ya latent SMV infeksiyası formalaşır. Sağlam adamların
downloaded from KitabYurdu.org
378
əksəriyyətində virusa qarşı antitellərin aşkar edilməsi bunu sübut edir. Məsələn, müayinə edilən
donorların 63-68%-də belə antitellər aşkar edilmişdir. Latent SMV infeksiyası ömrü boyu qalıb,
bu və digər səbəbdən kliniki büruzə verən formalara keçə bilər. Qeyd etmək lazımdır ki, xəstəliyin
kəskin formaları sağaldıqdan sonra II-li latent formaya keçir.
SMV infeksiyası ayrıca ağız suyu vəzilərinin zədələnməsi və ya daxili üzvlərin
zədələnməsi ilə birlikdə gedə bilər. Xəstəliyin gedişində bu və ya digər kliniki sindromların
üstünlük təşkil etməsini nəzərə alaraq respirator, serebral, mədə-bağırsaq, hepatolienal, böyrək,
hemolitik formalarını ayırırlar. Böyrəküstü, qalxana-bənzər, timus vəzilərinin, yumurtalıqların,
xayaların, gözün, dərinin zədələnməsi də mümkündür. Xəstəlik adətən residivləşən xarakter
daşıyaraq uzun müddət davam edir.
Qazanılmış kəskin SMV infeksiyası - kliniki gedişinə görə infeksion mono-
nukleozu xatırladır. Bu forma daha çox seksual fəal cavanlarda və qan köçürmədən sonra inkişaf
edir. Hərarətin yüksəlməsi, intoksikasiya ilə özünü göstərir və kataral əlamətlərin qoşulması ilə
qripi xatırladır. Temperatur düzgün olmayan xarakter daşıyır. Bəzən üşütmə-titrəmə olur. Ümumi
zəiflik, baş ağrısı, əzələ ağrıları qeyd edilir. Dalaq, qaraciyər böyüyə bilər. Periferik qanda nisbi
limfositoz, atipik mono-nukleaıiar aşkar edilir. Leykositlərin miqdarı normal və ya bir qədər
azalmış olur, EÇS tək-tək hallarda bir qədər yüksəlir. İnfeksion mononukleozdan fərqli
olaraq tonzillit və yayılmış limfoadenopatiya olmur.
Kəskin forma interstisial və ya seqmentar pnevmoniya, plevrit, miokardit, artrit,
ensefalit və s. ağırlaşmalar verə bilər. Kəskin SMV infeksiyasından sonra uzunmüddətli astenik
əlamətlər, bəzən vegetativ damar pozğunluqları qalır.
Yayılmış forma - nadir hallarda rast gəlinir. Orqanizmin immunreaktivliyinin
kəskin zəifləməsinə səbəb olan bu və ya digər xəstəlik fonunda inkişaf edir. Ağır gedişlərdə bir
çox daxili üzvlərin zədələnməsi ilə gedir, sepsisi xatırladır. Uzun müddətli qızdırma, intoksikasiya
əlamətləri, limfa düyünlərinin, qaraciyərin, dalağın böyüməsi ilə müşayiət olunur.
SMV-infeksiyasına II-li bakterial infeksiyanın qoşulması tez-tez müşahidə
edildiyində xəstəliyə xas olan kliniki əlamətlərin müəyyən edilməsi çətinlik törədir. Bununla belə
SMV pnevmoniyası ləng gedişli ilə seçilir və bu zaman bəlğəmdə xarakterik sitomeqalik
hüceyrələr aşkar edilir.
Anadangəlmə SMV-infeksiyası. Dölün zədələnməsi yoluxmanın hamiləliyin
hansı dövrdə baş verməsindən asılı olaraq biiruzə verir. İlk 3 ay müddətində yoluxma SMV-un
teratogen təsirinə səbəb olur. Erkən yoluxma dölün bətndaxili tələf olasına, düşüklərə, ölü və ya
inkişaf qüsurları olan uşaqların doğulmasına səbəb olur. Hamiləliyin sonrakı dövrlərində yoluxma
inkişaf qüsurları verməsə də, anadangəlmə infeksiyaya səbəb ola bilər. Hamiləlik zamanı fizioloji
olaraq immun-depressiya baş verdiyindən latent SMV infeksiyasınm kəskinləşməsinə və ya
ona təzə yoluxmaya şərait yaradır. 1-4% hallarda müşahidə edilən təzə yoluxmada dölün yoluxma
ehtimalı latent infeksiyanın kəskinləşməsi ilə əlaqədar yoluxmadan dəfələrlə yüksək olur.
Hamilələrdə infeksiyanın müxtəlif kliniki-patogenetik variantları inkişaf edə
bilər. Toksikozlar, qripəbənzər, limfoadenopatiyalarla, səpgilərlə, xolestatik hepa-toz, SMV
hepatiti və s. variantlarla keçməsi mümkündür. Əksər hallarda isə sim-ptomsuz keçir.
downloaded from KitabYurdu.org