16
onları tanıyır və deyir ki, bunlar Səttar xanın adamları-
dır. Onları dama saldırırlar. Onlar Böyük xanın hüzu-
runda bir-birini keçi qiymətinə satırlar.
Əsərdə Zeynəb də maraqlı obrazdır. Böyük xan
ondan soruşur ki, səni mücahidlərə qoşulmağa vadar
edən nədir? O deyir: «Həqarətdən qurtarmaq üçün baş-
qa yol yox idi…Ac, çılpaq körpəm qucağımda, xidmət
üçün qapı-qapı gəzdim. Lakin bir parça çörək müqabi-
lində məndən irz-namus tələb etdilər»
1
.Sərkərdələr top-
laşır, Təbrizə hücuma keçirlər. Zeynəbi yenidən tuturlar.
Bu vaxt xəbər gəlir ki, İslamiyyə partladılmışdır. Bağır
xanın mücahidləri Böyük xanın qərargahını tuturlar.
Zeynəb xilas olunur. Böyük xan başına çarşab örtür.
Qadın donuna girən bütün sərkərdələr inqilab
qərargahına aparılır.
Hacı Salmanla Hacı Mehdinin vəziyyəti pisləşir.
Lakin yenə sudan quru çıxarlar.
V pərdədə əsasən Zeynəbin faciəsi verilir. Zey-
nəbin oğlu Məcidə oxuduğu layla diqqəti cəlb edir:
Dan yeri söküləndə,
Zülf üzə töküləndə,
Həyat təzədən gülər
Körpə uşaq güləndə,
Laylay balam, laylay,
Arzum, ümidim laylay.
Daha sonrakı pərdədə Tağı bəyin xəyanəti açılır.
Farağat əmri vaxtı o havaya bir güllə atır, bununla da
mücahidlərin yerini düşmənlərə xəbər vermək istəyir.
1
M.S.Ordubadi. Əsərləri, II cild, səh. 236
17
Mücahidlər dava vaxtı mahnı oxuyurlar:
Təbrizin üstünü alıbdır duman,
Dönmərəm yolumdan dizə çıxsa qan,
Səttar xanam İsmayıl xan oğluyam,
Qəhrəmanam vurub-yıxan oğluyam.
Atam Qaradağda hamıdan qoçaq,
Özüm də elimdən düşmüşdüm qaçaq.
Atlansam Təbrizdə tufan qopacaq,
Səttar xanam İsmayıl xan oğluyam.
Bağır xan Tağı bəyin niyyətini anlayır, lakin onu
bağışlayır.
Dilruba cəsur Tağı bəyi tutur və məktubu ələ
keçirir. Tağı bəyin məktubundan məlum olur ki, onun
havaya atdığı hər güllə Səttar xan əsgərlərinin sayını
göstərir (I güllə- 100 nəfər). Hücum vaxtı Tağı bəy
Qüdrətə güllə atır. Zeynəb ölür. Dilruba Tağı bəyi
vurur.
«Dinçilər» əsəri 1922-ci ildə tamaşaya qoyulmuş-
dur. Əsərin inqilabdan qabaq yazıldığı güman edilir.
Əsərin əsas ideyası budur: din və mövhumat
zəncirindən azad olmayan insan xoşbəxt ola bilməz. Bu-
rada ölüm, tərəqqi, maarif nuru mövhumat, dini əsarət
dünyası ilə qarşılaşdırılır.
Doktor Akif Şərifəni anasına təqdim edir. Onlar
İsveçrədə birgə oxumuşlar. Akifin anası Asya adlı bir
qızı ona almaq istəyir. Qız dərhal buradan getməli olur.
Konfliktin əsas düyünü də buradan başlanır. Kəndlilərlə
söhbət, rəftar «Bəxtsiz cavan» əsərində olduğu kimidir.
18
«Sevgilər» əsərinin ilk variantı «Yusif və Züley-
xa» adlanır. Sonralar ədib 1928-ci ildə «Maarif işçisi»
jurnalında çap etdirərək bu adı seçmişdir.
Şeirlə yazılmış bu əsərin epizodlarından biri belə-
dir: Misirin bütün aristokrat xanımları Züleyxanı bir
qula eşq yetirməkdə məzəmmət edirlər. Birdən Yusif
görünür. Hər şey dəyişir, hamı onun gözəlliyindən hey-
rətlənmişdir. Doğrudan da o, qənirsiz gözəldir. Yusiflə
Züleyxa qarşılaşır. Lakin Yusif birbaş Züleyxaya bil-
dirir ki, onu sevmir və həmin təntənəli evdən bayıra
qaçır. Sonrakı epizodlarda fironun evi təsvir olunur.
Firon Yusifə böyük vəzifə verir. Yusif onu qəbul etmir.
Sonra o qəflətən vəfat edir. Yusif yalnız indi Züleyxa ilə
evlənməyə razı olur.
Ümumiyyətlə, M.S.Ordubadinin dramları haqqın-
da çox danışmaq olar. Təkcə onu demək kifayətdir ki,
ədib yalnız dramaturgiyası ilə Azərbaycan ədəbiyya-
tında özünəməxsus bir iz qoyub getmişdir. Bu pyeslər
öz orijinallığı, mövzu rəngarəngliyi, dil-üslub baxımı
cəhətdən tam fərqli və mükəmməl sənət əsərləri hesab
edilə bilərlər.
19
AZƏRBAYCAN ƏDƏBIYYATINDA
ABDULLA ŞAIQIN YERI
Elə sənətkarlar vardır ki, onların həyatı, şəxsiy-
yəti, ömür yolu, yaradıcılığı, fərdi xasiyyəti, ağlı, idrakı
nə isə bütövü, tamı, ümumini, bir sözlə, mənsub olduğu
xalqı, onun bütöv varlığını, psixologiyasını xatırladır,
onun kiçicik bir hissəsini, yarısını təşkil edir. Belələri
həm də mələk kimi təmiz, səmimi, saf və gözəl insan
olurlar. Bu sifətləri sadaladıqca sanki fövrən bir ad yazı-
lır: Abdulla Şaiq!
Böyük şairimiz S.Vurğun «Səmimiyyət yolçusu»
adlı şeirində bu xüsusiyyətləri tam mənası ilə poetikləş-
dirmişdir:
Şairim! Çaldığın bu telli sazdan,
Günəşli gündüzdən, çiçəkli yazdan,
Könül xumarlandı ay dönə-dönə,
Qəlbin vurğusunu say dönə-dönə!
Şaiqim! Şairlər içində təksən,
Təmiz vicdanınla gülsən, ipəksən.
Dilindən küsməmiş tanış da, yar da,
Səndən inciməmiş qarıncalar da!
Sən azad oğlusan azad ellərin!
Əməlin qurtuluş, varlığın sənət,
Yaşasın qardaşlıq, bir də məhəbbət!
İndi bir günəşin «zərrəsiyik biz»,
Var olsun birləşən dost əllərimiz!
20
A.Şaiq hər şeydən əvvəl bir şair idi. Hüseyn Arif
yazır:
Yarat, bir də yarat, əsərlərindən
Gəlsin gül ətri də, maşın səsi də.
Şeir olmalıdır, şeir − dedim mən,
Şairin son nitqi, son nəfəsi də.
Sönməz sevən qəlbin alovu, közü
Dumanlı, çiskinli dağ başında da.
Əsl sənətkarın tükənməz sözü
Əlli yaşında da, yüz yaşında da.
Təsadüfi deyil ki, görkəmli hekayə ustası, tənqid-
çi S.Hüseyn (Kazımoğlu) yazırdı: «Şairdə qayət həssas,
incə bir şair ruhu yaşar, bu ruh onun şeirlərinə bir incə-
lik verər».
1
Böyük tənqidçi ədibin müəllimlik, məktəbdarlıq
fəaliyyətini də təqdir etməklə onu da göstərmişdir ki,
«Abdulla Şaiq yalnız bir ədib və şair olaraq qalsaydı,
müəllimlik vəzifəsilə, məktəb kitabları tərtib etməklə
məşğul olmasaydı, Azərbaycan ədəbiyyatına daha qiy-
mətli və mühüm əsərlər verə bilərdi».
2
A.Şaiqin çoxtərəfli ədəbi fəaliyyətini görkəmli
Azərbaycan şair, alim, filosof və yazıçıları düzgün qiy-
mətləndirmişlər:
1
«Шаиганя йад ет». Бакы, Эянълик, 1981, сящ.13
2
Yenə orada
Dostları ilə paylaş: |