Daunlots 83 korr
Yüklə 4,04 Mb. Pdf görüntüsü
|
58
„Wiu konn ie blöus söu bange sin“, saggte de Stiättebrauk, „et waß blöus unse Zienbock, un deu iß doch keun Spauk!“ De Pööters so[h]en niu öuk in, dätt se wooren ahngeschmiärt; se töugen en änderen Muaren aff, ohne dätt se Brie vertiärt.
De Knecht, deu en Bock harr looten riut, deu woll siek lachen döut. Söu kanne’t mannch mool mannegem gohn, deu mäcket siek te gröut.
Vgl. Strunzerdal 2007, S. 89-92.
E T H ASENFELL
De Jiägger Fuck in Klaukenduarp Aat schreckleg geeren Hasenbroon, Doch siene schlechten Öugen, Deu nit viell doen döugen, verdarwen iähmme manchen Spaß, wann heu mool noh d’r Jagd jien waß.
Do einmool genk heu öuk wier loß met sienem langen Puister, heu woll en Hasen knappen un reit’ opp Schaustersrappen niu ropp söu mannegem höugen Biärre: Aß säät heu stolz opp sienem Piärre.
En aarem Häsken sprang do opp viär’em gröuten Jägger Fuck. Deu schnappere siene Biüsse un fuierde beue Schüsse dann noh däm aarmen Hasendiehr. Do gaffte’t niu ne gröute Fier.
Dann eeger dät siek Fuck versooh, do was deu Hase stuarwen. 59
Deu Fuck, deu do en Luftsprunk, aß heu dän Hasen döut funk. Heu iß niu fixe heime gohn un huapere oppen Hasenbroon.
De Miüller, en Noower vamme Fuck, deu mochte Holt kuart henn. Heu bestallte sie en Klopps, deu miusere aß en Mopps. Heu soll em Miüller Holt kuartmaaken, de Klopps verstonk siek opp deu Saaken.
De Jiägger Fuck in sienem Spaß woll ändern Luien wiesen, wiu heu konn Hasen knappen un fix sie ennen schnappen. Heu töug dän Hasen niu herviär un hänge’ne buar de Iewwerdiähr.
De Klopps kahm grad dänselwen Daag em Miüller Holt te hoggen. Heu soh dän Hasen hangen un kreig en wahn Verlangen. Heu dachte bie sie: „Duennerwiähr, wiu schaff iek mie dän Hasen hiär?“
Güstern am Daage harr de Klopps Siene gröute Katte dämpet. Wiel dätt se woor te alt, harr heu se maaket kalt. Jiät iähr et Fell vamm Rüggen rofft un an de Giärwerie verkofft.
Et affgetuane Kattendiehr harr heu noch schoin do hangen; dät fäll i[äh]mme jetz in un genk diär sienen Sinn. Heu dachte noh un strengere siek ahn, wiu’e jiggen de Katte annen Hasen käm rahn.
60
De Fuck kahm iut där Hiusdiähr riut, Heu woll int Wiähr mool seuhn. Em Klopps deu Deuwesöugen fix noh däm Hasen flöugen. „Watt hänget amme Huise do?“ „En Hasenfell, diu suihs’et jo!“
Söu jät de Jäggersmann do saggt un is int Hius terügge traggt. De Klopps deu kalkuleierde un rümme heu studeierde. Un richteg, in d’r Midaastiet do harre’n Hasen alt söu wiet.
Deu Fuckes amme Diske saaten, un alle feste aaten. Ein, twei en Hasen griepen, et Fell vam Rüggen striepen un hänk – nit fixer konn’et sien – dät Fell an Fuckes Hius wier jien.
Dät affgetuane Hasendiehr woor heime eiß niu schliepet. De Frau woor instrueiert, terügge retereiert. Un keumes harr et seuhn, wat viärhiär was gescheuhn.
Kium noh ner Stunde kahm de Fuck un woll en Hasen guallen, doh fixe noh’me schnappen, et Miul bleif stohn me uapen – et was men blös et Hasenfell, wat heu do innen Hängen hell.
„Diu höör mool“, reupe’m Klopps do tau, „jäß diu hie keumes seuhn? d’r Duenner sall et guallen, mien Hase deu iß stuahlen!“ Verwundert stonk de Klopps niu do, Nixwietend ahn en Fuck heu soh.
61
„Diu jäss’et mie doch sellwer saggt, häß blöus en Fell do hangen un kiemmes niu herrahn un quatzkes Luie ahn! Diu meuns gewiß, iek wehr en Hauhn, un kens miek düchteg foppen dauhn?“
De Fuck deu soh et sellwer in, dätt hie woor nix te maaken. Heu genk int Hius terügge, im Kopp ne gröute Mügge. Un wat heu sie jät iewwerlaggt, jät heu nohiär öuk färreg bracht.
Heu kröup diärr’et Kauhstallfinster riut, dätt Klopps iähn nit konn seuhn; dann schöuf heu langsam loß, bedächteg aß en Voß de Richtung noh Kloppshiuse jin un genk do stracks d’r Hiusdiähr rinn.
„He Kloppske, kummet mool herviär! Iek harr auem Mann en Hasen dohn, dän soll’e aff mie teuhn, iek wolle’ne mool beseuhn. Well ie mie tau Gefallen herviär dät Diehr mool guallen?“
„Vamme Hasen? ne do weir’ek nix, doch van ner döuen Katte, deu kann ie niämmen met, dät Diehr iß· richteg fett.“ „Et stemmet, jätt de Fuck do saggt un jätt de Katte heime draggt.
De Klopps deu woll siek lachen krumm, wo heu dät niu vernahm. Heu siek hinger en Hasen satte, deu Fuck deu aat de Katte. Däm einen de Broon ganz safteg woor, däm ändern iß fallen et Köggen schwoor.
Yüklə 4,04 Mb. Dostları ilə paylaş:
|