Daunlots 83 korr
Yüklə 4,04 Mb. Pdf görüntüsü
|
66
wo niu alt de Vatter sleup, kröup’e diär de Kellergleppe, sleik siek futt dann assen Deuw. Doch de Vatter harr nit sloopen, soh noch noh ner kranken Kauh, harr en Maxel futt seuhn löupen un slöut alles feste tau. Hallew twei do kahm de Maxel sacht un lanksam ahn te gohn, soh noh allen Sien siek ümme, bleiw dann viär d’r Hiusdiähr stohn. Doch de Hiusdiähr was versluaten un öuk tau deu Kellerliuke. Voller Wiut deu Maxel höuk ungerm greunen Gaarenstriuke. Do opp einmool woorte me lechte trotz där Duisterniss im Koppe, kleeterde ropp am Appelböume, saat fix oppem höggesten Toppe. Un niu s[i]uih mool – warr’en Glücke – wiet opp steiht de Balkendiähr, un de Maxel trotz där Angest kam siek ganz plaseierlek viär. Van däm Balken genk en Tröchter raffer innen Kauhstall jinn. Do opp harr de Maxel bugget, noh däm Tröchter genk heu jinn, haffte aff dän Dieckel sachte, kleeterde opp en Büngeln Heu, steig dann diär dän Tröchter raffer, stemmere siek met Hand un Kneu. Liuter fixer genk de Fahrt jetz diär dän langen Tröchter raff, bit opp einmool – Guatt, sie gnädeg! – wass’e ungen sluaten aff. Raffer was nix, ropper genk nit; niu deu lange, duistere Nacht jiät deu Maxel imme Tröchter unger Suarren taugebracht. – 67
Ändern Muarens kahm deVatter, slöut dän Tröchter opp, riuttefallen kahm de Max niu innen Kauhstall opp’en Kopp. Wat niu widder in däm Kauhstall tüsker Vahr un Max passeiert, dovan weff vie nix mehr sieen – doch de Max, deu woor kurreiert.
D E I UTVERKÖUP
De Schultenbiuer in Duisterlöuh harr innen Kopp sie satt nen Flöuh: heu woll partiu noh Amereka teuhn un verkoffte et Guet met Hius, met Keuhn, met Schiütteln un Düppens, met Liepel un Kannen, met Schaap un Diß, met Fuarken un Pannen, met Speugel un Kämmen, met Kieen un Biüsten, met Stelle un Wagen, menn blöus kennen Wiüsten. Troppwiese kahmen de Luie te löupen un wollen van all dän Saaken watt köupen. Deu eine en Düppen, deu ändere en Pott, se hätt iärrek de Riwwen innein balle stott. De Driekes koffte en Berrelaaken, de Tiünnes leup rümme met Fiekesstaaken. De Hannwillm woll sie en Nachtsteuhlken guallen, heu bleiw droppe sitten, süss hänn’se’t me stuahlen. Kleikümpes Kasper harr en Speugel erstohn, vergneugleg wolle noh heime d’rmet gohn. Do wo de Verköup en Enge harr fungen un vannen* Raupen söu droige de Tungen,
*sic
saggte de Kasper: „Vie wellt in en Weiertshius gohn, Wat soff vie opp där Stroote hie stohn.“ „Iek goh met“, saggte de Butzmann, „iek öuk“, de Flapps, do genk alles met un drank sie en Schnaps. Deu gekofften Saaken wooren betrachtet, dät eine beluawet, dät ändere verachtet. „Mien Guatt, Kasper, wat jiäß diu en schoinen Speugel kofft, 68
hänn dät de Luie wußt, se hänn iärrek drümme rofft.“ Do swoll em Kasper gewalteg de Kamm. „Alles en niggen Schnaps!“ söu reup heu stramm. „Et Glas iß iut Frankrig,“, söu luawere deu eine, „iut Italien de Rahmen van Elfenbeine“, söu doh en ändern gewalteg strunzen; de Kasper doh fiär Plaseier grunzen. „Alles en niggen Schnaps un nit te kleune!“ söu reup heu, do harre sellwer alt teuhne. Opp einmool kahm deu Noowers Fritz d’r Diähr rinn un genk stracks viär’en Kasper sienen Speugel jinn. „Wat iß dät fiär’en fratzeg Bielt in däm Rahmen?“ saggte heu – aß wann de Duibels iuter Hölle kahmen, söu kahm de Kasper ahntestiätten un woll den Noowers Fritz oppfriäten. „Suih mool rinn“, saggte de Fritz, „wat en miseravel Bielt!“ Un de Kasper soh rinn un woor ganz wild. Iut’em Rahmen soh en Keerel ass en Duiwel riut, de Kasper drögger’me van Wiut met d’r Fiust, de Keerel imme Rahmen deu dröggere wieer, do reup de Kasper: „Iek well die hellpen, diu Diehr!“ un slaug met d’r Fiust innen· Speugel rinn, dätt de Splitern flöugen diär de Stuawe jinn. „Dämme heww’ek’et konnt!“ reup de Kasper stolt, „mine Fiust iß van Iisern un nit van Holt.“ „Hurra!“ reup alles, „de Kasper jiärr’et me konnt.“ „Alles en niggen Schnaps!“ reup deu un jiät sie öuk ennen gonnt. Aß de Kasper jiggen Muaren heime woll gohn, do kreig heu en Speugelrahmen ümmen Hals gedohn. Vergneugleg töug heu· heime noh siener Frau; do sall’et henn affsatt wahnen Radau. „Söu’n ingerahmeden Aape· jiäs diu die kofft?“ Do woor de Kasper annen Ohren niu rofft, öuk gafft’et noch wat hingen d’rviähr, et läste flöug de Kasper noch riut iut d’r Diähr. Em Kasper woor’et ne heilsame Lehr, vamme Schnaps und Verköupen woll’e hören nix mehr.
69
D E M ONDSUCHT
Deu lustege Fahlenherzog Tuak, deu harr einmool en dicken Kuak, dät was en ganzen gerieewenen Kunden, heu kuakere guet tau allen Stunden un woor van wiägen siener Kunst bieem Herzog Tuak in gröuter Gunst. Söu mannegen fetten Swienebrooen, dän soh me opp där Toofel stohn, viell guet gespickede Dammhirsschinken, deu soh me vann’en Disken winken, söu mannege Sneppe un Fasan breut heu an sienem Spieße drahn. Kuart, heu verstonk siek opp de Tungen un woor met ennem Woore gelungen. Doch ennen Fehler anne’me woor, deu maakere iähmme et Liäwen swoor. En Laster, wat heu konn nit looten, wann Mondschien was opp allen Strooten, en Laster, wat wall jeder weit, de Mondsucht maakere’n Kopp iähmme heit. Un schein de Mond söu voll un rund, dann dreiv heu et aller Welt te bunt. In voller Wiut heu rümme sprank, in jeder Hand en Messer blank; dann kahm iähmme keumes int Gehiäge, un alles leup’me iutem Wiäge. An Tuakes Huawwe liäwwere öuk en strammen Ritter, Heer van Slöuk. Heu wor söun twinteg· Johre alt un van ganz möudeger Gestalt, en Held im Drinken un im Iäten, jiät meiste Tiet t’r heime siäten. Deu enne Nacht im Berre laggte un nit an Kuak un Mondsucht dachte. Heu snuarke’ aß en Duennerwiähr, aß wann’e keune Schulden härr. Opp einmool genk de Diähr do opp, Yüklə 4,04 Mb. Dostları ilə paylaş:
|