Davlat mulki – davlat ixtiyorida boʻlgan va davlat hokimiyati organlari tomonidan tasar- ruf etiladigan mulk.
Davlat tili – davlat yoki xalqaro tashkilotda ustuvor mavqega ega bo‘lgan tildir.
O‘zbekiston Respublikasida davlat tili o‘zbek tili hisoblanadi.
Firibgarlik –
birovning ishonchiga kirib, aldab mol-mulkini oʻzlashtirib olish.
Fuqarolarning tenghuquqliligini buzish – odamlarni tili, dini, millati, irqi va ijtimoiy kelib chiqishiga qarab ajratish. Baʼzilarga huquqlarni koʻproq berib, boshqalarning huquqlarini cheklab qoʻyish.
Guvohnoma – yuridik faktlarni tasdiqlovchi hujjat. Masalan A. qachon tugʻilganini uning tugʻilganlik haqidagi guvohnomasiga qarab bilib olishimiz mumkin. Yoki dadangizning haydovchilik guvohnomasi bunday hujjatga misol bo‘ladi.
Hadya – oʻziga tegishli mol-mulkni
birovga tekinga berish, sovgʻa qilish.
Ijtimoiy munosabatlar – turmushning turli sohalarida ishlatiladigan munosabatlar.
Imtiyoz –
turli xil afzalliklar, yengilliklar berish. Masalan, sinfda eng yaxshi oʻqiydigan oʻquvchilarning imtihonlarni topshirmasdan turib sinfdan sinfga oʻtishi.
Islohot –
yangilanish, oʻzgarish, tuzatish. Masalan, bolalarni oʻqitishni yaxshilash uchun maktabga
zamonaviy asbob-uskunalar,
yangi darsliklar, katta tajribaga ega oʻqituvchilar olib kelinadi. Shu yangilanish islohot hisoblanadi.
Jahon hamjamiyati – jahonda mavjud davlatlarning hozir insoniyat oldida turgan global muammolarni
hamkorlikda hal qilishda, umumiy maqsad yoʻlida faoliyat koʻrsatishda birligini anglatuvchi tushuncha.
Jismoniy shaxs – Oʻzbekiston
Respublikasi fuqarolari, chet el fuqarolari va fuqaroligi boʻlmagan shaxslar.
Kodeks – bir soha boʻyicha bir tizimga solingan huquqiy qoidalar yigʻindisi. Masalan,
Fuqarolik kodeksi, Jinoyat kodeksi va boshqalar.
125
