148
İyerarxiya prinsipi aşağı əməkdaşın və ya bölmənin yuxarıdakına tabe olmalı olduğunu nəzərdə tutur.
İnzibati iyerarxiyanın hər bir əməkdaşı yuxarıdakının qarşısında
təkcə özününkü yox, həm də özünün
tabeliyində olan bütün əməkdaşların qərarlarına və hərəkətlərinə görə cavab verir.
Sərəncamvermənin vahidliyi və vahid rəhbər prinsipi müəyyən edir ki, hər bir əməkdaş yalnız bir
rəhbərdən əmr və sərəncamlar alır, çünki bu fəaliyyət birliyinin zəruri şərtidir və heç bir əməkdaş özündən daha
yuxarı birdən artıq rəhbərə məruzə etməməlidir.
Səlahiyyətlərin ötürülməsi (verilməsi) prinsipi nəzərdə tutur ki, rəhbərin fəaliyət sahəsindən vəzifənin
tabe şəxsə verilməsi zamanı onun həlli üçün hüquqlar da verilməli, tabe şəxs isə onlara görə məsuliyyəti öz
üzərinə qəbul etməlidir.
İdarəetmənin dipozonu prinsipi yuxarı vəzifəli şəxsin
ciddi müəyyən olunmuş, optimal sayda şəxslərin
fəaliyyətinə görə məsuliyyət daşımalı olduğunu nəzərdə tutur.
17.4. İdarəetmənin funksiyaları
İdarəetmənin funksiyası - həyata keçirilməsi üçün müəyyən idarəçilik işləri (əməliyyatları) tələb
olunan konkret idarəçilik fəaliyyəti növüdür.
Gömrük orqanlarının idarə edilməsində idarəetmə funksiyaları çox mühüm yer tutur, çünki onlar bütün
səviyyələrdə idarəçilik fəaliyyətinin mahiyyətini və məzmununu açıqlayır və idarəetmə sahəsində vəzifələrin
bölgüsünü əks etdirir, nəzərdə tutulmuş nəticələri əldə etmək üçün onların həyata keçirilməsi zamanı müəyyən
növbəlilik və fəaliyyət birliyi tələb edir.
Gömrük orqanları sistemində idarəetmə funksiyalarını təsnif etməklə, onları idarəetmə prosesinin
mərhələlərini əks etdirən ümumi idarəetmə funksiyalarına və gömrük orqanlarının əməliyyat-xidmət
fəaliyyətinin konkret növlərinin spesifik (konkret) idarəetmə funksiyalarına bölmək olar.
İdarəetmənin ümumi funksiyaları idarəetmənin mahiyyətini üzə çıxarır: onlar istənilən obyektin idarə
edilməsi prosesini xarakterizə etdiyinə görə universaldır.
İderəetmənin ümumi funksiyalarının tərkibini müəyyən edərkən onların dialektik vahidliyi, eləcə də
idarə edən və idarə olunan sistemlərin vahidliyi nəzərə alınmalıdır. İdarəetmə funksiyalarının tərkibi idarə
olunan sistemin vəziyyətinin istənilən dəyişmələrini idarə edən sistemin reaksiya göstərməsinin effektivliyini
təmin etməlidir.
İdarəetmənin ümumi funksiyalarına aşağıdakılar aiddir:
1) Əməliyyat-xidmət şəraitinin təhlili və proqnozlaşdırılması;
2) Planlaşdırma;
3) Təşkiletmə;
4) Tənzimetmə;
5) Uçot və nəzarət.
Gömrük əməliyyat-xidməti şəraiti dedikdə iqtisadi, siyasi, sosial, hüquqi, regional və digər şərtlərlə
(faktorlarla) dialektik inkişafda olan, gömrük fəaliyyətinə əhəmiyyətli dərəcədə təsir edən qarşılıqlı əlaqəli
elementlər məcmusu nəzərdə tutulur.
Gömrük əməliyyat-xidməti şəraitinin əsas elementləri bunlardır:
- xarici iqtisadi fəaliyyətin (XİF) xidmət edilən iştirakçıları - Azərbaycan və xarici fiziki və hüquqi
şəxsləri, gömrük orqanının fəaliyyət zonasında mal axınının (hərəkətinin) növləri, həcmləri və
istiqamətləri, onların zaman, məkan (yer), nəqliyyat növləri üzrə bölgüsü;
- gömrük qanunvericiliyini qəsdən pozan XİF iştirakçılarının və onların köməkçilərinin;
qaçaqmalçıların və onların köməkçilərinin; gömrük orqanlarına mənfi təsir göstərməyə cəhd edən
gömrükətrafı kriminal strukturların və onların köməkçilərinin olması; gömrük qaydalarının pozulması
və cinayətlərin törədilməsində onların məqsədləri, planları, niyyətləri, vaxtı, yeri, strategiya və taktikası
haqqında məlumatlar;
- gömrük orqanlarının qüvvə və vəsaitləri, onlara həvalə edilmiş funksiyaların və vəzifələrin icra
edilməsində onların imkanları;
- Azərbaycan Respublikasının iqtisadi təhlükəsizliyinin təminatının və iqtisadi mənafelərinin
qorunmasının ümumdövlət tədbirləri;
- gömrük orqanlarının fəaliyyət zonsında qaçaqmalçılıqla və gömrük qaydalarının pozulması
üzrə digər hüquq-mühafizə orqanlarının, idarələrin və təşkilatların olması, gömrük orqanları
vəzifələrinin həlli üçün onlardan istifadə imkanları;
- gömrük fəaliyyətinin həyata keçirildiyi mühit.
Planlaşdırma idarəetmənin elə əsas funksiyasıdır ki, onun vasitəsilə gələcək
fəaliyyətin təşkilati
başlanğıcı işlənib hazırlanır. Planlaşdırma vasitəsilə sistemin inkişaf məqsədləri və istiqamətləri müəyyən edilir,
mövcud problemləri realizə edilməsi vasitəsi olan metodlar işlənib hazırlanır, sistemin inkişaf tempi müəyyən
edilir. İdarəetmə subyekti icraçıların gələcək fəaliyyət planını tutur, planda göstərilən məqsədlərə çatmağın
yollarını, üsullarını, vasitələrini və müddətlərini əsaslandırır.
149
Təşkiletmə dedikdə, idarəetmənin elə əsas funksiyası nəzərdə tutulur ki, onun reallaşdırılması vasitəsilə
planlaşdırma prosesində işlənib hazırlanmış planların yerinə yetirilməsi üçün şərait yaranır. Bu funksiyanın
mahiyyəti qüvvə və vasitə yaradılmasından, icraçılar arasında zəruri əlaqə və münasibətlərin qurulmasından,
onların fəaliyyətinin rasional (səmərəli) forma və metodlarının müəyyənləşdirilməsindən ibarətdir. Bu
funksiyanın reallaşdırılması prosesində idarəetmə subyekti tərəfindən qəbul olunmuş qərarların, o cümlədən
təsdiq edilmiş planların uğurlu həyata keçirilməsi üçün zəruri olan şərait yaradılır.
Tənzimetmə dedikdə idarəetmənin elə əsas funksiyası başa düşülməlidir ki, onun vasitəsilə tabelikdə
olan şəxslərin fəaliyyətinin səmərəliliyi yüksəlir və ya planlşdırma zamanı verilmiş parametrlərdən
kənarçıxmalar aradan qaldırılır. Tənzimetmə əks əlaqənin nəticələri əsasında həyata keçirilir. O, ayrı-ayrı
əməkdaşların və kollektivlərin qarşılıqlı əlaqələrinin saxlanması, əlaqələn-dirilməsi, qüvvələrin (səylərin)
yenidən bölgüsü, eləcə də motivasiyası (əsaslar, sübutlar, səbəblər) və stimullaşdırılması yolu ilə reallaşdırıla
bilər.
Uçot funksiyasının mahiyyətini idarə olunan sistemin cari vəziyyəti haqqında onun hərəkət istiqamətləri
və templəri, əldə edilən nəticələr və dəyişən problemlər haqqında informasiyanın toplanması, sistemləşdirilməsi
və ilkin işlənməsi təşkil edir.
Planların yerinə yetirilməsinin düzgünlüyünü, onların icrasının şərait və nəticələrinin
necə olduğunu
müəyyən etmək üçün nəzarət mövcuddur.
Nəzarət idarəetmənin elə əsas funksiyasıdır ki, onun reallaşdırılması vasitəsilə gömrük orqanlarının
vahid sisteminin fəaliyyəti prosesi üzərində müşahidə həyata keçirilir, bu və ya digər zaman momentində
tabeçilikdə olanların fəaliyyətinin gedişi, şəraiti, vəziyyəti və nəticələri haqqında məlumatlar toplanır.
Qəbul olunmuş qərarların reallaşdırılmasına nəzarət gömrük fəaliyyətinin qoyulmuş vəzifələrə
uyğunluğunun üzə çıxarılmasına, şəraitin dəyişməsindən asılı olaraq əvvəl qəbul edilmiş qərarlara və təsdiq
olunmuş planlara vaxtında zəruri düzəlişlər edilməsinə istiqamətlənir.
Nəzarətin əsas vəzifəsi planlaşdırma zamanı verilmiş parametrlərdən kənaraçıxmaların üzə çıxarılması,
onları doğuran səbəblərin, eləcə də gələcəkdə inkişaf etdirilməsi gömrük orqanının bütün fəaliyyətinin
səmərəliliyini xeyli dərəcədə artırmağa kömək edə biləcək müsbət momentlərin ortaya çıxarılmasıdır.
17.5. İdarəetmənin metodları
Qarşıya qoyulmuş məqsədlərin əldə edilməsi üçün idarəetmə obyektinə təsir yollarının,
üsullarının, vasitələrinin və formalarının məcmusu idarəetmə metodu adlanır.
İdarəetmənin metodlarını öyrənərkən nəzərə almaq lazımdır ki, onların təsirinin yönümü sosial-iqtisadi
sistemin, o cümlədən gömrük xidməti qarşısında qoyduğu konkret məqsədlərlə müəyyən edilir.
Belə məqsədlər
konkret təşkilati, iqtisadi, sosial və texniki vəzifələrin həllini tələb edir i, bu da öz növbəsində idarəetmənin
müvafiq metodlarının tətbiqini tələb edir.
İdarəetmənin metodları idarəçilik fəaliyyətinin miqyasına və təsir formasına görə təsnif edilir.
Gömrük orqanlarında idarəçilik fəaliyətinin miqyasına görə ümumi və xüsusi metodlar fərqləndirilir.
İdarəetmənin ümumi metodları gömrük işinin qlobal problemlərinin, strateji məsələlərinin həllinə
yönəldilmişdir, onlar bütün gömrük sisteminin əsas məqsədlərini və fəaliyyət göstərməsi məsələlərinin əldə
olunması üsullarını müəyyən edir.
İdarəetmənin xüsusi metodları, başlıca olaraq, operativ və cari idarəetmə sistemlərində (regional
gömrük
idarələri, gömrükxanalar, gömrük postları) istifadə edilir.
Gömrük sistemində təsir formalarından asılı olaraq birbaşa və dolayı təsir metodları tətbiq edilir.
Birbaşa təsir metodları dövlətin iradəsinə və nüfuzuna əsaslanır. Onlara təşkilti-sərəncamverici və
hüquqi metodlar aiddir.
Dolayı təsir metodlarına sosial, psixoloji, iqtisadi və iqtisadi-riyazi metodlar aiddir.
Gömrük orqanlarında təşkiletmə və tənzimetmə kimi idarəetmə funksiyalarının reallaşdırılması
prosesində təşkilati-sərəncamverici (inzibati) metodların vasitəsilə əməkdaşların və kollektivlərin borc,
səlahiyyət, məsuliyyət, intizam tələbləri və s. kimi fəaliyyət aspektlərindən ibarət olan münasibətlər
formalaşdırılır.
Gömrük orqanlarında təşkilati-sərəncamverici metodların hərbiləşdirilmiş və hüquq mühafizə kimi
xüsusiyyətləri
ondan ibarətdir ki, onlar bütövlükdə sistemə və ya ayrılıqda onun elementlərinə birbaşa direktiv
təsiri ifadə edir; gömrük orqanının rəhbərinə birmənalı qərar qəbul etməyə imkan verir; normativ-hüquqi və
direktiv sənədlərin icrasının məcburiliyinə əsaslanır.
Gömrük orqanlarında üç qrup təşkilati-sərəncamverici məqsəd: təşkilati, sərəncamverici və intizam
tətbiq edilir. Əsas yeri birinci qrupu təşkil edən təşkilati təsir metodları tutur. Onlar idarəetmənin əsası olan
sistemdə təşkilati əlaqələrin uzunmüddətli təsbitidir və nizamasalma, normalaşdırma və təlimatlandırmanı əhatə
edir.