| Dukkakli don ekinlarining bargiga qarab aniqlash.
Barcha dukkakli don
ekinlarining bargi murakkab barg bo'lib, barg bandi, bargchalardan, ba'zi
dukkaklilarda esa jingalaklardan iborat bo'ladi. O'zbekistonda ekiladigan dukkakli
don ekin-lari bargining tuzilish, bargchalarining yirik-maydaligi va shakliga qarab
ikki guruhga: a) patsimon bargli dukkaklilar, b) uch qo'shaloq (uchtali) bargli
dukkaklilarga bo'linadi.
Patsimon barglar faqat juft bo'lakchalar bo'ladigan juft patsimon va bandining
ikki tomoniga juft bo'lakchalaridan tashqari uchida toq bo'lakchasi bor toq
patsimon bo'ladi.
Ba'zi dukkaklilarning juft patsimon barglari yirik-mayda bo'lgan va har xil
darajada shoxlangan jingalaklar bilan tugaydi, o'simlik shu jingalaklari yordamida
tayanchga o'ralib oladi (masalan, ko'k no'xat).
Uch qo'shaloq (uchtali) barglar yirik-maydaligi va shakli har xil bo'ladigan uch
mustaqil yaproqchadan tashkil topgan.
Dukkakli don ekinlarining bargi tuksiz yoki tuk bilan qalin-siyrak
qoplangan bo'ladi. Bargining asosida yonbarg-chalar deb ataladigan mayda
bargchalar joylashgan. Yon-bargchalarning shakli, yirik-maydaligi har xil bo'lib,
turlarini bir-biridan farq qilishda yordam byeradigan belgilar o'rinini bosishi
mumkin.
Dukakli don ekinlari barglari: 1 - no'xat; 2 — soya; 3 — ko'p yillik
lyupin.
Dostları ilə paylaş: | 
