OZAN DÜNYASI № 3, 2010
90
Lətif HƏSƏNOV
ƏNƏNƏVĠ AġIQ
MUSĠQĠSĠNĠN
JANR XÜSUSĠYYƏTLƏRĠ
illi musiqimizin hər bir janrı özündə yüksək professional dəyər-
lərlə yanaşı, həm də zəngin və fundamental ənənəvi xüsusiyyətlər
əks etdirir. Yəni bu janrların hər biri tarix boyu ilk növbədə məhz
milli klassik ənənələrə əsaslanmaqla şifahi bir inkişaf yolu keçərək bu günkü
mükəmməl formalara yiyələnmişdir. Təbii ki, bu janrlar arasında müəyyən
qanunauyğunluqlara və normativ tələblərə uyğun muvafiq fərqlər mövcuddur.
Lakin vahid Azərbaycan milli musiqisi kontekstində bu janrlara məxsus
bütün musiqi nümunələri yalnız bir müstəvi üzərində yerləşir. Daha doğrusu,
şifahi ənənəyə əsaslanan milli musiqi müstəvisi üzərində. O cümlədən, şifahi-
profesianal (muğamlar, təsniflər, rənglər), xalq (xalq mahnıları və oyun
havaları) və xalq -professional (aşıq musiqisi) musiqi janrlarına mənsub bütün
musiqi nümunələri.
Onu da qeyd etmək lazımdır ki, milli musiqimizin müxtəlif janrları arasında
onlara məxsus nümunələrin metro-ritmik və melodik quruluşları, kompozisiya-
ları baxımından bir düzülüş sistemi də var. Təbii ki, burada iki janrın qovşağın-
da yerləşən üçüncü bir janr nümunələri daha səciyyəvi, həmçinin daha incə və
mürəkkəb xüsusiyyətlərə malik olmalıdır. Bu, məhz xalq-professional musiqisi
sayılan ənənəvi aşıq musiqisidir. Yəni ənənəvi aşıq musiqisi bir tərəfdən profes-
sional, digər tərəfdən isə xalq yaradıcılığına bağlanmaqla özündə hər iki janra məx-
sus müəyyən dəyərləri əks etdirir. Onu da deməliyəm ki, mən burada ―ənənəvi‖
terminini təsadüfü olaraq işlətmirəm. Düzdür, milli musiqimizin istənilən bir janrı
haqqında danışarkən bu ifadəni təkrarən işlətməyin heç bir lüzumu yoxdur. Çünki
yuxarıda da dediyimiz kimi, milli musiqimizin hər bir janrı öz-özülüyündə həm də
ənənəvi xusiyyətlərə malikdir. O cümlədən də aşıq musiqisi. Lakin təəssüf doguran
bir fakt da var ki, bu gün aşıq musiqisi ifaçılığında mövcud olan bir çox negativ
əlamətlər həmçinin ayrı-ayrı bölgələr arasındakı fərqlər bu fikri milli musiqimizin
məhz bu janrına bütövlüklə şamil etməyə imkan vermir.
Əks halda biz bütün ənənəvi aşıq mahnıları ilə yanaşı onlarla bir növ
qarışmış bütün popurrisayağı aralıq və bölgə səciyyəli mahnıları da ənənəvi
aşıq musiqisi nümunələri adlandırmalıyıq. O cümlədən də Şirvan aşıqlarının
yaradıcılıq fəaliyyətlərinin məhsulu kimi formalaşmış bir çox ümumi xarakterli
mahnılardan tutmuş qərb bölgəsinin xüsusilə qadın aşıqları tərəfindən daha çox
oxunan sevgi-məhəbbət nəğmələrinə qədər bütün musiqi nümunələrini. Həmçi-
M
OZAN DÜNYASI № 3, 2010
91
nin də konkret heç bir musiqi janrına aid olmayan ―Saz havası‖ adı altında ifa
edilən aşıq mahnılarının instrumental variantlarının hamısını, hansı ki, bir çox
alim və mütəxəssislər bu ifa nümunələrini yanlış olaraq elə belə də adlandırırlar.
Ona görə də ―ənənəvilik‖ anlamını gündəmə gətirməkdə məqsədimiz ilk
növbədə məhz çoxəsrlik ənənələri özündə yaşadan zəngin
və vahid milli musiqi
irsimizin tərkib hissəsi olan ümümtürk estetik dünyagörüşünə uyğun ənənəvi
aşıq musiqisini digər bütün bayağı ünsürlərdən ayırmaq və onun real modeli
haqqında tam və düzgün bir təsəvvür yaratmaqdır. Daha doğrusu, ənənəvi aşıq
musiqisinin melodik və metro-ritmik quruluşu forma və məzmun dəqiqliyi, ifa
üslubu, orjinallığı, bir sözlə, spesifik janr xüsusiyyətləri haqqında olan ən real
və obyektiv bir təsəvvür. Güman edirəm ki, bunun üçün ilk növbədə ənənəvi
aşıq musiqisinin digər janrlarla qarşılıqlı əlaqəsi və tarixi inkişaf xronologiyası
haqqında qısa da olsa məlumat vermək daha effektli olar.
Məlumdur ki, milli musiqimizin hər bir janrı kimi, aşıq musiqisi də muğam-
lar üzərində qurulmuşdur. Daha doğrusu, ayrı-ayrı muğamların eyniadlı lad-
məqamları üzərində. Necə ki ölməz şairimiz S.Vurgun demişdir: ―Azərbaycan
musiqisi muğamat üzərində qurulmuşdur, bu, Azərbaycan xalqının bədii zövqü-
dür‖. Yəni aşıq musiqisi ilə muğamlarımız arasında fundamental bir bağlılıq
var. Eyni lad-məqamlara əsaslanma, emosianal intonasiya xüsusiyyətləri, həm-
çinin havaların xarakterindən asılı olaraq bəzən yuxarı və tədricən aşağı enən
sekvensiyalı melodik hərəkətlərin başlanğıc tona qayıtma prinsipi hər iki janra
xas olan ümumi əlamətlərdəndir. Məhz bu bağlılığın nəticəsidir ki, xüsusilə son
tarixi dövrlərdə professional musiqinin, muğamların inkişafi ilə bağlı olaraq
sazın Baş və Orta kökləri, həmçinin bu köklərə əsaslanan havalar əsasən daha
çox inkişaf etmişdir. Yeni havaların böyük əksəriyyəti məhz bu köklər üzərində
yaradılmışdır. O cümlədən Baş kökə ayaq verən bir çox mahnılar tədricən bu
kökə keçərək məhz baş pərdəyə istinadən çalınıb oxumağa başlamışdır. Bu
havalardan ―Dübeyti‖, ‖Baş Sarıtel‖, ‖Müxəyi‖, ‖Yurd yeri‖ və digərlərini
misal göstərmək olar. Yəni göründüyü kimi tarix boyu muğamlarımızın inkişafı
ilə əlaqədar və paralel olaraq aşıq musiqisində də müəyyən inkişaf prosesləri
getmişdir. Bu da bir faktdır ki, bu cür proseslərdə professional musiqinin inkişa-
fı ilə yanaşı Baş və Orta köklərə uyğun ―Segah‖ və ―Mahur‖ muğamlarının xalq
ruhuna yaxınlığı və bir növ şirinliyi də böyük rol oynamışdır. Yeri gəlmişkən
onu da qeyd etmək lazımdır ki, tək bu səpkili havalar deyil, ümumiyyətlə bütün
aşıq havaları orta dövrlərdə ümumi kök adlanan yalnız bir kökdə ifa edilmişdir.
‖Şah‖ pərdəyə istinad edən bu kök sisteminə ―Qaraçı‖ havasının adı ilə bağlı
―Qaraçı kökü ― də deyilmişdir.
Bir qədər elmi anlamda desək bu sazda birinci oktavanın ―Fa‖ səsinə uyğun
olan bir kök sistemidir.
Bu və digər faktlardan da göründüyü kimi, aşıq musiqisi tarix boyu həmişə
milli musiqimizin digər janrları ilə qarşılıqlı və müəyyən dəyər inteqrasiyaları
zəminində inkişaf etmişdir. Əlbət ki, zəngin musiqi irsimizin rəngarəng tərkib
hissələrini özündə cəmləşdirən ayrı-ayrı janrlar arasında bu cür bağlılıqların
olması təbii bir haldır. Cünki bu janr nümunələrinin hamısı yalnız bir xalqa, bir