OZAN DÜNYASI № 3, 2010
92
millətə xas olan bədii-estetik yaradıcılıqların məhsuludur. Lakin bu bağlılıq və
yaxınlıq əlamətləri heç də onların janr hüdudlarının zəifliyi və lazım gəldikdə
süni surətdə pozulması imkanlarının mövcudluğu demək deyil. Yəni bu o
demək deyil ki, aşıq musiqisi istənilən zaman digər musiqi janrları, o cümələdən
də muğamlarla müştərək şəkildə ifa edilə bilər. İstər vokal, istərsə də instru-
mental formada. Əlbəttə yox. Bir qədər konkret desək, milli musiqimizin
janrları arasında nə qədər bağlılıq, oxşarlıq və yaxınlıq varsa, o qədər də ayrılıq,
özünəməxsusluq və səciyyəvilik var. Biz, Baş kökə istinad edən bütün
havaların arasında ―Segah‖ və ya Orta kökdəki havalarda isə ―Mahur‖ muğa-
mından bir parça oxuya bilərik. Bu, heç kimə yasaq olunmur. Lakin təəssüf
doğuran odur ki, bununla biz oxuduğumuz muğamların emosional-obrazlı
məzmununu, leytmotivini nə qədər açmış olarıqsa, aşıq mahnısınınkını da o
qədər pozmuş olarıq. Ona görə də mən ənənəvi aşıq musiqisi dedikdə öz
səciyyəvi tarixi mahiyyəti ilə yanaşı həm də digər musiqi janrlarına yalnız folk-
lor və professional dəyərləri ilə daxilən bağlanan orijinal ifa üslubuna və ifa
tərzinə malik bir musiqi janrını nəzərdə tuturam. Muğamlara, mahnı və təs-
niflərə, oynaq nəğmələrə, instrumental ifalara, oyun havalarına zahirən bağla-
nan, onlara məxsus müxtəlif melodik və ritmik epizodları, komponentləri özün-
də bütöv şəkildə əks etdirən, sintezləşdirən ―qarışıq‖ bir musiqi növünü yox.
Aşıq musiqisi sırf orijinal xususiyyətlərə və özünəməxsus ifa üslubuna
malik müstəqil bir musiqi janrıdır. Daha konkret desək, o, vokal-instrumental
səciyyəli ənənəvi aşıq mahnılarından ibarətdir. Bu mahnıları digər musiqi
nümunələri ilə müştərək tərzdə ifa edib həm də onun ənənəvi mahiyyətini
qoruyub saxlamq mümkün deyil.
O cümlədən, istər muğamlarımız istərsə də digər ixtiyarı musiqi nümunələri ilə.
Düzdür, digər janrlara məxsus musiqi nümunələri və musiqi epizodları ilə
müştərək ifa tərzi aşıq havalrına müəyyən qədər şirinlik və ya süni bir müasirlik
ruhu gətirə bilir. Əslində bu proseslər, o cümlədən də digər musiqi alətlərinin
aşıq sənətinə gətirilməsi də elə bu məqsədi güdür. Daha doğrusu, bu proseslər
bəzən bir çox üzdəniraq ―novator‖ sənətkarların istədikləri effekti verə bilir.
Yəni bu cür ifalar zamanı bədii-ruhi təsir baxımından
bir qədər xoşagəlimli olan
müəyyən mahnılar yaranır. Lakin təəssüf doğuran odur ki, bu mahnılar
özlərində ənənəvi aşıq musiqisinin normativ tələbləri, özünəməxsus ifa üslubu
və ənənəvi xüsusiyyətlətləri ilə heç bir mütləq bağlılıq əks etdirmir.
Sadəcə olaraq bu mahnılar milli musiqimizin hər üç janrına məxsus bir çox
komponentləri özlərində cəm edən və onların hər birinə bir qədər oxşar adi
ara mahnılarına çevrilmiş olurlar. O cümlədən yuxarıda da dediyimiz kimi,
Şirvan aşıqlarının repertuarlarındaklı bir çox mahnılardan tutmuş Qərb aşıq
bölgəsində baş alıb gedən sintetik xarakterli qeyri-standart ifa nümunələrinə -
nəğmə və ara mahnılarına qədər.
Bir sözlə ümumtürk estetik dəyərlərini özündə əks etdirən ənənəvi aşıq
musiqisi dahi bəstəkarımız Ü.Hacıbəyovun da dediyi kimi elə ―türk üslubunda
da‖ ifa edilməlidir. Yəni ilk növbədə təksazla özünümüşayiət prinsipinə əsas-
lanan bir üslubda. Bu, aşıq musiqisinin ənənəvi tərzdə yeganə ifa yoludur. Çox
OZAN DÜNYASI № 3, 2010
93
təəssüflər olsun ki, bu gün aşıq musiqisi ifaçılığında bu ənənəyə əməl etməyin
özü bir problemə çevrilmişdir. Bir çox sənətkarlar bu ənənəyə riayət edib onun
sirlərinə yiyələnmək əvəzinə tamamilə uyğun olmayan bir növ kollaj variantlara
əl atırlar. Daha doğrusu, sazın digər musiqi alətlərilə müştərək çalınması,
sintezi variantına. Qəribədir ki, bu cür meyllər ilk dövrlər tək Şirvan bölgəsində
olduğu halda, indi Borçalı bölgəsi istisna olmaqla bütün Qərb aşıq bölgələrində
inkişaf etməkdədir. Xüsusən də Gədəbəy bölgəsində. Ən dəhşətlisi isə odur ki,
bir çox qocaman, yəni ―fəxri ustad‖ aşıqlar da bu işə çox ürəkdən rəvac
verirlər. Ona görə də bir müəllif olaraq mən bu sənəti sevən və ona qəlbən bağlı
olan bütün insanlara üz tutaraq deyirəm:
―Aşığı sazdan başqa nəinki bir ansambl və ya adi bir balaban müşayiət etsə,
hətta ona hər hansı bir musiqi aləti yalnız dəm tutsa belə artıq onun ifa etdiyi
musiqi nümunəsini ənənəvi aşıq mahnısı hesab etmək olmaz. Yəni bununla artıq
o mahnı öz melodik və ritmik quruluşunu, fəlsəfi-ürfani dəyərini tam incəliyi ilə
desək xisləti- mahiyyətini dəyişmiş olar.
Biz saza yardımçı olan bir çox musiqi alətlərinin texniki və səs-intonasiya
xüsusiyyətləri haqqında növbəti yazılarımızda ətraflı məlumat verəcəyik. Lakin
hələlik ən vacib bir şərt kimi onu demək istəyirəm ki, aşıq musiqisində lad-in-
tonasiya, melodiya və formayaranma qanunauyğunluqları mütləq formada yal-
nız saz alətini konstruksiyası ilə sıx bağlıdır. Digər heç bir musiqi aləti aşıq musi-
qisinin ifası üçün bu cür spesifik texniki və bədii imkanlara tam malik deyildir.
Məsələn, sazın diapazonu kiçik oktavanın ―si-bemol‖ səsindən başlanır. Bu,
sazda üst simlərin açıq səsidir. Aşıq havalarının ifası zamanı xüsusilə akkord
səslərini ardıcıl və daha aydın şəkildə səslənməsi üçün bu cür quruluş sistemi
unikal bir effekt yaradır. Ümumiyyətlə sazın hər üç bölüm simlərinin açıq səsi
bütün havalarının ifasında konsonans rol oyanayırlar. Yəni lazım gəldikdə birgə
çalınmaq imkanına malikdirlər. Bu da simli alətlərimiz arasında yalnız saz aləti-
nə məxsus bir kefiyyətdir. Digər tərəfdən ―Şah pərdə‖yə əsaslanan bir kök siste-
minin mövcudluğu və imkan genişliyi də saz alətinə məxsus sirf səciyyəvi bir
əlamətdir. Yəni eyni bir pərdədə müxtəlif ladlara istinad edən havaların ifası
baxımından.
Mən bu faktların sayını artırmaq və onların hər birini sırf musiqi dilində də-
qiqliyi ilə şərh etmək fikrində deyiləm. Lakin bununla bağlı hər zaman deyil-
məmiş bir fikri nəzərə çatdırmağı borc bilirəm.
―Hər hansı bir aşıq təksazla özünü tam düzgün və mükəmməl bir tərzdə
müşayiət edə bilirsə, o digər heç bir alətin köməyinə ehtiyac duymur.
Yaxud ək-
sinə. Əgər aşığı sazdan əlavə digər musiqi alətləri də müşayiət edirsə deməli o,
sazı sözün əsl mənasında düzgün çala bilmir. Daha dəqiq desək sazı müşayiət
xarakterli çala bilmir. Çünki burada söhbət artıq sazın solo-instrumental deyil,
onun sırf müşayiət, yəni vokal ifa ilə harmonik tərzdə çalınmasından gedir.
Güman edirəm ki, aşıq musiqisi ifaçılığı və onun ayrı-ayrı bölgə məktəbləri
haqqında danışmaq istəyən və ya sadəcə olaraq tədqiqat aparan hər bir kəs ilk
növbədə məhz bunu bilməlidir. Əks halda bu istiqamətdə heç bir fundamental
və məqsədyönlü axtarış aparıb düzgün bir nəticə əldə edə bilməz. Təbii ki,