684
onun üzünə xüsusi bir ifadə ilə baxmasın, onun yanında ah-
vay eləməsin, ehyamlı söz danışmasın, xülasə, bu əhvalatın
ona məlum olduğunu heç bir hərəkətilə bildirməsin. Anna
Andreyevna buna o qədər təəccüb etdi, o qədər sevindi ki,
hətta əvvəl mənə inanmadı. Sonra dedi ki, mən də o yetim
qız məsələsini Nikolay Sergeiçin qulağına çəkdim, o heç
danışmadı, amma əvvəl özü həmişə evə bir qız gətirməyi
məndən xahiş edirdi. Biz belə bir qərara gəldik: sabah Anna
Andreyevna Nellini gətirməyi, müqəddəməsiz, eyhamsız
ondan xahiş etsin. Lakin ertəsi gün biz hər ikimiz yamanca
qorxuya düşdük və narahat olduq.
İxmenev, onun işindən ötrü çalışan məmuru səhərçağı
görür. Məmur ona deyir ki, knyazı gördüm, knyaz mənə
dedi ki, İxmenevkanı mən qaytarmayacağam, amma “bəzi
ailəvi vəziyyəti nəzərə alaraq” qocanı mükafatlandırıb ona
on min manat verəcəyəm. İxmenev məmurun yanından
birbaş mənim yanıma gəldi; ovqatı yaman təlxdi; gözləri
qəzəblə parıldayırdı. O nədənsə məni otaqdan pilləkənə
çağırdı, təkidlə məndən tələb etdi ki, mən bu saat knyazın
yanına gedim, knyazı duelə çağırdığını knyaza deyim. Mən
downloaded from KitabYurdu.org
685
buna elə heyrət etdim ki, əvvəl heç bir şey anlaya bilmədim.
Sonra onu bu fikirdən döndərməyə çalışdım. Qoca elə
qəzəbləndi ki, hətta ürəyi xarab oldu. Su gətirmək üçün evə
yüyürdüm; lakin qayıdanda qocanı pilləkəndə görmədim.
Ertəsi gün onlara getdim; o evdə yox idi: iki gün idi ki,
o heç evə gəlmirdi.
Üçüncü gün məsələ bizə aydın oldu. Qoca mənim
yanımdan birbaş knyazgilə gedir; knyazı evdə tapmır, ona
bir kağız yazıb qoyur; kağızda yazır ki, sizin məmura
dediyiniz söz mənə çatdırılmışdır, mən bu sözlə özümü son
dərəcə təhqir olunmuş, sizi isə alçaq bir adam hesab edirəm;
buna görə də sizi duelə çağırıram; eyni zamanda, sizə
xəbərdarlıq edirəm ki, dueldən boyun qaçırmayasınız, əgər
qaçırsanız cəmiyyət qarşısında rüsvay ediləcəksiniz.
Anna Andreyevna mənə belə dedi: o, evə elə həyəcanlı,
ovqatı təlx qayıtmışdı ki, hətta xəstələndi də. O mənimlə çox
mehriban idi, ancaq suallarıma az cavab verirdi, aydın
görünürdü ki, nəyi isə böyük bir səbirsizliklə gözləyir. Ertəsi
gün şəhər poçtu ilə bir məktub gəldi; o məktubu oxuyub
çığırdı, başını qamarladı. Mən qorxudan donub qaldım.
downloaded from KitabYurdu.org
686
Amma o elə o saat şlyapasını, əlağacını götürüb cəld evdən
çıxdı.
Məktub knyazdan idi. O, soyuq bir ifadə ilə qısaca və
nəzakətlə İxmenevə yazırdı ki, mən məmura dediyim söz
üçün heç kəsə haqq-hesab verməyə borclu deyiləm. Mən
sizin məhkəmədə gedən işi uduzduğunuza çox təəssüf
edirəm, lakin buna nə qədər təəssüf etsəm də, məhkəmə
çəkişməsində uduzan bir adamın intiqam məqsədilə öz
rəqibini duelə çağırmağa haqqı olduğunu heç də ədalətli bir
şey hesab etmirəm. O ki qaldı sizin məni “cəmiyyət
qarşısında rüsvay etmək” təhdidiniz, – mən sizdən xahiş
edirəm ki, bu barədə narahat olmayasınız, ona görə ki,
cəmiyyət qarşısında heç bir rüsvayçılıq-filan olmayacaq, heç
ola da bilməz; sizin məktubunuz dərhal lazımi yerinə
veriləcək, xəbərdar edilmiş polis idarəsi də, yəqin ki, nizam-
intizamı, sakitliyi təmin etmək üçün lazımi tədbir görmək
iqtidarındadır.
İxmenev, əlində məktub, elə o saat knyazın üstünə
gedir. Knyazı yenə də evdə tapmır, lakeydən öyrənir ki,
knyaz indi yəqin qraf N-in evindədir. Qoca fikirləşmədən
downloaded from KitabYurdu.org
687
birbaş qrafın evinə yollanır. Pilləkənlə yuxarı qalxanda
qrafın qapıçısı onu saxlayır. Qoca son dərəcə
qəzəbləndiyindən qapıçını ağacla vurur. O saat onu tutub
artırmaya çıxarırlar, polis nəfərinə verirlər, o da qocanı polis
idarəsinə aparır. Bunu qrafa bildirirlər. Knyaz bu zaman
qrafın yanında imiş: o, bu şöhrətpərəst qocaya deyir ki, bu
həmin Natalya Nikolayevna dediyim qızın atası İxmenevdir
(knyaz belə işlər üçün bir neçə dəfə qrafa qulluq
göstərmişdi…), bu zadəgan qoca da knyazın məlumatını
eşidəndə ancaq gülür, İxmenevin təqsirindən keçir:
sərəncam verilir ki, İxmenevi buraxsınlar; lakin onu ancaq
iki gündən sonra buraxırlar, həm də (yəqin ki, knyazın
sərəncamı ilə) qocaya deyirlər ki, knyaz özü onun
bağışlanmasını qrafdan xahiş etmişdir.
Qoca öz evinə dəli kimi qayıtdı, elə o saat divana
yıxılıb, bir saat uzandı, heç tərpənmədi; sonra yerindən
qalxıb təntənə ilə bildirdi ki, öz qızımı həmişəlik qarğıyıram,
onu atalıq xeyir-duasından məhrum edirəm.
Anna Andreyevna dəhşət içində donub qaldı; lakin
qocaya kömək etmək lazımdı: bütün günü, az qala bütün
downloaded from KitabYurdu.org
688
gecəni, huşunu itirmiş kimi, ərinə qulluq elədi, yaylığı sirkə
ilə isladıb alnına qoydu, başının ətrafına buz yığdı. Qoca
qızdırmışdı, sayıqlayırdı. Mən onların yanından gedəndə
gecə saat üçə işləyirdi. Ertəsi gün səhər İxmenev ayağa
qalxdı, elə o gün də yanıma gəldi ki, Nellini aparsın. Lakin
Nelli getmədi; bu əhvalatı mən xeyli əvvəl nəql etmişəm; bu
onu tamamilə sarsıtdı. O evinə qayıdıb yorğan-döşəyə
düşdü. Bunlar hamısı strastnaya cüməsində baş vermişdi:
Katya ilə Nataşanın görüşü həmin günə təyin edilmişdi,
Katya ertəsi gün Alyoşa ilə Peterburqdan gedəcəkdi. Mən bu
görüşdə iştirak etdim; görüş səhər tezdən oldu: hələ heç
qoca yanıma gəlməmişdi, Nelli də evdən qaçmamışdı.
downloaded from KitabYurdu.org
Dostları ilə paylaş: |