237
Bizim familiyamız süqut edir. Bizə yüksək aristokrat
cəmiyyəti ilə əlaqə və pul lazımdır. Qrafinya Zinaida
Fyodorovnanın ögey qızının yüksək aristokrat cəmiyyəti ilə
əlaqəsi olmasa da, çox varlıdır. Bir az gözləsəydim, dövlət
axtaran başqa bir adam tapılardı, qız da əlimdən çıxardı.
Fürsəti əldən vermək olmazdı, mən də belə bir qərara
gəldim: Alyoşa hələ çox cavan olsa da, onu həmin qız ilə
evləndirim. Görürsünüz ki, mən heç bir şey gizlətmirəm.
Siz, öz tamahı ucundan, həm də sinfi ənənələri nəzərə
alaraq, öz oğlunu pis bir hərəkət etməyə vadar edən, bunu da
dərk edən bir ataya nifrətlə baxa bilərsiniz. Mən ona görə pis
hərəkət deyirəm ki, istədiyi adamın yolunda hər şeyini fəda
edən alicənab bir qızı atmaq – pis hərəkətdir, bir də ki, o
adam özü də onun qarşısında çox-çox müqəssirdir. Lakin
mən özümə haqq qazandırmaq istəmirəm. Qrafinya Zinaida
Fyodorovnanın ögey qızını öz oğlumla evləndirmək
istəməyimin ikinci səbəbi də budur ki, bu qız sevgiyə,
hörmətə son dərəcə layiq bir qızdır. O qəşəngdir, yaxşı
tərbiyə olunmuşdur, çox gözəl də xasiyyəti var. Hələ bir çox
cəhətdən uşaq olsa da, çox ağıllıdır. Alyoşa iradəsizdir,
downloaded from KitabYurdu.org
238
yüngülməzacdır, son dərəcə ağılsızdır, iyirmi iki yaşı olduğu
halda, hələ lap uşaqdır, ancaq onun bircə məziyyəti var ki,
təmiz bir qəlbə malikdir, bu isə hətta başqa nöqsanlarına
görə daha təhlükəlidir. Çoxdan bəridir ki, mən təsirimin
onun üzərində azalmağa başladığını hiss edirəm. Qızğınlıq,
gənclik ehtirasları öz varlığını hiss etdirir, hətta yerinə
yetirilməli olan bəzi həqiqi vəzifələrdən də üstün olur. Bəlkə
də mən onu həddindən artıq çox sevirəm, lakin inanmağa
başlayıram ki, təkcə mənim rəhbərliyim onun üzərində
azdır. O mütləq, həmişə gərək bir adamın xeyirxah təsiri
altında olsun. O tabe olan, sevən, sevməyi, tabe olmağı əmr
etməkdən üstün tutan zəif bir təbiətə malikdir. Bütün ömrü
boyu da o belə qalacaqdır. Siz təsəvvür edirsinizmi ki, mən
Katerina Fyodorovnanın şəxsiyyətində ideal bir qız simasını
görərkən nə qədər sevindim! Mən istərdim elə bir qız mənim
oğlumun arvadı olsun. Lakin mən gec sevinmişdim: onun
üzərində başqa bir qızın sarsılmaz təsiri hökmranlıq edirdi, o
da sizsiniz. Bir ay bundan əvvəl Peterburqa qayıdarkən, mən
onu diqqətlə müşahidə etməyə başladım, gördüm ki, onda
yaxşılığa doğru xeyli dəyişiklik var, buna çox təəccüb etdim.
downloaded from KitabYurdu.org
239
Yüngülməzaclıq, uşaqlıq onda hələ də olduğu kimi
qalmışdır, lakin onun qəlbində bəzi nəcib hisslər
möhkəmlənmişdir, o yalnız oyuncaqlarla deyil, yüksək,
nəcib, təmiz hisslərlə də maraqlanmağa başlayır. Onun
idealları qəribədir, möhkəm deyil, hətta bəzən mənasızdır
da. Amma arzuları, meyli, qəlbi yaxşıdır, bu isə bütün başqa
şeylərin bünövrəsidir. Onda olan bütün bu yaxşı cəhətlər,
heç şübhəsiz ki, sizdəndir. Siz onu yenidən tərbiyə
etmisiniz. Etiraf edirəm ki, elə onda mənim ağlıma belə bir
fikir gəldi: hər kəsdən çox, siz onu xoşbəxt edə bilərsiniz.
Ancaq mən bu fikri özümdən qovdum, belə bir fikir mənə
lazım deyildi. Mən gərək, hər necə olur olsun, onu sizdən
uzaqlaşdıraydım. İşə başladım, elə zənn etdim ki,
məqsədimə çatmışam. Hələ bir saat bundan əvvəl mən elə
bilirdim ki, qalib gəlmişəm. Lakin qrafinyanın evində baş
verən hadisə bir anda mənim bütün mülahizələrimi alt-üst
etdi, hər şeydən əvvəl, heç gözləmədiyim bir məsələ məni
heyrətə saldı, bu da Alyoşadakı çox qəribə görünən
ciddiyyət,
sizə
olan münasibətindəki qətiyyət, bu
münasibətdəki səbat və möhkəmlikdir! Təkrar edirəm: siz
downloaded from KitabYurdu.org
240
onu tamamilə yenidən tərbiyə etmisiniz. Mən birdən gördüm
ki, onda əmələ gələn dəyişiklik, hətta mənim güman
etdiyimdən də çox qabağa gedir. Bu gün o birdən mənim
qarşımda ağıl əlamətləri olan şeylər söylədi, mən belə bir
şeyin onda olduğunu heç güman etmirdim, o eyni zamanda,
fövqəladə bir incəlik, həssaslıq göstərdi. O, çətin hesab
etdiyi vəziyyətdən çıxmaq üçün çox düzgün bir yol
seçmişdir. O, insan qəlbinin ən nəcib duyğularına, yəni əfv
etmək, pisliyə qarşı alicənablıq göstərmək duyğularına
toxunmuş, bunu hərəkətə gətirmişdir. O özünü incitdiyi
adamın ixtiyarına vermiş, eyni zamanda, kömək üçün ona
müraciət etmişdir. O onu sevən bir qızın qüruruna
toxunmuş, onun qarşısında etiraf etmişdir ki, sizin rəqibiniz
var, mən başqa bir qızı sevirəm, eyni zamanda, onda
rəqibinə qarşı hüsn-təvəccöh oyatmışdır, özünü də əfv
etdirmiş, öz xeyrini güdmədən, bir bacı kimi onunla dostluq
etmək vədini almışdır. Həm bu cür bir məsələni söyləyəsən,
həm də qızı təhqir etməyəsən, özündən incitməyəsən, buna
bəzən ən mahir bir filosof da qabil ola bilməz, buna ancaq
onun qəlbi kimi saf, təmiz, təravətli, yaxşı bir istiqamətə
downloaded from KitabYurdu.org
Dostları ilə paylaş: |