Futbolka və Kostyum Yaradıcı Biznesə Səyahət Devid Perriş

41
Əsas Məqamlar
1      "Marketinq" heç də "satış" anlayışının daha gözəl səslənən
adı deyil. O, daha radikal bir anlayışdır.
2     Operativ marketinqinizi planlaşdırmazdan öncə strateji
marketinqi (biznes düsturunuzun tərkib hissəsini) hazırlayın.
3     Konkret bazar seqmentlərinə və ya konkret müştərilərə
hədəflənin. Qazanmaq istədiyiniz müştərilərin siyahısını
hazırlayın.
4      Marketinq monoloq yox, dialoqdur. Uğurlu marketinq həm
müştəriləri dinləməyi, həm də onlarla danışmağı bacarır.
5     Bütün müştərilər yaxşı müştərilər hesab oluna bilməz.
Müştərilərin hansının müəssisəniz üçün yaxşı və ya pis
olmasına qərar verin.
6     Siz həqiqətənmi müştərilərə diqqət edirsiniz, yoxsa sizin üçün
əsas olan hələ də məhsullardır?
7      Biznesinizi müştərilərin dəyişən ehtiyacları ətrafında qurun.
Müştərilərin ehtiyacları dəyişdikcə siz də dəyişməyə hazır olun.
8      Mövcud müştəriləriniz, itirdiyiniz müştəriləriniz və
hədəfləndiyiniz müştəriləriniz haqqında nələri bilirsiniz?  Nəyi
bilmək istərdiniz? Bilmək istədiklərinizi müxtəlif üsullarla, o
cümlədən birbaşa və dolayı bazar tədqiqi vasitəsilə öyrənməyin
yolunu tapın.
9      Mövcud müştərilərinizin sizi biznesiniz üçün doğru olan yeni
müştərilərə tövsiyə etmələri üçün onları həvəsləndirin və
dəstəkləyin.
10    Biznesiniz üçün ideal müştəri anlayışını müəyyən edin,
sonra bu ideal müştərini tapın. Sonra daha birini, bir
başqasını da, dayanmayın, davam edin.

---

Gerçəkləşən İdeyalar
New Mind Internet
İnternet, Marketinq və Texnologiya
42
Riçard Vil başqa yaradıcı sahibkarlara
məsləhət verərkən "Bazar seqmentini seçin və
onu özəlləşdirin" deyir. "New Mind" turizm
sektoru üçün hazırlanmış peşəkar proqram
təminatı ilə məhz bu cür davranıb. Riçard onu
"kiçik bazarın dünya səviyyəli məhsulu" və
"müştərilərə işləyən proqram təminatı" kimi
təsvir edir. Proqramın hazırlanmasında
müştərilərin də iştirak etməsi və müştərilərin
artan ehtiyacları ilə ayaqlaşmaq üçün proqram
təminatının hər üç aydan bir yeni versiyasının
buraxılması onun bu cür müvəffəqiyyətli
olmasının səbəblərindən biridir. "New Mind"
müştərilərini dinləyir və özünün yaradıcılıq və
bacarıqlarını ancaq nəticəsi olan işlərə sərf
edir.
Şirkətin daha çox ümumi bazarlar üçün
nəzərdə tutulmuş məhsulu "Iomis®"dən fərqli
olaraq, turizm proqramının ümumi brendi
yoxdur, o, müştərilərin öz brendləri ilə
birləşdirə biləcəkləri "rebrendinq" məhsuludur.
Misal üçün, bu proqram Lankaşir Turist
Administrasiyasının Lankaşir Onlayn
İnformasiya Sistemi – "LOIS" və Mersey
Tərəfdaşlığının Merseyside İstifadəçilərinin
İnformasiya Şəbəkəsi – "MERVIN" kimi
tanınır.
1999-cu ildə Riçard və onun biznes tərəfdaşı
Endi Abram tərəfindən təsis edilmiş "New
Mind" Qrupunun 30 işçisi var və dövriyyəsi
2 milyon funt-sterlinqdən çoxdur. Qrupun 5 il
ərzində sürətlə inkişaf edərək 1000% artıma
nail olması onun Şimal-Qərb regionunun ən
sürətlə inkişaf edən bizneslərinə verilən "İnner
City 100" mükafatına layiq görülməsinə səbəb
oldu. "New Mind"ın texnologiyaları və internet
saytları portfellərinə Bat Turizmi, Beatles
qrupunun Tarixçəsi və bir çox başqa mövzular
daxil etmiş bəzi müştərilərinə görə də
mükafatlar almışdır.
"New Mind" Qrupu üç müstəqil şirkətdən
ibarətdir: New Mind Technology Ltd, New
Mind Internet Consultancy Ltd və New Mind
Marketing Ltd. Qrupun bu cür bölünməsində
məqsəd hər fəaliyyət sahəsi üçün ayrıca
brendinqin təmin edilməsi, həmçinin biznes
risklərinin paylanmasıdır. Qrupun 30
əməkdaşının hamısı "New Mind Internet
Consultancy Ltd"də işləyir və Qrupun biznes
fəaliyyəti bu şirkət vasitəsilə aparılır. Qrupun
əqli mülkiyyəti yalnız "New Mind Technology
Ltd,"yə məxsusdur. Bu ehtiyat tədbiri Qrupa
əqli mülkiyyətini bu kompaniyanın köməyi ilə
daha gec satmaq və şirkətin əməkdaşlarının
olmaması və dəyərli qeyri-maddi aktivlərin
satışının vergitutma baxımından sərfəli
olmasından faydalanmaq imkanı verir.
www.newmind.co.uk

---

Kitabda yer alan müvafiq ideya və mövzulara keçidlər:
     Əqli Mülkiyyətdən istifadə
(səhifə 58-ə baxın)
     Şirkət Strukturları Strukturları
(səhifə 75-ə baxın)
     Məhsulların hazırlanmasında Müştərilərin iştirakı
(səhifə 38-ə baxın)
     Müştərilərin dəyişən ehtiyacları 
(səhifə 36-ya baxın))
Riçard (solda) və Endi, New Mind Internet

---

5
Rəqabətlə üz-üzə
—  Bu fəsildə rəqabət üstünlüyü yaratmaq məqsədilə rəqiblərlə mübarizə
aparmaq və onlar arasında yerinizi müəyyən etmək haqqında ideyalara nəzər
salırıq.
—  Bundan əlavə, sözügedən fəsildə rəqabətin nəhəng qüvvələri, o cümlədən,
yeni iştirakçılar və əvəzedici məhsullar, habelə birbaşa rəqiblər yer alır.
—  Son olaraq isə rəqabətdə əməkdaşlıq etmək ideyasına – "rəqiblərin
əməkdaşlığı"na yer verilir.
44

---

Uğurlu yaradıcılıq müəssisələrinin əksəriyyəti müştərilərin
dəyişən ehtiyaclarına xüsusi diqqət yetirməklə yanaşı,
rə qabət mühitində fəaliyyət göstərdiklərini və rəqabət
stra  tegiyasını işləyib hazırladıqlarını etiraf edirlər. Digər
müəssisələr də eyni müştəriləri hədəf alan bazarlarda
fəaliyyət göstərirlər! Bəzi müəssisələr qiymət baxımından
rəqabət aparacaqları halda, digərləri niş bazara xidmət
etməkdə  ixtisaslaşır,  bazarın  həmin  seqmentində  ən
yaxşı olmağı və uyğunlaşmaq üçün yüksək qiymətlər
təyin etməyi planlaşdırırlar.
Rəqabət Üstünlüyü
Cavab veriləsi suallardan biri budur: Rəqiblərimizlə müqayisədə
hansı  işin  öhdəsindən  daha  yaxşı  gələ  bilərik?  Nə  qədər
qəribə səslənsə də, bu, sizin ən yaxşı bacardığınız iş olmaya
da bilər! 
Rəqabət Üstünlüyü 
rəqiblərinizi asanlıqla üstələdiyiniz
sahədə meydana gəlir - bu, sizin ən pis bacardığınız yaxud
heç xoşlamadığınız bir iş də ola bilər.
Burada istifadə etdiyim analogiya dağ qaçışımla bağlıdır. Bütün
digər insanlar kimi mən də üzü yoxuşa qaçanda (təbii olaraq)
aşağı sürətlə, üzü enişə qaçanda isə yüksək sürətlə hərəkət
edirəm! Üzü yoxuşa qaçmaq uzun çəkir və əziyyət verir – lakin
rəqiblərim də eyni vəziyyətdədir. Zirvəyə hamıdan tez çatıram,
lakin aşağıya doğru orta qaçış sürətimdən daha yavaş qaçıram.
Belə çıxır ki, mən dağ qaçışlarının zirvədə başa çatdığı İtaliyada
rəqib lərlə mübarizə aparmalıyam, çünki güclü və zəif cəhətlərimin
vəh dəti mənə həmin yarışlarda rəqabət üstünlüyü qazandıracaq.
Nəticə etibarilə, rəqabət üstünlüyü barədə düşünərkən, habelə,
əsas diqqəti müştərilərin ehtiyaclarına yönəldərkən, belə bir
sual yaranır: Başqa biri ilə müqayisədə müştərilərin hansı
problemlərinin həllini daha yaxşı təmin edə bilərik?
Biznes strategiyası – uğura aparan yolunuz – konkret olaraq,
hansı işlərin görülməsi və hansı müştərilərin hədəfə alınması
barədə qərarların qəbul edilməsini nəzərdə tutur. Onun tərkibinə
həmçinin  görülməməli  olan işlərin  müəyyən  edilməsi,  o
cümlədən, olduqca güclü rəqabət mühiti hökm sürdüyü üçün
hansı bazar seqmentlərində rəqabət aparmamaq barədə qərar
qəbul edilməsi və əsas diqqətin rəqabət üstünlüyü nümayiş et-
dirdiyiniz sahələrə yönləndirilməsi daxildir. 
Doğru müştərilərin
seçilməsi
prosesi rəqiblər kontekstində həyata keçirilməlidir.
45
Rəqabət Üstünlüyü
Doğru müştərilərin seçilməsi
səhifə 36-ya baxın
‘
’
Башга бири иля
мцгайисядя
мцштярилярин
щансы
проблемляринин
щяллини даща
йахшы тямин
едя билярик?

---