640
Yenə həmin gün sufilərin qətli haqqında qəzavü-qədər kimi cərəyan edən fərman verildi. Səbəbi
odur ki, Diyarbəkr kürdlərindən [ibarət] bir camaat dəstə-dəstə Qəzvin şəhərinə gəlmişdilər və şəhər kənarın-
da məskən salmış, öz çoxluqları səbəbindən məğrur olmuşdular. Dinin pənahı olan şahın zamanında ziyansız
olduqları üçün onlara qarşı tədbir görülməmişdi. Bu gün o qaragün güruh bazar daruğasını vurdu. Xəbərçilər
cahan padşahına ərz etdilər:
- Onlar ayaqlarını itaət dairəsindən və boyunlarını tabeçilik boyunduruğundan çıxarmışlar və əyinlə-
rinə üsyan və tüğyan libası geymişlər. Onların qırılıb-biçilməsi qeyrət yönündə vacib olan məsələlərdən və
səltənət yolunda mühüm olan işlərdəndir.
Ona görə də qəzavü-qədər kimi cərəyan edən bir fərman verildi ki, Məhəmməd xan Təkəlünün oğlu
Müseyib xan və Mürtəzaqulu sultan Pornak qorxmaz dilavərlərdən [ibarət] bir dəstə ilə o murdar (“napak”)
qövmü dəf etməyə getsinlər. Yüksək şanlı əmirlərin mülazimləri onlara qılınc vurdular və yəmani qılınc (Yə-
mən qılıncı) baş səpələməyə başladı. Əcəl dəllalı kiçiyi və böyüyü, cavanı və qocanı bir nırxa satırdı. Qəzəb
alovunda varlı və yoxsul təfavütsüz yanırdı. O bədbəxt güruhdan təqribən beş yüz nəfər qətlə yetirildi. Qazi-
lər [onların] bir dəstəsini dustaq edib islamın pənahı olan dərgaha gətirdilər. Aləmin pənahı olan şahın qəzəb
surəti təskinlik tapdıqdan sonra onların qalanlarına rəhm edib hökm verdi ki, daha heç kəs onlara dəyib-do-
laşmasın.
O zaman möhürdarlıq mənsəbi bəyənilən xüsusiyyətləri və gözəl çalışqanlığı qaranlıqda ay kimi və
gündüz çağı günəş kimi görünən, kübarlığa və ad-sana malik olan Şamxal sultana həvalə edildi. Seşənbə gü-
nü, zilhiccə ayının 15-də (05.03.1577) Şəbankərə
2677
hakimi Şahəli xəlifə Zülqədər Qəzvinə gəldi. Ertəsi gün
Kuhi-Giluyə valisi Xəlil xan Əfşar ali dərəcəli şaha itaət halqasını qulağına taxıb, niyaz üzünü uğurun məs-
kən saldığı astanaya çevirərək Çehelsütun eyvanında büsatı öpmək şərəfinə nail oldu və başını bəndəlik xətti
daxilinə, qədəmini tabeçilik dairəsi içinə qoyub təqribən iki min tümən nağd [pul] və cins [mal] peşkəş etdi.
Hər gün bir dəstə [gəlib] səadətli çətirin kölgəsinə sığınırdı və hər zaman bir çox adam ali astanaya üz tutub
gəlirdi.
Ölümlər
Şah Təhmasib ibn Şah İsmayıl ibn Sultan Heydər ibn Şeyx Cüneyd ibn Şeyx İbrahim ibn Sultan Xo-
ca Əli ibn Şeyx Sədrəddin Musa ibn Sultan Şeyx Səfi ibn Seyid Cəbrayıl ibn Şeyx Saleh
ibn Şeyx Qütbəddin
ibn Şeyx Səlahəddin Rəşid ibn Məhəmməd əl-Hafiz ibn Əvəz əl-Xəvas ibn Firuzşah ibn Seyid Şərəfşah ibn
Seyid Məhəmməd ibn Həsən ibn Seyid Məhəmməd ibn Seyid İbrahim ibn Seyid Cəfər ibn Seyid Məhəmməd
ibn Seyid İsmayıl ibn Seyid Əhməd ibn Seyid Məhəmməd Ərabi ibn Seyid Əbu-Məhəmməd Qasım ibn
Əbülqasım [Həmzə ibn İmam Musa əl-Kazım] bu il əbədiyyət aləminə yollandı
2678
. Necə ki, [yuxarıda] zikr
2677
Şəbankərə – İranın Fars vilayətinin bir bölgəsi olub Şirazdan şərqdə yerləşir. Niriz şəhəri Şəbankərə bölgəsinə daxildir
(Seddon, şərhlər, s.294).
2678
Ç.N.Seddon nəşrində bu şəcərənin yerinə nəzmlə başqa bir şəcərə verilmişdir. Həmin şəcərənin Firuzşahdan İmam Musa əl-
Kazıma qədərki hissəsində fərqlər nəzərə çarpır:
“Aləmin pənahı olan Şah İsmayıl, Əzəmət və şan-şöhrət sahibi.
Atası Şah Heydər ibn Cüneyd, İlahi dərgahın qütbü idi şübhəsiz.
Onun atası Şah İbrahimdir, Vüsal Kəbəsinin qapısında sakin.
Onun da atası Şah Əli idi, Aydın günəş kimi bir könül aynası vardı.
Sonra zamanın şahı Sədrəddin, Şəriət taxtının imamı və qoruyucusu.
Onun atası saf nəfəsli Səfi, Ürəyi qeyb sirrinə məhrəm idi.
Onun atası Şah Cəbrayıl Əmin, Babası isə dövrün qütbü Qütbəddin.
Saleh ibn Məhəmməd ibn Əvəz, Bir də əvəzi olmayan Şah Firuz.
Sonra Mehdi ibn Əli Həsən, Ardınca zamanın övliyası Əbülqasım.
Sabit ibn Hüseyn ibn Əhməd, Sonra Davud ibn Əli gəlir.
Musayi-Sani ibn İbrahim, Təmiz qəlbli könül Turunun sahibi.
Onun atası din imamı Kazim, Şəriətin şərəfi onunla yüksəldi.
Onun atasıdır Cəfər əs-Sadiq, Sübh onun günəşinin nurundan ucalır (doğur).
Onun atası Məhəmməd Bağır, Allahın elm xəzinəsinin fəxri.
Onun atası pak soylu imam, Əli ibn Hüseyn Zeynalibad.
Bu həmin Hüseyn ki, atası Əli, Həmin Əli ki, Allahın vəlisi.
Mustafanın varisi və Zəhranın əri, Peyğəmbərin həqiqi canişini.
Allahın aslanı və səf yaran qəhrəman, Şahi-Mərdan Əli ibn Əbu-Talib.
641
olunmuşdur. Onun məmləkəti [ibarət idi]: Azərbaycan, Şirvanla Şəki, Arran, İraqi-Əcəm, Fars, Kirman, Xo-
rasan, Gilandan Biye-Pəs.
O həzrətin gəncliyinin əvvəlində xətt yazmağa və naqqaşlığa böyük həvəsi vardı. Ondan başqa, Misir
eşşəklərinə minirdi və eyni zamanda nizə oynatmaqla məşğul olurdu. Ona görə də eşşəkləri qızıl yəhərlər və
zərbafta yüyənlərlə bəzəyirdi. O səbəbdən Buqüleşq bu beyti demişdir:
“Nə gözəl tərəqqi etdilər bi-şəkk,
Katib, naqqaş, qəzvinli, bir də eşşək”
2679
.
Kamillik əyyamında isə səhərdən axşama kimi dəftəri qarşısına qoyub mülk (dövlət) işləri ilə məşğul
olurdu və işlərin xırdalıqlarının hamısına şəxsən özü nəzarət edirdi. Belə ki, vəkillər və vəzirlər o həzrətdən
izinsiz kimsəyə bir fəls (xırda mis pul)
2680
belə verə bilməzdilər.
O həzrətin qaydası belə idi ki, bir gün dırnağını tutardı, digər bir gün isə səhərdən axşamacan ha-
mamda olardı. Əksər əşyanı nəcis bilrədi, özünün yarımçıq yeməyini suya və oda atardı, məclislərdə yemək
yeməzdi və şərab içməmək qaydasına böyük bir ifratla riayət edərdi. Təqribən beş yüz tümənlik saf tiryəki
suda məhv etdirmişdi, cəmi ləzzətləri tərk etmişdi və təxminən iyirmi il [ata] minməmişdi. Əsərlərindən (qu-
ruculuq işlərindən): Tehrandakı qala divarı; İmam Rzanın müqəddəs Məşhədinin qala divarı; Qəzvin şəhərin-
də yerləşən dövlətxana; həmçinin bu şəhərdə əla hamamlar
2681
tikdirmişdir; Təbriz şəhərində yerləşən bir
məscid; Zəncanla Sultaniyyə arasında bir ribat bina etmişdir. Onun görkəmi uca boylu, uzunsov üzlü, əlləri
uzun, çöhrəsi sarı və saqqalı tamam ağ idi. O həzrətin əyyamında rəiyyətin rifahı nəhayət dərəcəsinə çatmış-
dı. O həzrət əksər zamanlarda ölkəyə daruğa göndərməzdi. Ona görə də hər gün avam camaat
2682
arasında da-
va-dalaş olurdu. Qızılbaş qoşunu ona o qədər etiqad bəsləyirdi ki, on dörd il onlara məvacib verməsə də, heç
kəs şikayət etmirdi və cidd-cəhdlə xidmət göstərirdilər. Onun əvəzini aləmin adil padşahı, zamanın İsgəndə-
ri, dövranın Hatəmi, müdriklərin sultanı və alimlərin bürhanı,
Beytlər
“Elm və əməldə zəmanənin öndəri,
Hikmət fənləri sərvərlərinin başçısı.
Müşkülləri hikmət ilə çözən,
Səmavi elmlərdə dəqiq nəzər sahibi olan”,
ali məqamlı şah Sultan Məhəmməd Xudabəndə çıxaraq ordunun on dörd illik məvacibini birdəfəyə ödədi.
Belə ki, məchul bir adam xəzinədən iki yüz tümən, üç yüz tümən [alıb] öz mənzilinə apardı.
O həzrət (Şah Təhmasib) səltənəti əyyamında iki döyüş etmişdir: birinci döyüş ustaclu əmirləri ilə
Səksəncəkdə
2683
, ikinci döyüş Übeyd xan və b. özbək sultanları ilə Cam çayında.
Oğlan övladları:
Birincisi: Aləmin və aləm sakinlərinin padşahı Sultan Məhəmməd Xudabəndə.
İkincisi: [II] Şah İsmayıl cənabları.
Üçüncüsü: Sultan Murad mirzədir ki, dinin pənahı olan şah onu Hümayun padşahla birgə Qəndəhara
göndərmişdi və həmin şəhərdə kiçik yaşlarında dünyadan köçdü.
Dördüncüsü: Sultan Süleyman mirzədir ki, dinin pənahı olan şah onu İmam Rzanın müqəddəs Məş-
hədinə mütəvəlli
2684
[təyin] etmişdi.
Bu il Qəzvin şəhərində o, [II] Şah İsmayılın fərmanı ilə qətlə yetirildi.
Beşincisi: Sultan Heydər mirzə. Şahın vəkili Məsum bəy Səfəvi dinin pənahı olan şah tərəfindən
onun lələsi [təyin] edilmişdi. Dinin pənahı olan şahın ölümündən sonra səltənət iddiası edib o qovğada öldü-
rüldü. Necə ki, [yuxarıda] zikr edilmişdir.
Altıncısı: Sultan Mustafa mirzə. O da bu il [II] Şah İsmayılın fərmanı ilə öldürüldü.
Dinin pənahı olan şahın nəsəbi budur, Şahı yaxşı tanıyıb bil ki, şah budur!”
2679
Buqüleşq XVI əsr şairlərindəndir. Bu beytdə Şah Təhmasibin xəttatlığa və naqqaşlığa olan həvəsinə, katib və naqqaşları hi-
mayə etməsinə, asudə vaxtlarında eşşək minməyi xoşlamasına və qəzvinli vəzir Qazı Cahanı yüksəltməsinə işarə edilmişdir (bax:
О.А.Эфендиев. Азербайджанское государство Сефевидов, с.115-116).
2680
Nuruosmaniyyə nüsxəsi: “yarım dinar”.
2681
London nüsxəsi: “əla hamamlar və çarşı”.
2682
Baroda nəşri: “Azərbaycan rəiyyəti”.
2683
Nuruosmaniyyə nüsxəsi: “Səksəkcük”.
2684
Baroda nəşri: “İmam Rza həzrətlərinə xadimbaşı”.