Burada yerli sakinlərlə əcnəbilərin təhsil haqqının məbləğində böyük fərq
vardır. Bəzi hallarda bu bu fərq 8-10 dəfəyə çatır. İnkişaf etmiş ölkələrdə təhsil
sistemində öz vətəndaşlarının güzəştlə təhsil almaları nəzərdə tutulur və bu,
dolayı yolla əcnəbilər tərəfindən subsidiyalaşdırılır. Bunun nəticəsində son bir
neçə onillik ərzində təhsil sahəsində beynəlxalq münasibətləri qlobal dünyanın
əqli və maliyyə resurslarının yenidən bölgüsünün səciyyəvi kanalına çevirən
«akademik kapitalizm» yaranmışdır. Dünya iqtisadiyyatında TMK və TMB-nin
fəaliyyətinə analoji olaraq, təhsil sistemində transmilli tipli institusional
subyektlər - təhsil xidmətlərinin ümumdünya provayderhri əmələ gəlmişdir.
Amma bu provayderlər şəbəkəsi son dərəcə qeyri-bərabər bölünmüşdür. Hazırda
onlarla ölkənin tədris müəssisəsi əcnəbilərə təhsil xidməti göstərir və bunlardan
30-dan çoxu hər il gənclərin kifayət qədər böyük (10 mindən çox) kontingentini
qəbul edir. Transsərhəd təhsil miqrasiyasının ən iri axınları Qərb ölkələri
vasitəsilə baş verir. Ənənəvi olaraq, burada əsas rolu ABŞ, Böyük Britaniya,
Almaniya və Fransa oynayır. Bu ölkələr ali təhsil alan əcnəbilərin sayma görə
dünyada ilk 4 yeri tutur və xaricdə təhsil alan tələbə kontingentinin yarısından
çoxu onların payına düşür. Beşinci yerdə Avstraliyadır və ondan sonra böyük,
demək olar ki, iki dəfə geriliklə Yaponiya gəlir.
Cənub-Şərqi Asiyanın sürətlə inkişaf edən ölkələri də təhsilin səviyyəsini
yüksəltməyə səy göstərir və bura böyük məbləğdə maliyyə resursları yönəldir.
Çinin müvəffəqiyyətləri xüsusilə nəzərəçarpandır. Amma ümumilikdə regionun
payına xaricə gedən tələbələrin təxminən 15%-i düşür. Regiondakı miqrasiya bu
ölkələr arasında baş verir, ancaq əksər hallarda onlar Avstraliyaya və ya Qərbə
yollanırlar. Bununla yanaşı, avstraliyahlar istisna olmaqla, qərbli tələbələr yapon
universitetlərinə düşməyə o qədər də meyilli deyillər. Çin xaricdə təhsil alanların
10%-ni, Yaponiya isə cəmi 5%-ni cəlb edə bilir. Dünya təhsil bazarının qlobal
miqyasda əhatə olunmasına məhdud sayda lider ölkə: ABŞ, Böyük Britaniya,
Fransa, Almaniya və Kanada nail ola bilmişdir. Rusiya isə bu sahədə öz
mövqelərini 1990-cı illərdə itirmişdir.
Hazırda XXI əsrin birinci onilliyinin sonunda xaricdə təhsil alan
tələbələrin ümumi sayı 1980-1990-cı illərlə müqayisədə təqribən 2,3 dəfə
çoxalmışdır. Aparıcı xarici ölkələrin hamısı qəbul etdikləri əcnəbi tələbələrin
sayını xeyli artırmışdır. Göstərilən dövrdə onların sayı 400 min nəfərdən 600 min
nəfərə, Fransada 135 min nəfərdən 250 min nəfərədək çoxalmışdır. Çində
nisbətən qısa müddətdə (1998-ci ildən 2010-cu ilədək) əcnəbi tələbələrin sayı 5
dəfə artmışdır (1998-ci ildə -43 min nəfər, 2010-cu ildə - 210 min nəfər).
267
Rusiya isə 1980-ci illərdə SSRİ-nin göstəricilərini belə, azaltmışdır. İndi
Rusiyanın ali məktəblərində əcnəbi kontingentin böyük hissəsi 1992-ci ilədək öz
vətəndaşları hesab olunan, postsovet respublikalarından gələn «yeni
əcnəbilərdən» ibarətdir. Rusiyanın tələbə kontingentinin ümumi sayında
əcnəbilərin faizi (1%) başqa ölkələrdə olduğundan xeyli aşağıdır: halbuki bu
göstərici ABŞ və Yaponiyada 2,5-3,5%, Böyük Britaniya, Almaniya, Avstriya və
Fransada 11-13,5%, Avstraliyada, Yeni Zelandiyada, Sinqapurda 15-18,5%- dir.
Əcnəbi tələbələrin böyük kontingenti (1000 nəfərdən çox) olan ali məktəblərin
sayı Rusiyada 15-dən artıq deyil (ABŞ-da həmin göstərici 150-ni aşır). Bundan
savayı, Qazaxıstan istisna olunmaqla, Rusiyanın heç bir iri tərəfdaşı üçün onun
xidmətləri prioritet hesab edilmir. Rusiyada əcnəbi tələbələrin ən böyük qrupu
çinlilərdən ibarətdir: 2008/2009-cu tədris ilində ölkənin ali məktəblərində onların
sayı 14 min nəfərdən artıq olmuşdur. Həmin dövrdə ABŞ-da 68 mindən artıq,
Yaponiyada 82,5 min. Böyük Britaniyada 50 min, Almaniyada 28 mindən çox,
Avstraliyada 38 min çinli təhsil alırdı. Rusiyanın ali məktəblərində 46 min,
ABŞ-da isə 85 mindən artıq tələbə təhsil alırdı. Ukraynanın Almaniyaya
göndərdiyi tələbə, aspirant və təcrübəçilərin sayı Rusiyaya göndəriləndən 2 dəfə
çoxdur.
Bu vəziyyət əsasən Rusiya təhsilinin maddi bazası ilə əlaqədardır. Cari
onilliyin əvvəlində Rusiyada ali təhsilin maliyyələşdirilməsinin səviyyəsi bir
tələbə hesabı ilə dünya liderlərindən xeyli geridə qalırdı: ABŞ-dan təqribən 20
dəfə, Almaniyadan, Böyük Britaniyadan, Belçikadan, Danimarkadan - 10 dəfə,
təhsil xidmətləri sahəsində o qədər də öncül yer tutmayan Portuqaliya və
Türkiyədən - 2 dəfə. Bu fərq öz real təzahürünü köhnə, xarab olmuş avadanlıqda,
beynəlxalq rahatlıq standartlarına cavab verməyən, bir çox hallarda hətta
təhlükəsizlik meyarlarının tələblərini ödəməyən yataqxanalarda, çoxdan təmir
olunmayan auditoriyalarda tapır.
Təhsil müəssisəsinin qazandığı şöhrət, yerləşdiyi ölkənin nüfuzu, habelə
onun informasiya və ad-san çıxarma siyasəti böyük əhəmiyyət kəsb edir.
Məlumdur ki, Britaniyanın aparıcı ali təhsil məktəblərinin çoxu ABŞ-da
yerləşənlərlə müqayisədə sadədir, onlarda tələbəyə çəkilən illik xərclərin məbləği
təqribən 2 dəfə aşağıdır. Buna baxmayaraq, Oksford, Kembric, London
İqtisadiyyat məktəbinin dünyanın müxtəlif ölkələrindən cəlb etdiyi tələbələrin
sayı Harvard, Yeli, Prinston, Stenford, Kolumbiya universiteti və başqalarından
az deyil. Əsas vəzifə ölkədə ali təhsilin Qərbin ali təhsil müəssisələri ilə rəqabət
apara biləcək ixrac potensialını fonnalaşdırmaqdan
268