75
sonrakı soylamada daha ətraflı və qabarıq formada nəzərə çarpdırılmıĢ-
dır. Ana ona görə gözəldir ki, “halal, müqəddəs” (“ağ” sözü həm müstə-
qim, həm də məcazi mənada anlaĢılmalıdır) südünü əmizdirməklə övlad
böyüdür. Bu yanaĢmada atanın da məhz ailənin formalaĢmasında daĢıdığı
vəzifəyə görə qiymətləndirilməsi üzərində dayanmaq lazım gəlir. Abidə-
nin müqəddiməsində verilmiĢ öncəki iki soylamada bu fikri qüvvətləndi-
rən iki məqamı xatırltmaq kifayətdir:
Ata adını yorıtmayan
xoyrad oğul
ata belindən enincə enməsə, yeg!
Ana rəhminə düĢüncə toğmasa, yeg!
Ata adın yorıdanda dövlətlü oğul yeg! (D-4, 9-11).
Oğul kimdən olduğın ana bilür. (D-5, 5).
Göründüyü kimi, birinci Qorqud deyimində pis, fərsiz övladın ata be-
lindən enincə enməməsi, yəni ana bətninə düĢməməsi, düĢüncə doğulma-
ması fikri ümumiləĢdirilirsə, ikinci deyimdə oğulun kimdən olmasını, yəni
kimin toxumundan törəməsini ananın bildiyi hökmü önə çəkilir. Müxtəlif
məqsədlərlə söylənilsə də, hər iki deyimdə atanın nəsil artımındakı yaradıcı
rolu qabardılmıĢdır. Bizcə, üzərində dayandığımız deyimdə də məhz onun
bu törədici funksiyası öz ifadəsini tapmıĢdır. Belə bir fikrə gəlməyimizə
həm deyimin oxunuĢu, həm də açar sözlər kimi baxıĢ bucağına gətirdiyimiz
“dölüm” və “ağar(maq)” sözlərinin məna çalarları imkan verir.
Təhlil göstərir ki, “döl” (nəsil) sözü ilə ilə eyni mənĢəli olan “dö-
lüm” sözü “nəsil artımı” anlamını bildirir. Bu məna ġ.Ġ.Xətayidən gətiri-
lən aĢağıdakı beytdə də yaĢamaqdadır:
Bir-birini qovur geyiklər,
Bala dölümün qılır peyiklər. (54, IIc, 66).
Göstərilən deyimdə də “dölüm” sözü məhz “nəsil artırmaq imkanı
verən toxum” anlamında iĢlənmiĢdir. S.Əlizadə sözlüyündə bu məna ça-
ları qeydə alınsa da (“döl (cinsiyyət) yeri”) (61, 197), təəssüf ki, çevir-
mədə əsası olmayan “sinə” mənasına üstünlük verilmiĢdir ki, bu da, gö-
rünür, “ağar(maq)” sözünün çağdaĢ anlamda qavranılmasından irəli gəlir.
Abidənin dili və tarixi dil faktları isə bu feilin fərqli mənada iĢlən-
diyini üzə çıxarır. Əgər müasir dilimizdə iĢlənən “ağar(maq)” feili “ağ”
sifətindən törəmiĢsə, bu arxaik forma “qalxmaq, ucalmaq, yüksəlmək”
mənalarında iĢlənən “ağ(maq)” feilindən (35, 18; 99, 16; 152, Ic, 1h,
146; 154, 68) -ar Ģəkilçisi ilə düzəlmiĢ təsirli feildir (müqayisə et: