__________________________________________________
45
170. Həsən bəy Ağayev, Həsən bəy Məşədi Hüseyn oğlu
Ağayev (1875-1920)- görkəmli ictimai-siyasi xadim. Azərbaycan
Xalq Cümhuriyyətinin banilərindən və rəhbərlərindən biri. 1901-
ci ildə Moskva Universitetinin Tibb fakültəsini bitirdikdən sonra
Gəncədə həkimlik fəaliyyəti ilə yanaşı, qəzet və jurnallarda
məqalələr dərc etdirir. 1914-cü ilin sonlarında Xudadat bəy
Rəfibəyli ilə birlikdə Gəncədə ilk Səhiyyə cəmiyyəti yaratmışdır.
1917-ci ilin sentyabrında “Müsavat”ın 1-ci qurultayında
partiyanın MK-nın üzvü seçilmişdir. Azərbaycan Milli Şurasının
1918-ci il mayın 28-də H.B.Ağayevin sədrliyi ilə keçən iclasında
Azərbaycanın müstəqilliyi haqqında “İstiqlal” bəyannaməsini ilk
olaraq H.B.Ağayev imzalamışdır. C.2-5;
171. Həsən Əliyev, Həsən Əlirza oğlu (1907-1993)-
torpaqşünas, ümumi əkinçilik və təbiəti mühafizə sahəsində alim,
ictimai-siyasi xadim. Elmlər doktoru, professor. Azərbaycan Milli
EA-nın akademiki, Azərbaycan Dövlət mükafatı laureatı. Ayrı-
ayrı illərdə Azərbaycan Milli EA-nın Botanika İnstitutunun
direktoru, Azərbaycan Kənd Təsərrüfatı nazirinin birinci müavini
və Azərbaycan KP MK-nın katibi, Azərbaycan Milli EA-nın
Coğrafiya İnstitutunun direktoru vəzifələrində çalışmışdır.
Azərbaycan SSR Ali Sovetinin deputatı olmuşdur. C.1-13, 74;
172. Həsən Hacınski, Məmmədhəsən Cəfərqulu oğlu
Hacınski (1875-1931)- Azərbaycanın siyasi və dövlət xadimi,
mühəndis. Peterburq Texnoloji İnstitutunu (1902) bitirmişdir.
“Hümmət” Partiyasının yaradıcılarından biri. 1911-ci ildən
“Müsavat” Partiyasının üzvü olmuşdur. Azərbaycan Xalq
Cümhuriyyəti hökumətində Xarici İşlər, Daxili Ticarət, Sənaye və
Ərzaq naziri olmuşdur. Tiflisdə qətlə yetirilmişdir. C.1-154-156;
C.2-5;
173. Həsən Həsənov, Həsən Əziz oğlu Həsənov (1940)-
Azərbaycanın tanınmış ictimai və siyasi xadimi, diplomat. Ayrı-
ayrı illərdə Nazirlər Sovetinin sədri, BMT-də Azərbaycan
Respublikasının daimi nümayəndəsi və Xarici İşlər naziri
olmuşdur. Hazırda Macarıstanda Azərbaycan Respublikasının
fövqəladə və səlahiyyətli səfiridir. Birinci çağırış Azərbaycan
__________________________________________________
46
Respublikası Milli Məclisinin deputatı olmuşdur. C.1-406; C.2-
15, 66, 72, 462; C.3-234, 382, 383, 399; C.7-167-171; C.8-337;
174. Həsən Seyidbəyli, Həsən Mehdi oğlu Seyidbəyli (1920-
1980)- Azərbaycan dramaturqu, rejissor, yazıçı. Azərbaycanın
Xalq artisti. Azərbaycan Kinematoqrafçılar İttifaqı İdarə
Heyətinin sədri olmuşdur. Onun filmlərində mühüm ictimai, sosial
və mənəvi problemlərə toxunulur. Azərbaycan şairi Nəsimiyə həsr
olunmuş filmi ən yaxşı tarixi filmlərdən biridir. C.5-188; C.7-447;
175. “Həsrət”, “Ümid” körpüsü- 1992-ci ildə H.Əliyevin
təşəbbüsü ilə əsası qoyulmuşdur. Bu körpü Naxçıvanla Türkiyə
arasında açılıb. C.5-172; C.6-464-466;
176. Həzi Aslanov, Həzi Əhəd oğlu Aslanov (1910-1945)-
tank qoşunları qvardiya general-mayoru, iki dəfə Sovet İttifaqı
Qəhrəmanı. Böyük Vətən müharibəsinin ilk günlərində döyüşlərdə
iştirak edən H.Aslanov Stalinqrad vuruşmasında, 55-ci əlahiddə
tank polku feldmarşal Manşteynin tank ordusunun darmadağın
edilməsində xüsusi məharət göstərmişdir. 1994-cü ildə Aslanovun
35-ci qvardiya tank briqadası Belarusiyanı, Pribaltika
respublikalarını azad etmək uğrundakı vuruşmalarda xüsusilə
fərqlənmişdi. H.Aslanov Mitava şəhəri yaxınlığındakı vuruşmada
qəhrəmancasına həlak olmuşdur. C.1-563-565; C.3-313, 317; C.5-
315; C.6-258, 260, 263, 271; C.7-141; C.8-390; C.9-423-425;
177. Hikmət Çətin (1937)- Türkiyənin siyasi və dövlət
xadimi. Ayrı-ayrı illərdə Türkiyə Respublikasının Xarici İşlər
naziri, Baş nazirin müavini vəzifələrində çalışmışdır. 1997-1999-
cu illərdə Türkiyə Böyük Millət Məclisinin sədri olmuşdur. C.2-
19, 20, 88; C.6-465;
178. Homer- əfsanəvi qədim yunan şairi. Şəxsiyyəti haqqında
məlumat azdır. “İliada” və “Odisseya” poemalarının müəllifi kimi
tanınmışdır. C.1-175;
179. Höte, İohann Volfranq (1749-1832)- böyük alman şairi,
mütəfəkkir və təbiətşünas. Almaniyada maarifçilik dövrü
ədəbiyyatının ən böyük nümayəndələrindən, yeni dövr alman
ədəbiyyatının banilərindəndir. Höte yaradıcılığının şah əsəri olan
“Faust” faciəsində Avropada maarifçilik ideyalarının inkişafına
yekun vurulmuşdur. C.1-155, 160; C.7-34, 65;
__________________________________________________
47
180. Hüseyn Cavid, Hüseyn Abdulla oğlu Rəsizadə (1882-
1941)- böyük Azərbaycan şairi, dramaturq. Hüseyn Cavid
Azərbaycan mütərrəqi romantizminin banilərindən biri olmuşdur.
O, lirik şeirlərin, lirik-epik, epik poemaların müəllifidir.
Hüseyn Cavid daha çox dramaturq kimi tanınmışdır. Onun
fəlsəfi və tarixi faciələri forma yeniliyi baxımından Azərbaycan
dramaturgiyasında yeni bir mərhələ yaratmış, milli teatr
mədəniyyətinin inkişafına qüvvətli təsir göstərmişdir.
Azərbaycanın ən dəyərli milli ziyalı nümayəndələrini məhv edən
sovet totalitar rejiminin repressiya qurbanlarındandır. C.1-159,
160, 175, 380; C.2-7; C.4-5-13; C.6-309; C.7-468-470, 472, 473,
475, 476, 502; C.8-339;
181. Hüseyn xan Kəlbalı xan oğlu Naxçıvanski (1863-
1919)- hərbi xadim. Kəlbalı xan Naxçıvanskinin oğlu, Ehsan xan
Kəngərlinin nəvəsidir. Qafqazda və Rusiyanın müxtəlif
şəhərlərində hərbi xidmətdə olan Kəlbalıya polkovnik rütbəsi
verilmişdir. Birinci dünya müharibəsi cəbhəsində qazandığı
qələbələrə və sərkərdəlik məharətinə görə 1916-cı ildə Hüseyn
xana tam süvari qoşunu generalı rütbəsi verilmişdir. “Müqəddəs
Georgi” ordeninin dörd dərəcəsi ilə, ikinci dərəcəli “Müqəddəs
Aleksandr”, “Müqəddəs Vladimir” və bir çox başqa ölkələrin
yüksək dərəcəli ordenləri ilə təltif olunmuşdur. Qəbri Sankt-
Peterburqdakı Aleksandr Nevski monastırının qəbristanlığındadır.
C.3-315;
182. Hüseyn Rəsulbəyov, Hüseyn Cümşüd oğlu Rəsulbəyov
(1917-1984)- hərbi xadim, artilleriya general-leytenantı. Böyük
Vətən müharibəsi zamanı Odessa, Kerç, Sevastopol və Şimali
Qafqazın müdafiəsində iştirak etmişdir. Müharibədən sonra Bakı
Hava Hücumundan Müdafiə dairəsi qoşunlarında məsul hərbi
vəzifələrdə xidmətdə olmuşdur. Azərbaycan Ali Sovetinin
deputatı olmuşdur. C.7-74;
183. Hüseynbala Əliyev, Hüseynbala Əli oğlu Əliyev (1918-
1941)- Böyük Vətən müharibəsi qəhrəmanı, qırıcı-təyyarəçi
leytenant. Yeysk Hərbi Dəniz Təyyarəçilik məktəbini bitirmişdir.
Müharibə başlayarkən Baltik Donanmasının hərbi hava
qüvvələrində xidmət etmişdir. O, döyüş uçuşu zamanı düşmənin 3
Dostları ilə paylaş: |