II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
940
27-28 April 2018, Baku, Azerbaijan
AZƏRBAYCAN DİLİ
NAXÇIVAN DİALEKTİNDƏ İŞLƏNƏN FARS MƏNŞƏLİ SÖZLƏR
Aynurə MƏMMƏDOVA
AMEA M.Füzuli adına
Əlyazmalar İnstitutu
ayka301@mail.ru
AZƏRBAYCAN
XÜLASƏ
Azərbaycan xalqı ta qədimdən qonşu xalqlarla daim ünsiyyətdə olmuş, məhz buna görə də Azərbaycan dilinin lüğət tərkibində
türk mənşəli sözlərlə yanaşı fars və ərəb mənşəli sözlərin də mövcud olması tamamilə qanunauyğundur.
Məqalədə Azərbaycan dilinin Naxçıvan dialektinin lüğət tərkibi, buraya fars dilindən keçən sözlər tədqiq olunmuş və
göstərilmişdir ki, bu sözlər dildə vətəndaşlıq hüququ qazanmayaraq, yalnız şivələrdə mövcuddur və həmin şivənin qayda-
qanunlarına uyğunlaşdırılaraq təhrif olunmuş şəkildə işlədilir.
Açar sözlər: Naxçıvan, dialekr sözlər, fars mənşəli sözlər, lüğət fondu, arxaizmlər.
РЕЗЮМЕ
С давних времен у азербайджанского народа всегда были отношения с соседними странами, поэтому, помимо
турецких слов, существование слов персидского и арабского происхождения в азербайджанском словаре является вполне
естественным процессом.
Словарная структура нахчыванского диалекта азербайджанского языка, слова, перешедшие в него из персидского
языка, исследованы в статье, и показано, что эти слова не были включены в лексическую структуру языка; они
используются только в диалектах в искаженной форме, что соответствует закономерностям данного диалекта.
Ключевое слово: Нахчыван, диалектология, слова персидского происхождения, словарный фонд, архаизмы.
SUMMARY
WORDS OF PERSIAN ORIGIN USED IN THE DIALECT OF NAKHCHIVAN
Since old times, the Azerbaijani people have always had relations with neighboring countries, that’s why, besides the Turkish
words, the existence of the words of Persian and Arabic origin in the Azerbaijani vocabulary is a quite natural process.
The dictionary structure of the Nakhchivan dialect of the Azerbaijan language, the words which have passed into it from
Persian investigated in the paper, and it is shown that these words haven’t been included into lexical structure of language; they are
used only in dialects in distorted form, corresponding to the regularities of the given dialect.
Keyword: Nakhchivan, dialectology , the words of persian origin, dictionary fund, archaisms.
Cəmiyyətdən kənar heç bir dil olmadığı kimi, dilsiz də cəmiyyət yoxdur. Hər bir xalqın dili
özünəməxsus inkişaf və formal əlamətlərə malik olur. Bu baxımdan da müəyyən bir xalqın dilini,
həmin xalqın inkişaf tarixi ilə əlaqədar öyrənmək, tədqiq etmək zəruridir.
Dilimiz türk sistemli dillər ailəsinə mənsub olsa da, başqa dillərdən çoxlu miqdarda sözlər
keçmişdir ki, bu dillərdən biri fars dilidir. Lakin bəzi fars sözərinin demək olar ki, əksəriyyəti dialekt
və şivələrin lüğət tərkibi ilə məhdudlaşmış, ədəbi dilimizin lüğət tərkibinə daxil olmamışdır.
Bildiyimiz kimi ilk dialektoloji lüğət 1958-ci ildə AMEA-nın keçmiş Nizami adına Ədəbiyyat və
Dil İnstitutunun Azərbaycan dialektologiyası şöbəsi tərəfindən bir cildlik Azərbaycan dilinin
dialektoloji lüğəti hazırlanmışdır. Bu iş 1964–cü ildə Rəsul Rüstəmov və Məmmədağa Şirəliyevin
redaktorluğu ilə nəşr olunmuşdur. Lakin lüğət dialekt və şivələrimizdəki bütün sözləri əhatə edə
bilməmişdir. Burada Azərbaycan dilinin dialekt və şivələri dörd qrupa bölünmüşdür: 1)Şərq qrupu
(Bakı, Quba, Şamaxı dialektləri və Lənkəran və Muğan şivələri), 2) Qərb qrupu (Gəncə, Qazax,
Qarabağ dialektləri və Ayrım şivəsi 3) Şimal qrupu (Şəki dialekti, Zaqatala-Qax şivəsi 4) Cənub qrupu
(Naxçıvan və Ordubad dialektləri). (1,310)
Elbrus Əzizov isə əsas dialektləri fiziki-coğrafi amil çərçivəsində üç başlıca regionda- Naxçıvan
daxil olmaqla Arazın sol sahili hissəsindən və Muğandan cənubda (cənub ləhcəsi), Kür və Araz çayları
arasındakı ərazinin qərb və cənub-qərb hissəsində (qərb ləhcəsi və ya orta ləhcə) və Kürdən şimala
olan ərazinin şimal-şərq hissəsində (şimal-şərq ləhcəsi) formalaşdığını göstərir. Cənub ləhcəsinə
Cənubi Azərbaycan, Naxçıvan və Lənkəran regionlarını, qərb ləhcəsinə (orta ləhcə) Qarabağ, Qazax-
Borçalı, Ayrım, şimal-şərq ləhcəsinə Şamaxı- Bakı, Quba, Dərbənd ərazilərini aid etmişdir. (2,289)
Naxçıvan qrupu dialekt və şivələri Azərbaycan Respublikasının Naxçıvan Muxtar
Respublikasının ərazisini əhatə etməklə Azərbaycan dili dialekt və şivələrinin cənub qrupunu özündə