II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1712
27-28 April 2018, Baku, Azerbaijan
güclü hökümdar Səfəviyyə təriqətini bölgədəki təsirinin fərqindəydi və təriqət şeyxlərini öz tərəfinə
çəkərək bu gücdən istifadə etməyə çalışırdı. Dövrün güclü hökmdarlarından bir çoxu isə Səfəvi şeyxləri ilə
üzun müddət mübarizə aparsa da, onların dövlət qurmaq yolunda ilərləməsinə mane ola bilmədilər.
Şeyxlərin başlamış olduqları bu uzun və çətin yolun sonunda Səfəvilər dövləti quruldu.
ƏDƏBIYYAT
1.
Aşik Paşazade. Osmanoğullarının tarihi. hazırlayan: Kemal Yavuz, Yekta Saraç.İstanbul: “MAS matbaacılık, 2003, 615 s.
2.
Ayasofya kütübhanesi.Mühimat belgeleri. BOA.XXVII.sıra nöm:957
3.
Ayhan Ürkündağ. Ahmet Dürri Efendinin İran Seyahetnamesi. Afyon, 2006. 140s.
4.
Faruk Sümer. Safevi devletinin kuruluşu və gelişiminde Anadolu türklerinin rolu.Ankara: “ Güven matbaası”, 1976, 265 s.
5.
Feridun M. Emecen. Osmanlı Devleti’nin Sark Meselesi’nin Ortaya Çıkısı ve ilk Münasebetler ve iç Yansımalar. Tarihten
Günümüze Türk-İran iliskileri Sempozyumu. Ankara, 2003. s 40-52.
6.
Gölpınarlı Abdulbaki. “Kızılbaş”. İslam Ansklopedisi,İstanbul, 1991, numara VI,sayfa 789.
7.
İsmail AKA. Anadolu’dan İran’a Göçler, Tarihten Günümüze Türk-İran İliskileri Sempozyumu.Ankara, 2003, s. 54-63
8.
Mustafa Ekinci, Anadolu Aleviliği’nin Tarihsel Arka Planı, İstanbul: Beyan yayınları, 2002 , 232 s.
9.
Müneccimbaşı Dede Derviş Ahmed. Sahaif- ül- Ahbar. cilt III. Türkceleşdiren: İsmayıl Erünsal. İstanbul, 1869, s 286.
10.
Oktay Əfəndiyev. Azərbaycan Səfəvilər dövləti. Bakı: “Azərnəşr”,1993, 299 s.
11.
Ömər Faruk Təbər. XVI yüzyılda Kızılbaçlık farklılaşması. Ankara, 2005, 210s.
12.
Salih Aliyev. "Erdebil". İslam Ansklopedisi,İstanbul, 1991, numara XI, s. 277.
13.
Tadhkirat al-Muluk. (Ed. Minorsky), London, 1943. repress, Cambridge, 1980.543 p.
14.
Walther Hinz. Uzun Hasan ve Şeyh Cüneyd. Çeviren Tevfik Bıyıklıoğlu. Ankara, Türk Tarih Kurumu Yayınları, 1992, 176 s.
FRANSA İKİNCİ DÜNYA MÜHARİBƏSİ ƏRƏFƏSİNDƏ
Şəfa ƏBDÜRRƏHIMOVA
Azərbaycan Dillər Universiteti
chafouniya85@yahoo.fr
1936-cı ilin əvvəllərində Fransa kapitalizm mərhələsini yaşayırdı. Totalitarizmin hökm sürdüyü İtaliya
və xüsusilə Almaniya qüvvələrini birləşdirərək Versal sistemini dağıtmağı və Avropada dominantlığı ələ
keçirməyi qərara almışdılar. İkinci dünya müharibəsinə aparıb çıxaracaq bu yeni təhlükələrlə üz-üzə qalan
Fransa çətin vəziyyətdə idi, belə ki, ölkədə ciddi iqtisadi problemlər, fikir ayrılıqları, rejimin böhranına yol
açan uzun sürən siyasi qeyri-stabillik hökm sürürdü.
Yanvarın 22-si radikalların artan təzyiqləri qarşısında Şuranın prezidenti Pier Laval nəticədə istefa
verir. Mətbuat qarşısında o, özünü hər şeydən razıymış göstərdi: “Düşünürəm ki, mən öz vəzifəmi yerinə
yetirdim. Bütün sahələrdə götürülmüş ölçülər öz bəhrəsini verməyə başlayır və iqtisadi fəaliyyətin
bərpasını göstərən əlamətlər artır.”
Bu, çox qəribə bir məmnuniyyət idi. Halbuki Lavalın həyata keçirdiyi deflyasiya siyasəti məmurların
narazı qalması və işçilərin əmək haqlarının 10% aşağı düşməsi ilə nəticələnmişdi. Bütün iqtisadi sahələr
uzun sürən böhranın qurbanına çevrilmişdi. Sənaye məhsullarının istehsalı 30%-dən çox aşağı düşmüş,
qiymətlər 20% yuxarı qalxmışdı ki, bu da əsasən tacirlər və fermerlərə öz təsirini göstərirdi. Beləliklə,
50 000 yardıma ehtiyacı olan işsiz var idi.
Ölkənin xarici siyasəti də bir o qədər yaxşı vəziyyətdə deyildi. Fransanın mövqeyi zəifləməkdə davam
edirdi. 1935-ci ilin yanvarında Saar plebisiti Hitler üçün böyük müvəffəqiyyətlə nəticələndi. Bu qələbədən
güclənən və tərk-silah konfransının uğursuzluğundan istifadə edən Fürer martın 16-sı Almaniyanın yenidən
silahlanmasını elan edə bildi. Belə ki, o, icbari hərbi xidməti bərpa etdi, 36 diviziyadan ibarət ordu təşkil
etdi və Luftvaffe döyüş aviasiyası yaratdı. Versal müqaviləsinin əsas zəmanətlərindən birinin ləğvi yalnız
Fransanın sözdə reaksiyasına və 11-14 aprel tarixlərində Böyük Britaniya və İtaliya ilə birlikdə Avstriyanın
müstəqilliyini qorumaq məqsədi daşıyan “Stresa konfransı”nda iştirakına sövq etdi.
Digər dövlətlər də uzun müddətli razılıqlara gəldilər. “Sabitliyin” xoş niyyətinə inanan London rəsmi
Parislə məsləhətləşmədən iyunun 18-i Berlinlə dəniz sazişi imzalamağa qərar verdi. Sazişə əsasən yeni
alman donanmasına Royal Navy-nin (Krallıq Donanması) tonajının üçdə birini əldə etməsinə icazə
verilirdi. “Stresa cəbhəsi”nə gəlincə isə o, payızdan etibarən ləğv olundu. Efiopiya hücumunun ardınca
“sanksiyalara” səs verilməsi Mussolininin qəzəblənməsinə səbəb oldu və onu qərb güc dövlətləri ilə
münasibətləri pozmasına sövq etdi.
II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1713
27-28 April 2018, Baku, Azerbaijan
Nəticədə 1935-ci ildə baş verənlər qaranlıq sonluğa doğru aparırdı. Fransa zəifləyir və getdikcə
proseslərdən təcrid olunurdu. Yeganə müsbət tərəf SSRİ ilə hərbi əhəmiyyətə malik müttəfiqliyin
yaradılması idi. Yeni yaradılmış kabinetə gəlincə, ona Albert Sarro rəhbərlik edirdi və o isə vəziyyətin
düzəldilməsi yönündə heç bir addım atmırdı. Bu, yalnız növbəti ilin yazı üçün ümumi seçkilərin
keçirilməsini gözləyən keçid hökuməti idi.
1936-cı ilin ilk ayları heç də yaxşı əlamətlərlə yadda qalmadı. Almaniya üçün mühasirə təhlükəsi
yaradan fransız-sovet paktının ratifikasiyasından ehtiyatlanan Hitler martın 7-si Reynin yenidən
hərbiləşdirilməsinə davam etmək qərarına gəldi.
Səhər əhalinin alqışlarla müşayiəti ilə Vermaxtın (Almaniya silahlı qüvvələri) əsas tərkib hissəsi
Reyni keçərək Koblans, Kolon və Mayansa, axşama isə fransız sərhədi yaxınlıqlarına gedib çıxırlar. Bir il
əvvəl Reyxin qərarı ilə yenidən silahlanma prosesinin ardınca bu hərbiləşdirmənin həyata keçirilməsi 1925-
ci il Lokarno sazişləri ilə təsdiqlənən Versal müqaviləsinin əsasını sarsıtdı. Fransa birbaşa hədəf
mərkəzində idi.
Albert Sarronun idarə etdiyi hökumətin hərəkətə keçməyi qərara alması görünürdü. Şuranın
przidentinin radioyayım vasitəsilə etdiyi bəyanat bunu sübut edirdi: “Biz Strazburqu alman toplarının atəşi
altında qalmağa qoymayacağıq.” Lakin Matinyonda keçirilən yığıncaq zamanı Hərbi nazir, general Morən,
Ordu və donanmanın baş qərargah rəisləri, general Qamlən və admiral Düran-Viel açıq-aydın reaksiya
bildirirdilər ki, ümumi səfərbərlik, ən azından bir çox zümrələrə çağırış edilməsə, Reynin sol sahilinin
işğalı, yaxud alman sahillərinin blokadası qaçınılmazdır və bu da real müharibəyə təhrik etməyə təhlükədir.
1928-ci ildə bir illik hərbi xidmətin qəbul edilməsi nəticəsində fəal ordunun azalması ilə bu sonuncu
tədbirin görülməsi Vermaxtın nizamlı birləşmələri ilə üz-üzə gələ bilmək üçün zəruri görünürdü. Vermaxt
hərbi sahədə təcrübəsi olan (hücum bölmələri, polis...) 2 milyon nəfərlə gücləndirilmişdi. Fransa hərbi
rəhbərlərinin ehtiyatlı davranmasının digər səbəbi o idi ki, hökumətin qətiyyətliliyindən şübhə edirdilər.
Əksinə, Londondakı kabinet gizlənirdi. İngiltərəyə görə Hitlerin zərbəsi təcavüz məqsədli deyil və onu
Britaniyaya doğru təşviq edə bilməz. Fransanın cavabı sonda Millətlər Cəmiyyəti qarşısında etirazla
məhdudlaşdı, o, tamamilə formal bir əqidə nümayiş etdirdi ki, bu da olanlarla razılaşmağa bərabər bir
mövqe idi. Fransa geri çəkilməsi ilə böyük imkanları əlindən qaçırdı. Fransanın sərgilədiyi xülyanın əksinə
olaraq Hitler fikrində ciddi idi. O, OKW – yəni Alman Silahlı Qüvvələrinin Ali komandanlığı ilə razılığa
gələrək müqavimət göstərməyə və Reyn xəndəkləri yaxınlığında döyüşə girməyə qərar verdi.
Fransa əsl müharibə ilə üz-üzə qalmışdı, lakin bu elə bir müharibə idi ki, onun qalib gəlməsi üçün
şansı çox idi, belə ki, həm silah-sursat, həm də ehtiyatda olan kadr baxımından üstünlük onun tərəfində idi.
Lakin Şotan hökuməti İngiltərənin həyata keçirdiyi “qarışmamaq və təcavüzkarları sakitləşdirmək”
siyasətini dəstəkləyirdi. Faşist dövlətləri tərəfindən həyata keçirilən təcavüzkarlıq siyasəti aktuallaşmışdı.
1936-cı ildə Berlin-Tokio oxu, 1937-ci ildə Berlin-Tokio-Roma üçbucağı yarandı. Şotan hökuməti
1935-ci ildə bağlanmış Sovet-Fransa müqaviləsinə əhəmiyyət vermədi. Bu hökumət çalışırdı ki, SSRİ
hesabına Hitlerlə müqavilə imzalasın və xarici işlər naziri Bonne belə müqavilənin tərəfdarı idi. Almaniya
tərəfindən Avstriya və Çexslovakiyanın işğal ediləcəyini bilən Bonne 1937-ci ilin oktyabrında alman
səfirinə bildirmişdir ki, Fransa Almaniyanın bu istəyinə qarşı çıxmayacaqdır. Almaniya İngiltərə və
Fransanın maneçiliyinin olmayacağını bildikdən sonra 1938-ci il 11 mart tarixində Avstriyanı işğal etdi və
martın 13-ü Avstriya reyxin ərazilərindən biri sayıldı.
Sovet İttifaqı Almaniyaya qarşı təsirli tədbirlərin həyata keçirilməsinin zəruriliyini İngiltərə və Fransa
hökumətinə bəyan etmişdi. Avstriyanın işğalı ilk növbədə Fransanı və onun müttəfiqi Çexiyanı qorxuya
salmışdı.
Şotan hökumətinin siyasəti nəticəsində Xalq Cəbhəsinin nüfuzu enməyə başladı. Fransa Kommunist
partiyasının 1937-ci ilin dekabrında keçirilmiş IX qurultayı sosialistlərin tələblərini nəzərə alaraq Xalq
Cəbhəsinin proqramına bir sıra əlavələr etdi. Buna misal, sənaye və sığorta komissiyalarının bir çox
sahələrinin milliləşdirilməsidir.
Fransada Xalq Cəbhəsi iri kütləvi hərəkat idi. Xalq Cəbhəsi Fransada respublika quruluşunun
saxlanılmasına nail oldu. Bu cəbhənin səyi nəticəsində əhalinin əmək haqqı artırıldı. Fəhlə sinfinin
cəmiyyətdə rolu yüksəldi. Xalq Cəbhəsi illərində (1934-1938) Fransa Kommunist Partiyasının sıraları 10
dəfə artdı, yəni 32 mindən 350 minə çatdı. Öz sinfi mahiyyətinə görə Xalq Cəbhəsi fəhlə sinfinin orta
təbəqələrlə ittifaqını zehni əməklə fiziki əmək arasındakı əlaqələri ifadə edirdi. Beləliklə, Xalq Cəbhəsi
Fransanın sonrakı inkişaf tarixinə böyük təsir göstərdi.
Blumun II kabineti istefaya çıxdıqdan sonra 1938-ci ilin apreli Eduard Daladye Fransanın baş naziri
oldu. Radikallar partiyasının sol qanadına daxil olan Xalq Cəbhəsinin tərəfdarı Daladye tədricən sağların