34
Əsrin şairi IX
olmuşdur. Qurbanəli Şərifova yazdığı məktublarda onu
minnətdarlıqla yad etmiş, tərtib etdiyi proqramla təhsil aldığını
göstərmişdir*.
6
Cavid 1907-ci ildə İstanbuldan “Füyuzat” jurnalına “Hali-
əsəfiştimalımı təsvirdə bir ahi-məzlumanə” şeirini göndərir. Bu,
onun jurnala göndərdiyi ilk və son şeiri olur. (O zaman M.Hadi
jurnalda mühərrirlik edirdi.) M.Cəfər belə hesab edir ki, həmin
şeirdə Hadinin vətənpərvərlik ruhunda yazdığı şeirlərin
“qüvvətli təsiri olmuşdur”. Müəllif şeiri təhlil edərkən, iradsız
keçinmir. Onun fikrincə, Cavid şeirdə vətənə “çox birtərəfli
baxırdı”. Vətən onun nəzərində “zəvalə uğramış”, “böyük
bəlalara düçar olmuş”, “ayaq altında paymal olmuş”, “ürəyi,
cismi yaralı bir xəstədir”.(?!)
Mənim fikrimcə, şairin qürbətdə bu cür düşünməsi və
yazması təbii idi. (Hadinin də bu cür şeirləri var.) Nə üçün?
Əvvəla, şair şeirdə vətənin paymal olmasına maarifçilik baxı-
mından yanaşırdı. O zaman Azərbaycanda təhsil, maarif, elm və
mədəniyyət hansı səviyyədə idi? Bunu bu gün, demək olar ki, hər
kəs bilir. İkincisi, Azərbaycan çar Rusiyasının əsarəti altında idi.
Belə olan surətdə şair nə və necə yazmalı idi? Tarixi gerçəkliyi
təhrif etməliydimi?.. Bu isə onun yaradıcılıq metoduna zidd idi.
Üçüncüsü, o zaman Cavidin Hadinin şeirlərilə tanış olub-olma-
ması sual altındadır. Dördüncüsü, o, İstanbuldan qayıtdıqdan
sonra publisistik məqalələr yazıb “Həqiqət” və b. qəzetlərdə çap
etdirir. Həmin şeirdə qaldırdığı problemin üzərinə yenidən və
daha ətraflı şəkildə qayıdır. Demək istəyirəm ki, şairin yazdıq-
larında həqiqət var idi.
7
Monoqrafiya müəllifi inqilaba münasibətdə şairi daha ciddi
şəkildə ittiham edir. Yazır ki, birinci rus inqilabının təsirilə Güney
Azərbaycanı inqilab ocağına çevrilmişdi. “Cavid vətənin bu yeni
35
İsgəndər Atilla
həyatını, tarixini görə bilmirdi; öz azadlığı və istiqlaliyyəti
uğrunda mübarizəyə qalxan xalqın qüdrətini qiymətləndirə
bilmirdi. O, aydın siyasi görüşə (?!) malik olan bir vətəndaş
səviyyəsinə yüksələ bilməmişdi.” və s. və i.a.
Mən qabaqda bu ciddi məsələnin üzərinə qayıdacağam.
Ancaq qısaca deməliyəm ki, o zamanlar sovet ədəbiyyatşünas-
larını yazıçıların nədən və necə yazması deyil, özünün düşün-
düyü, yaxud arzu etdiyi mövzunu yazıb-yazmaması daha çox
maraqlandırırdı. Bu, sovet ədəbiyyatşünaslığında normativ bir hal
almışdı və xroniki xəstəliyə çevrilmişdi. Müəllifin irəli sürdüyü
ittihamlar da oradan qidalanırdı. Tədqiqatçılar bədii əsərləri
marksist-leninçi metodologiya əsasında təhlil və şəhr etməyə,
qiymətləndirməyə həvəsli idilər. Kommunist rejimi bizim neçə-
neçə böyük şair, ədib və alimimizi şikəst etdi; sərbəst və azad
düşüncədən məhrum, kar, kor və lal etdi!.. Çox təəssüf!..
8
M.Cəfər Cavidin Naxçıvanda və Tiflisdə qələmə aldığı
şeirlərində xoş duyğular oyadacaq, təsəlli verəcək, demək olar ki,
heç nə görmürdü. Türkiyədən pərişan xəyallı, ümidsiz (?!) bir şair
kimi qayıtdığını, şeirlərində daha çox kədərə, qəmə, iztiraba mail
olduğunu məxsusi qeyd edirdi. Onun “bədbin misralarını”
nəzərdən keçirir və bu nəticəyə gəlirdi ki, gənc şair şeirlərində
sevinc, şadlıq, ümid və gözəl xəyallara qarşı mücərrəd kədər
fəlsəfəsini qoyurdu. Özünü mübarizədən kənara çəkib, “dünyəvi
kədərin” ağuşuna atılmaq, kədərlə həmdərd olmaq, onunla təsəlli
bulmaq istəyirdi. Lirik qəhrəmanın gözündə bütün dünya, kainat,
bəşər həyatı başdan-başa bir əfsanədən, cansıxıcı kölgədən ibarət
idi. O, sözünə davam edərək yazırdı:
- Tərəddüdsüz demək olar ki, bütün bu bədbinlik, ümid-
sizlik Cavidin Azərbaycan inqilabi varlığından uzaq olmasının və
onun Türkiyə ictimai-ədəbi mühitindən aldığı təsirlərin nəticəsi
idi. Hərçənd 1909-10-cu illər, ümumiyyətlə, 1905-ci il [rus]
36
Əsrin şairi IX
inqilabının məğlubiyyətindən sonra gələn ağır irtica illəri idi və
bu irtica ədəbiyyata da öz mənfi təsirini göstərmişdi; bununla
belə, Azərbaycanın xüsusi şəraiti, buradakı spesifik tarixi, siyasi
mühit fərqlənirdi. Bu elə bir dövr idi ki, Cənubi Azərbaycanda
milli azadlıq hərəkatı, silahlı mübarizə, şimalda isə çarizmə, müs-
təmləkə əsarətinə və yerli hakim siniflərə qarşı vuruşma davam
edirdi...
1
9
Ədalət naminə deməliyəm ki, tədqiqatçının Cavid şeirlərinin
ruhuna aid söylədiyi mülahizələrdə müəyyən həqiqət var. Fəqət
yerdə qalan fikirlərilə razılaşmaq mümkün deyildir. Birincisi,
marksist ədəbiyyatşünas başqa cür də düşünə və yaza bilməzdi.
İkincisi, müəllif siyasətdən həmişə uzaqda bulunan Cavidi
siyasətə çəkir. Onu bir inqilabçı, ictimai-siyasi xadim kimi görmək
istəyir. Üçüncüsü, Cavid tədqiqatçını düşündürən məsələləri
publisistik məqalələrində yazmışdır. Dördüncüsü, Cavidin o cür
şeirlər yazması romantik şair üçün təbii idi. Buna görə də roman-
tiklərin dünyaya, təbiətə, kainata, ictimai-siyasi hadisələrə
münasibətləri realist yazıçılarınkından fərqlənirdi... Başqa sözlə,
mən həmin şeirləri lirik qəhrəmanın yaşadığı həyatın, keçirdiyi
güzəranın bədii ifadəsi hesab edirəm.
10
Müəllif monoqrafiyada Cavidin şeirlərindəki bədbin əhval-
ruhiyyənin, qəm-qüssənin, fərdiyyəçilik və laübalılığın Azər-
baycan ictimai və ədəbi mühitindən deyil, “Türkiyədəki tənzimat
ədəbiyyatından irəli gəldiyini” israrla qeyd edirdi.
O zaman Türkiyə sovet Azərbaycanı üçün “burjua ölkəsi”
idi. Ona nə desəydin, oxuculardan üzr istəyirəm, hətta söysəydin
belə (söyürdülər də!) yaraşardı! Bizim rus sovet siyasətinə uyan
bəzi tarixçi və ədəbiyyatçılarımız belə də edirdilər. Bu, məsələnin
1
M
əmməd Cəfər. Hüseyn Cavid, Bakı, 1960, s. 49.
Dostları ilə paylaş: |