|
İsgəndər Atilla
417
İsgəndər Atilla
Oturub
əlləri dizləri üstə bizi gözləyirdi. Yaxınlaşdıq. Dik qalxdı.
İki il idi ki, onu görmürdük. Qollarını açıb, üçümüzü də birdən qu-
caq
ladı. Uşaqlar bir tərəfində, mən bir tərəfində oturduq. Qolunu
geniş açıb uşaqları özünə tərəf sıxdı. Mən hal-əhval tutdum.
Dedim: “Yaxşını yaman qələmə verənlər” yox olsunlar! O dedi:
“Olacaqlar”. Ağır itkilərdən sonra sağalmaz yaralar qoyub
ged
əcəklər. Üç dəfə məhkəmə etdilər. Ləkəli, zərərli bir şey
tapmadılar. Qərara gəldilər ki, Vətən dəyişikliyi etsinlər. Vaxt
olacaq, özl
əri səhv olduğunu bilib geri qaytaracaqlar. Sözlərim
çoxdu,
əfsus ki, vaxt azdı. Sizdən arxayın gedirəm. Sağ-
salamatsınız. Bu mənə bəsdi? Çox həyəcanlı idi. Amma çalışırdı
ki, sakit görünsün.
•
Keşlə zindanının həyətində verilən vaxt bitdi. Əvvəl
üçümüzü də birdən qucaqladı, sonra təkbətək. Bir qolunu oğlunun
boynuna doladı, o biri əli ilə bizi göstərib dedi: “Bunları sənə
tapşırıram. Darıxmayın. Mərd olun, mərd ölün. Bu da bir
cərəyandı, keçib gedəcək. Mərdlik, namərdlik, kişilik, nakişilik
hamısı bu illərdə məhək daşından keçəcək”. Turanı bir də
qucaqladı. “Nənəsim amanatdı” dedi. Sakit görünməyə çalışırdı.
Bizi həyəcanlı gördükdə daha da həyəcanlanırdı. Dodaqları
səyriyirdi. Tez-tez dodaqlarını sümürürdü. Kövrək və ümidsiz bir
səslə dedi: “Ayrılıq olmayaydı...”
•
İnsanı qəm qədər heç nə yormur. 3 ildi qəm dəryasına qərq
olmuşam. “İnsanı qəm yıxar, divarı nəm”.
•
Keşləyə Cavidimi görməyə getdim. İlahi, burada nə qədər
adam var?!. Hər qapıda 2-3 əli tüfəngli dayanıb. Adamları qoyun
sürüsü kimi belədən-belə qovurdular... Cavid biləndə ki, ona əlavə
görüş veriblər, o qədər sevinmiş, o qədər təəccüblənmişdi ki?!...
•
Cavid mənə dedi:
–
... Təmiz adına ləkə vurulması, başı-qulağı üç qəpiyə
dəyməyənin qarşısında dayanıb təhqirli sözlər dinləmək, anlamaz
qarşısında susmaq, anlatmağa haqqın olmamaq cəza deyilmi? Elə
təhqirli sözlər deyirlər ki, dözmək mümkün deyil. Gərək nə qədər
ürəksiz, şərəfsiz adam ola ki, olmayan sözləri danışa. Nə isə...
Sözlərim çoxdu. Əfsus ki, vaxt azdı. Nə qədər deyiləsi sözlərim,
418
Əsrin şairi IX
deyiləsi dərdlərim, görüləsi işlərim var. Əsl xain yaxşıları pis
adlandırıb məhv edənlərdi. Vaxt gələcək tarixə, xalqa xeyir vermiş,
vaxtından əvvəl itirilmiş bu günahsız, ləkəsiz, zavallılar üçün nə
qədər təəssüf ediləcək.
... Bir neçə dostunun adını soruşdu. Dedim:
–
Heç birini görməmişəm.
Biri haqqında dedi:
–
Görməsən yaxşıdı, o yarım adam satandı, hələ yaxşısı budu.
Neçə kişilər nakişi oldu. Əvvəl-axır ölümdü. Mərd ölmək namərd
yaşamaqdan yaxşıdı.
•
Üzünə baxıb ağladım. Əlimi bərk-bərk sıxıb dedi:
–
Mən səni ağlar görmək istəməzdim. Keçirdiyin ağır gün-
lərini bilirəm. Dönüklük edənləri, əyri yola düşənləri eşitdim. Əsl
sədaqət ağır gündə bilinir. Silinməz ləkə, çəkiləsi dərd elə
dərdlərdi. Şükür o adlar ki adımızda yoxdu. Mən şad gedirəm bu,
hər şeydən üstündü. Qəmli qəlbimin sönməz yıldızı. Ağır qəmim
yenilməz xalqımın yenilməsidi. Əllərdə qalxan olmasıdı. Nələr
olub, nələr var, bunlar olduğu kimi bu bədbəxt xalqa çatacaqmı?
İnsan nə qədər alçalarmış. Mərd ölmək namərd yaşamaqdan
üstündü. Qadınlar ərizə verib, ərlərinə “xalq düşməni” deyib bo-
şandılar və ərə getdilər.
•
Soruşdu:
–
Evdə əsərlərdən bir şey qaldımı?
–
Bütünü yox, bir neçə parça qalıb.
Altı-yeddi hazır dram əsəri vardı. Demək olardı ki, əksəriyyəti
əl makinasında çap olmuşdu. Nəşriyyata vermək üçün. Bir dənə
ümumi dəftərə nəşr olunmamış əsərlərin məzmununu, iştirakçıların
adlarını... bir neçə pyesin hamısını narın xətlə yazmışdı. Onu
soruşdu:
–
O evdə qalırmı?
– Yox! –dedim.
Bərk həyəcanlananda, fikrini bir yerə toplaya bilməyəndə,
dərin fikirləşəndə iki qaşını bir-birinə yaxın sıxar, alnının
ortasında bir qırış görünərdi. Qaşını sıxıb fikrə getdi:
–
Bir o qalsaydı, demək olardı ki, hamısı qalıb.
Dostları ilə paylaş: |
|
|