121
buraxılmasını tələb edirdi. Saşa arvadımı gətirib əvvəlki yerinə qoydu. Ancaq arvadım
sahilə tərəf qaçdı. Biz bir-birimizə heç bir söz demədən bir qədər kənara çəkildik və
hamılıqla suda üzüaşağı üzməyə başladıq. Artıq dostumun mənim arvadıma göz dikdiyinə,
onunla cinsi əlaqədə olmaq istədiyinə şübhəm qalmamışdı. İndi mən bunu necə həyata
keçirmək haqqında fikirləşirdim».
Söhbətin heç bir fantaziyaya uymadan, səmimi edildiyi dərhal sezilir. Burada bir
neçə nüans diqqəti cəlb edir. Birincisi, ərdə lap yeniyetməlik dövründən kandaulezizm
yarandığı aydın görünür. İlk vaxtlar qısqanc olan həmin kişidə sonradan tədricən
kandaulezizm müşahidə edilməyə başlayır. İkincisi, arvadda ekshibisionizm əlamətləri
(büsthaltersiz gəzməyə vərdiş etmə, başqalarına çılpaq halda görünməkdən çəkinməmə,
habelə doqqinq nişanəsi (göz qabağında elə küçədəcə cinsi əlaqəyə girmə) özünü aşkar
şəkildə büruzə verir. Əks təqdirdə küçədə ata-anasının hər zaman görə biləcəyi bir yerdə
cinsi əlaqəyə girməz, maşının qabaq oturacağında yanında başqa bir adam ola-ola ərinə
sarınmazdı. Üçüncüsü, ərdə kandaulezizm sürətlə proqressivləşmə tipi üzrə cərəyan edir.
İlk vaxtlar sevdiyi qızın döşlərinin paltar altından hiss edilməsinə qısqanan oğlanın çox
keçmədən kandaulezistik məzmunlu dərin fantaziyalara qapılması, dostu ilə bir yerdə
arvadının çılpaq şəkillərinə baxaraq masturbasiyaya qapılması, hətta həyat yoldaşının
erotik fotoları üzərinə hər ikisinin eyakulyasiya etməsi, göldə çimərkən rastlaşdığı
mənzərədən sonra dostu ilə arvadının cinsi əlaqəsinin necə həyata keçirilməsinin təşkili
ətrafında fikirləşməyə başlaması qeyri-adi meylin proqressivləşən tipli olmasının bariz
əlamətləridir. Dördüncüsü, cəmiyyətdə seksual tələbatın aşkarda ödənilməsi tendensiyası
və əxlaqın eroziyaya uğraması müşahidə edilir. Hələ evlənməmiş cütlərin elə küçədəcə
cinsi əlaqədə olmaları, maşında əyləşən cütlərin bir-birinin yanında öpüşüb-
qucaqlaşmaları, iştirakçıların hamısının tam çılpaq halda çimmələri və bunun ardınca çılğın
hərəkətlərə yol vermələri seksual tələbatın ibtidai insanlara xas olan tərzdə abırsızlıqla
təmin edilməsinin bariz nümunələridir. Beşincisi, dostun yaranmış vəziyyətdən öz seksual
tələbatını ödəməsi üçün xəyanətkarlıqla istifadə etməsi diqqətdən kənarda qalmır. Halbuki
əsl dost heç vaxt belə addım atmaz, özünə qardaş bilib möhkəm münasibət qurduğu
adamın həyat yoldaşına pis nəzərlərlə baxmaz. Əgər dostun kandaulezizmdən əziyyət
çəkdiyi aşkara çıxarılarsa, saf dostyana münasibətə sadiq qalaraq onu vaxtında agah etmək,
yaxşı bir şey vəd etməyən qeyri-adi istəyindən daşındırmağa çalışmaq, lazım gələrsə
mütəxəssisin yanına aparmaq daha ağıllı və məqsədəuyğun yoldur.
Arvadın başqa kişilərlə cürbəcür seksual-erotik hərəkətlərə yol verməsi, hətta
onlarla cinsi əlaqəyə girməsi nəticəsində ərdə seksual oyanma və təminolunma meydana
çıxmasından ibarət olan pozğunluğa koital kandavlizm (candaulismus coitalis) deyilir. Belə
hal başqa sözlə koital təmaslı kandavlizm də adlanır.
Koital kandavlizmdən əziyyət çəkən kişinin vəziyyəti sözün həqiqi mənasında
acınacaqlı olur. Belə kişinin keçirdiyi hisslər çox dəhşətlidir: «Arvadımın elə yanımdaca
özünü tam olaraq başqa kişinin ixtiyarına verdiyini, ona ləzzət bəxş etdiyini, dili ilə onun
cinsiyyət üzvünü oxşadığını, onunla cinsi əlaqəyə girdiyini, içəriyə qurtarmasını xahiş
etdiyini, bundan sonra onun vaginasından yad kişinin spermasının axdığını müşahidə
etmək, kənardan izləmək, bütün bunları öz gözlərimlə görmək istəyirəm».
122
Koital kandavlizm bayaqdan barəsində məlumat verilən meyl pozğunluğunun
«finalı» hesab edilir. Burada başlıca şərt arvadın cinsi əlaqədə olması və bunu kənar
kişilərin görməsidir. Lakin arvad başqa kişinin ixtiyarına verilə bildiyi kimi, verilməyə də
bilər. Buna görə koital təmaslı kandavlizmin aşağıdakı növlərini ayırd etmək olar:
1. Seksual partnyorun başqa kişiyə verilməməsilə səciyyələnən koital
kandavlizm: a) seksual partnyorun başqa kişiyə verilməməsi şərtilə cinsi əlaqənin açıq
yerdə getməsilə səciyyələnən koital kandavlizm; b) seksual partnyorun başqa kişiyə
verilməməsi şərtilə cinsi əlaqənin qapalı yerdə getməsilə səciyyələnən koital kandavlizm.
2. Seksual partnyorun başqa kişinin ixtiyarına verilməsilə səciyyələnən koital
kandavlizm: a) seksual partnyorun başqa kişinin ixtiyarına verilməsi, lakin ərin özünün
iştirak etməməsilə səciyyələnən koital kandaulezizm; b) seksual partnyorun başqa kişinin
ixtiyarına verilməsi, lakin ərin özünün iştirak etməsilə səciyyələnən koital kandaulezizm.
Seksual partnyorun başqa kişiyə verilməməsilə səciyyələnən koital kandavlizm
zamanı ekshibisionizm elementləri üstünlük təşkil edir. Bu zaman ərlə arvad bir yerdə elə
cinsi əlaqədə olur ki, onların girdikləri aktı başqalarının aydın seyr etmələri üçün şərait
yaransın. Odur ki, həmin hadisənin özünün iki variantı ayırd edilir: a) seksual partnyorun
başqa kişiyə verilməməsi şərtilə cinsi əlaqənin açıq yerdə getməsilə səciyyələnən koital
kandavlizm; b) seksual partnyorun başqa kişiyə verilməməsi şərtilə cinsi əlaqənin qapalı
yerdə getməsilə səciyyələnən koital kandavlizm
Seksual partnyorun başqa kişiyə verilməməsi şərtilə cinsi əlaqənin açıq yerdə
getməsilə səciyyələnən koital kandavlizm gec-gec rast gəlinən haldır. Buna başqa sözlə
doqqinqlə qovuşmuş kandavlizm də deyilir.
Seksual partnyorun başqa kişiyə verilməməsi şərtilə cinsi əlaqənin qapalı yerdə
getməsilə səciyyələnən koital kandavlizm də çox müşahidə olunmur.
Əksər hallarda kənardan bir nəfərin baxması kandaulezist ərin təmin olunması
üçün kifayət edir. Məsələn, kandaulezizmə mübtəla olmuş ər dostunu çağırıb ondan xahiş
edir ki, arvadı ilə cinsi əlaqəsinə kənardan tamaşa etsin. Amerika Birləşmiş Ştatlarının
Federal Təhqiqatlar Bürosunun agenti Robert Filip Henssen (Robert Philip Hanssen) məhz
belə kandavlistlərdən biri kimi tarixə düşmüşdür.
Bəzi hallarda ərlə arvadın cinsi əlaqəsinə kənardan çoxlu sayda insanın tamaşa
etməsinə bir tələbat yaranır. Əlbəttə, belə bir tələbatı ödəyə bilmək üçün ər arvadını
götürüb insanların sekslə məşğul olmaq üçün toplaşdıqları kluba gedir, həyat yoldaşı ilə
məhz orada cinsi əlaqəyə girir. Kluba gələn cütlər adətən partnyorlarını dəyişdikləri halda,
kandaulezist ər və onun arvadı heç bir ailəyə qoşulmur, bir kimsəni yanlarına çəkmir,
sadəcə özləri üçün sekslə məşğul olurlar. Belə hallarda ər onun arvadının necə cinsi
əlaqədə olduğunu kənardan çoxlu sayda insanın izləyə biləcəyini fikirləşir və bundan
seksual təminolunma əldə edir.
Koital kandavlizmin xas olduğu ər arvadını çılpaq halda yalnız elə kişilərə
göstərmək istəyir ki, onlardan libidonun istiqamətlənməsi baxımından həmişə real
«təhlükə» gözlənilir. Arvadına əl uzada, onu yatağına sürükləyə bilən kişilər koital
kandaulezizmə malik əri daha çox maraqlandırır. Ərin öz arvadını başqa kişilərin ixtiyarına
verməsinin müxtəlif yolları vardır. Həmin yollardan və kişinin tutacağı mövqedən aasılı
olaraq seksual partnyorun başqa kişinin ixtiyarına verilməsilə səciyyələnən koital
Dostları ilə paylaş: |