125
iştirak edə bilərlər. Lakin başqa situasiyalardan fərqli olaraq belə hallarda «dişdoğrayan»
səhnələrin yer alması hökmən tələb edilmir.
Son illərdə dünyanın hər yerində sving populyarlıq qazanır və sürətlə yayılır.
«Svinger turizmi», yaxud sadəcə «sving turizmi» deyilən bir anlayış yaranmışdır. Svinger
turizmi sabit, davamlı seksual cütlərin səfərini nəzərdə tutan bir turizm növüdür ki, həmin
səyahəti etməkdə güdülən məqsədlərdən biri seksual partnyorların müvəqqəti
dəyişdirilməsi – svinq ilə məşğul olmaqdır. Svingerlər üçün dünyanın müxtəlif
regionlarında gecə klubları (sving klubları), otellər (sving otelləri) və turistik
infrastrukturun digər elementləri təşkil edilmişdir.
Artıq əxlaqın köklü surətdə dəyişikliyə uğraması fonunda seksual partnyor
mübadiləsi tez-tez rast gəlinən bir hadisəyə çevrilmişdir. Buna görə arvadı ilə svingdə
iştirak etmə halları getdikcə çoxalır. Arvadın svingdə iştiraka razılıq verməsi elə asan
deyildir. Ancaq kandavlist ər bunun da yollarını fikirləşib tapır.
Bəzən ərin svingdə iştirak təklifinə arvadın tez, dərhal razılıq verməsi müşahidə
olunur. Bu yerdə bir lətifə yada düşür. Ər arvadına sving klubuna getməyi təklif edir, qeyri-
adi təklifdən sonra həyat yoldaşının kəskin reaksiya verəcəyini gözləyir. Ancaq buna
baxmayaraq arvad dərhal razılıq verir. Sözünü bitirib müsbət cavab alan ər öz-özünə
fikirləşir: «Bu pozğunla kluba gedim, yoxsa boşanmaq üçün məhkəməyə?»
Son illərdə plüralizmlə qovuşmuş koital kandavlizmin bir forması kimi ərlə
arvada üçüncü tərəf qoşulur. Əgər həqiqətən kandaulezist ər buna nail olursa, onda baş
verən hadisə triolizmlə qovuşmuş kandaulezizm adlanır.
Triolizmə mübtəla olan kişilərdən bir qismi hər hansı ərin gözləri önündə, yaxud
xəlvəti baxdığı şəraitdə onun arvadı ilə cinsi əlaqədə olmağı arzulayır. Bir kişinin arvadına
tam yiyələnmək ehtirası onu axtarışa sövq edir. Təsadüfi deyildir ki, triolizm aktının baş
tutmasında arvadın ərinin kandavlizmdən əziyyət çəkməsi çox mühüm rol oynayır.
Bir qadın öz həyat yoldaşı və məşuqu ilə eyni yerdə yaşayırsa və tərəflərin hər
üçü bundan məmnundurlarsa, belə «nikah» artıq «triqamiya» adını daşıyır. Həmin
«nikahda» iştirak edənlərin mübtəla olduqları cinsi meylin özü triolizm adlanır. Adətən
tərəflər açıqlama verərkən mövcud vəziyyətdən razı qaldıqlarını bildirir, özlərini xoşbəxt
hesab edir, mehriban ailələr kimi dolandıqlarını vurğulayırlar. Üçüncü adamın qoşulduğu
«nikah» müxtəlif səbəblərdən baş tuta bilər. Birincisi, qadın həyat yoldaşından ayrılıb
məşuqu ilə yaşamaq istəyir, lakin belə ayrılıq olmadan onlar bir yerdə həyat sürməyə qərar
verirlər. İkincisi, ərlə arvaddan biri, yaxud ola bilsin eyni vaxtda hər ikisi üçüncü tərəfin
yatağa cəlb edilməsini arzulayır. Adətən üçüncü tərəf də oxşar arzuya malik insan
olduğundan onların «sövdələşməsi» baş tutur. Nəhayət, üçüncüsü, qadının qanuni həyat
yoldaşında kandavlizm əlamətlərinin olması istisna edilmir. Ola bilsin ki, məhz onun
təşəbbüsü və təhriki əsasında yataqda üçüncü tərəf peyda olur. Adətən qadının əri
kandavlizmdən əziyyət çəkdikdə başqa kişinin «nikaha» qoşulmasına etiraz etmir, bunu
üzdə büruzə verməsə də, əksinə, qəlbinin dərinliyində baş verənlərə görə hədsiz sevinir,
çox məmnun qalır.
Bir çox hallarda arvadın pornoqrafiyaya və yaxud prostitusiyaya (fahişəliyə)
cəlb edilməsinin arxasında ərin ağır kandavlistik meyli dayanır. Ər arvadını belə iyrənc
yollara təhrik və yaxud məcbur edir.
126
§ 2.3. Kandavlizmin diaqnostikası
«Diaqnostika sahəsində elə böyük müvəffəqiyyətlər əldə edilmişdir ki, artıq
sağlam insan praktik olaraq qalmamışdır».
Britaniya riyaziyyatçısı, filosof və ictimai xadimi Bertran Artur Uilyam Rassel
(Bertrand Arthur William Russell; 1872–1970)
* * *
«Ağır xəstəlik özünü təzə-təzə göstərməyə başlayan vaxt onu müalicə etmək
asan, lakin müəyyənləşdirmək çətin olur, sonrakı vaxtlarda xeyli
gücləndiyindən rahatlıqla diaqnozu qoyulur, fəqət bunu
müalicə etmək artıq müşkülə çevrilir».
İtalyan mütəfəkkiri, filosof, yazıçı və siyasi xadimi
Nikkolo di Bernardo de Makiavelli
(Niccolo di Bernardo dei Machiavelli; 1469 – 1527)
Tibb elmində qəbul edilmiş ənənəyə uyğun olaraq kandavlizmin diaqnostikası
iki istiqamətdə həyata keçirilir: adi və diferensial.
Kandavlizmin adi diaqnostikası dedikdə onun əlamətlərinə şübhə olduğu
hallarda sindromun əsaslı şəkildə təsdiqlənməsi, yaxud inkar edilməsi nəzərdə tutulur.
Kandavlizmin adi diaqnostikası elə bir çətinlik törətmir. Təcrübəli həkimin müfəssəl
topladığı anamnez bunun üçün kifayət edir. Xəstənin həyat yoldaşının müayinəyə cəlb
edilməsi mütləq şərtdir. Bir çox hallarda məhz onun verdiyi informasiya diaqnostikada
həlledici əhəmiyyət kəsb edir.
Kandavlizmin diferensial diaqnostikası dedikdə oxşar əlamətlərin təzahür etdiyi
hallarda onun başqa sindrom və xəstəliklərdən fərqləndirilməsi başa düşülür. İlk baxışda
kandavlizmin diferensial diaqnostikasına zərurət olmadığı təsəvvürü yaranır. Lakin
bununla belə ekshibisionizm və mazoxizmin müxtəlif formaları ilə diferensial
diaqnostikanın aparılması vacibdir. Bir çox hallarda kandavlizm seksual plüralizmin
səbəblərindən biri kimi çıxış edə bilir. Buna görə kandavlizmi xüsusən triolizmdən
fərqləndirmək lazım gəlir.
Arvadının xəyanət etdiyini aşkara çıxaran və bunu müəyyən yollarla video
görüntüsü şəklində qeydə alan namuslu bir kişinin cinayət törətməklə (zinakara xəsarət
yetirməklə, onu öldürməklə) qisas almaq fikrindən uzaq olub, sadəcə əldə etdiyi faktları
ictimaiyyətə açıqlaması mümkündür. Şübhəsiz ki, arvadının intim görüntülərini geniş
kütləyə bəyan edən belə bir əri dərhal kandavlist hesab etmək ədalətsizlik olardı. Beləsinə
dərhal kandavlist damğasını vurmaq qətiyyən doğru yanaşma hesab edilə bilməz. Ər
arvadının intim görüntülərini internetdə, televizorda və başqa məkanlarda paylaşırsa,
burada hadisəyə verilən qiymət birmənalı olmur. Aydındır ki, ərini aldadan, ona xəyanət
edən həyat yoldaşı sərt tənqid edilir, onun «sevgilisi» kimi çıxış edən və başqasının
Dostları ilə paylaş: |