70
isə kəskin nefrotik sindromlu xəstələrdə və XQN nefrotik formada iltihabi
prosesin ağırlığından asılı olaraq dövr edən immun komplekslərin çoxalması
aşkarlanır. DİK lərin qatılığı xüsusən yüngül gedişli QN zamanı nefroloji
praktikada istifadə olunan laborator müayinələr, sidiyin müayinəsi istisna
olmaqla, patologiyanı aşkarlamadığı zaman çox əhəmiyyətli hesab olunur. QN-in
aktiv dövründə DİK-lərin uzunmüddət aşkarlanması qənaətbəxş hesab olunmur.
Ekstrarenal sindromlar:
a) Böyrək hipertenziyası dedikdə, bilavasitə, böyrək patologiyası ilə
əlaqəli arterial hipertenziya başa düşülür.
Arterial hipertenziyanın patogenezi. Hipertenzion sindrom əsasən
pressor mexanizmlərin təsiri ilə əmələ gəlir. Ümumiyyətlə, AH əmələ
gəlməsində bir neçə mexanizmləri qeyd etmək olar:
– natrium və suyun orqanizmdə ləngiməsi ilə gedən su-duz
müvazinətinin pozulması;
– hormonal pressor sistemlərin, ilk növbədə renin-angiotenzin və
aldosteronun aktivləşməsi;
– depressor hormonal sistemlərin (prostoqlandin, kinin və azot
oksid) zəifləsi;
Orqanizmdə natriumun ləngiməsi dövr edən qanın həcminin
artmasına gətirib çıxarır. Damar divarında isə natriumun toplanması onun
şişməsinə və vazokonstrik hormonlara (angiotenzin, vazopressin,
katexolamin və s.) həssaslığının artmasına səbəb olur. Paralel olaraq
hüceyrədaxili kalsiumun çoxalması damarların saya əzələlərinin tonusunu
artırır. Beləliklə, həm ümumi periferik, həm də böyrək damarlarının
müqaviməti yüksəlir.
Yumaqcıq arteriyasının, daha dəqiq gətirici arteriyanın spazm və
işemiyası renin-angiotenzin sisteminin və aldosteronon aktivləşməsinə
gətirir.Renin böyrək yumaqcığının yukstaqlomerulyar apparatı tərəfindən
hasil olur. AT aşağı düşməsi yumaqcıqda gətirici arteriolanın spazmına
səbəb olur və bunun ardınca reninin inkresiyası baş verir. Renin qana daxil
71
olur, qanda angiotenzinogenlər ilə birləşir və qeyri-aktiv angiotenzinogen
I-ə çevrilir. Qanın konvergen fermentinin (angiotenzin-konvertaza –
angiotenzin çevirici ferment, əsasən ağciyər və böyrəklərdə sintez olunur)
təsiri ilə angiotenzinogen I aktiv maddə olan angiotenzin II və ya
angiotenzinə çevrilir. Bu isə güclü vazopressor təsirə malikdir və AT-i
artırır. Bundan başqa angiotenzin II-nin metaboliti olan angitenzin III
böyrəküstü vəzidə aldosteronun ifrazını fəallaşdırır, bu isə kanalcıqlarda
natriumun rearbsorbsiyasına səbəb olur, natrium isə qana daxil olaraq, qan
təzyiqini artır.
Vegetativ sinir sisteminin, daha dəqiq simpatik şöbənin AH-nın
inkişafında əhəmiyyətli rolu vardır. Qan təzyiqinin uzun müddət artması
nefrosklerotik dəyişikliyə səbəb olur. Bu isə öz növbəsində hipotalamusda
hərəki-damar mərkəzlərinin aktivləşməsinə və nəticədə katexolaminlərin –
noradrenalin, adrenalin, vazoaktiv neyropeptid Y sektesiyasının artmasına
gətirib çıxarır. Nefrosklerozun özü isə bir daha qan təzyiqinin daha da
artmasına səbəb olur.
Renal mənşəli hipertenziyanın inkişafında mühüm rolu endotellin-1
adlanan maddə də iştirak edir. Bu yaxınlarda aşkar edilən bu hormon damar
endoteliositləri tərəfindən sintez edilir. Angiotenzin II-dən 30 dəfə güclü
vazokonstriktor təsirə malikdir. Lakin o, əsasən yerli damardaraldırıcı təsiri
ilə seçilir. Ümumiyyətlə, yumaqcıq damarlarının tonusunu yerli
mediatorlar: damardaraldıcı – endotellin-1 və damargenişləndirici – azot
oksidi, prostoqlandinlər, kininlər tənzimləyir.
Son zamanlar belə hesab edilir ki, qan təzyiqinin artmasında kinin
sistemi fəaliyyətinin azalması da müəyyən təsir göstərir. Kallikrein-kinin
sisteminin son məhsulları – bradikinin və kallidin damargenişləndirici
effektə malikdirlər. Onlar normada böyrəklərin qan təchizatını
yaxşılaşdırır, böyrək damarlarının müqavimətini, nefronun distal
seqmentində natrium və suyun reabsorbsiyasını azaldır. Kinin sistemi
pressor maddələr ilə depressor maddələrin nisbətini regulə edir.
72
Depressor maddələrə prostoqlandin F
2α
və tromboksan A
2
aiddir.
Prostoqlandinlərin azalması arteriolların genişlənməsinin qarşısını alır və
minimal qan təzyiqi artır. Prostoqlandinlərin damargenişləndirən təsiri də
vardır.
Yuxarıda qeyd olunanlardan belə aydın olur ki, böyrək mənşəli
arterial hipertenziyanın inkişafı çox mürəkkəb prosesdir. Burada həm yerli,
həm də sistem faktorlar öz işini görür.
b) Ödem sindromu: ödem hipoproteinemiya nəticəsində əmələ
gəlir. Həddən artıq proteinuriya hipoproteinemiya əmələ gətirir. Burada
əsas rolu damarların keçiriciliyinin artması oynayır. Strepto-,
stafilokokkların hialuronidaza fermenti hasil edir ki, bu da damarların
divarında hialuron turşusunu parçalayır və damar keçiriciliyini artırır.
Maye damarlardan toxumalara keçir və böyük qan dövranının
hipovolemiyasını əmələ gətirir. Bununla da prosesə kompensator
mexanizmlər – hipotalamo-hipofizar-böyrəküstü vəzi sistemi qoşulur. Bu
sistem orqanizmi hipovolemiyaya görə kompensə etməyə çalışır.
Hipofizin arxa payında antidiuretik hormon çox hasil olur və bu
suyun distal kanalcıqlardan rearbsorbsiyasını artırır, maye damarlara daxil
olur. Digər tərəfdən aldosteronun hasili artır, bu natrium və suyun
rearbsorbsiya olunmasını artırır, toxumalarda osmotik təzyiq çox olduğu
üçün rearbsorbsiya olunmuş maye damarlardan yenidən toxumalara daxil
olur və ödem daha da artır. Bundan başqa QN-də yumaqcıq filtrasiyası
azalır və bu da ödemin artmasına səbəb olur. Ödemin əmələ gəlməsində
yuxarıda saydığımız mexanizmlər rol oynayır (sxem 2).
Dostları ilə paylaş: |