50
Cədvəl 2.2
Azərbaycan iqtisadiyyatına kredit qoyuluşları (ilin axırına, mln. manat)
1995 2000 2005 2006 2007 2008 2009
2010
2011
2012
2013
2014
İqtisadiyyata
kredit
qoyuluşları
289,8 466,4 1 440.92 362.74 681.87191,3 8 407.5 9 163,4 9 850,3 12243,7 15422,9 18542,6
onlardan:
qısa müddətli
253,0 336,4
913,2 1 142 1 649.52 295.92 360.0 2 567.1 2 951,2 3508,3
3335,5 3931,4
yekuna görə,
faizlə
87,3 72,0
63,4
48,3
35,2
32,1
28,1
28,0
30,0
28,7
21,6
21,2
uzun müddətli
36,8 130,0
527,7 1 220.73 032.34895,4 6 047.5 6 596.3 6 899,1 8735,4 12087,5 14611,2
yekuna görə,
faizlə
12,7 28,0
36,6
51,7
64,8
67,9
71,9
72,0
70,0
71,3
78,4
78,8
Bank kreditlərinin investisiyanı maliyyələşdirilməsində və istehlak
kreditlərinin isə istehlakın maliyyələşdirilməsində payı artdıqca iqtisadi
fəallığın tənzimlənməsinə faiz dərəcəsinin səviyyəsinin də təsiri artır. Təhlil
göstərir ki, ölkədə faiz dərəcəsinin səviyyəsi qeyri-neft sektorunun inkişafını
stimullaşdırmaq səviyyəsində deyildir. Belə ki, qeyr-neft sektorunun əksər
sahələrində istehsalın səmərəliliyi aşağıdır. Belə ki, 2003-2005-ci illərdə
verilmiş kreditlərin orta faiz dərəcəsi 15,6 faizə bərabər olmuşdur. Qeyd etmək
lazımdır ki, kredit faizlərinin səviyyəsinə dövlət tərəfindən verilən güzəştli
kreditlər əhəmiyyətli dərəcədə təsir göstərir. Belə ki, dövlət tərəfindən 2003-cü
ildə sahibkarlığın inkişafına 7 faizlə 10 mln. manat, 2004-cü ildə 20 mln. manat,
2005-ci ildə isə 40 mln. manat həcmində kredit yönəldilmişdir. Bu kreditlərin
faiz dərəcəsinin aşağı olması ümumi kreditlərin orta faiz dərəcəsinin aşağı
düşməsinə təsir göstəmişdir. Təhlil göstərir ki, kommersiya banklarını 3 ildən
yüxarı müddətə verilən kreditlərinin faiz dərəcəsi 25 faizə bərabərdir. Belə
yüksək faizə dərəcəsi investisiya qoyuluşlarının maliyyələşdirilməsində bank
kreditlərindən istifadəni məhdudlaşdırır.
Ölkədə investisiya qoyuluşlarının maliyyələşdirilməsində dövlət büdcəsi və
büdcədənkənar fondlar əhəmiyyətli rol oynayırlar. Bu da son illərdə ölkədə iqtisadi
inkişfın sürətlənməsi nəticəsində dövlət büdcəsinin gəlirlərinin artması ilə
əlaqədardır. Qeyd etmək lazımdır ki, dövlət büdcəsi ölkədə investisiyanın
maliyyələşdirilməsində rolu artmaqdadır.
51
Son illərdə ölkədə investisiya qoyuluşlarının strukturunda sənayenin payı
kəskin şəkildə artmışdır (Cədvəl 2.3). Belə ki, əsas kapitala investisiya qoyu-
luşlarının ümumi həcmində sənayenin payı 1990-cı ildə 37,4 faizdən, 1995-ci ildə
isə 46,4 faizdən 2000-ci ildə 68,2 faizə, 2005-ci ildə 72,3 faizəqədər artmış, 2014-
cı ildə isə 68,9 faizə bərabər olmuşdur. Bu artım əsasən xam neft və təbii qaz
hasilatı sahəsi ilə əlaqədar olmuşdur. Belə ki, 2000-ci ildə əsas kapitala investisiya
qoyuluşlarının 49,7 faizi, sənayeyə investisiya qoyuluşlarının 72,9 faizi, 2005-ci
ildə isə müvafiq olaraq 64,7 faizi və 89,4 faizi, 2006-cı ildə isə müvafiq olaraq
54,3 faizi və 78,8 faizi bu sahənin payına düşmüşdür. 1995-2005-ci illərdə ölkə
iqtisadiyyatına yönəldilmiş cəmi investisiya qoyuluşlarının 76 faizi neft
sənayesinin payına düşmüşdür. Bu da ölkə iqtisadiyyatında bu sahənin payının
artmasına gətirib çıxarmışdır. Belə ki, xam neft və təbii qaz hasilatı (kəşfiyyat
işlərindən başqa), neft və qaz hasilatı ilə əlaqədar xidmətlər sahəsinin ümumi daxili
məhsulda payı 2000-ci ildə 27,6 faizdən 2004-ci ildə 29,0 faizə, 2005-ci ildə 39,3
faizə, 2006-cı ildə isə 50,8 faizə qədər artmışdır. Sənaye məhsulunda xam neft və
təbii qaz hasilatı sahəsinin payı 1990-cı ildə 4,8 faizə, 2000-ci ildə 53,4 faizə,
2005-ci ildə isə 67,3 faizə bərabər olmuşdur. 2000-2006-cı illərdə ölkədə neft
hasilatı 14 mln. tondan 32,3 mln. tona qədər artmışdır ki, bu artımın da əsas hissəsi
2005 və 2006-cı illərdə baş vermişdir. Azəri-Çıraq-Günəşli yataqlarının tammiq-
yaslı işlənməsinin “Faza-1” (Mərkəzi Azəri) layihəsi üzrə tikinti işləri
tamamlanmış və hazırda neftin çıxarılması həyata keçirilir. 2006-2008-ci illərdə
Azəri-Çıraq-Günəşli yataqlarının “Faza-2” (Qərbi və Şərqi Azəri), 2008-2010-cu
illərdə isə “Faza-3” (“Günəşli”-nin dərin hissəsi) layihələri həyata keçiriləcəkdir.
Bu layihələrə ümumi məbləği 10-12 milyard ABŞ dolları həcmində sərmayə qoyu-
luşu gözlənilir. 2006-cı ildə Bakı-Tbilisi-Ceyhan Əsas Ixrac Boru Kəməri
istifadəyə verilmiş və bu yataqlardan çıxarılan neft əsasən Bakı-Tbilisi-Ceyhan
Əsas Ixrac Boru Kəməri vasitəsilə ixrac edilir. Nəticədə, ölkənin ixracında neft və
neft məhsullarının payı 1990-cı ildə 13 faizdən az olduğu halda, 2005-ci ildə bu
göstərici 86,5 faizə bərabərdir. Proqnozlar göstərir ki, ölkədə neft hasilatı 2007-ci
ildə 41,7 mln. tona, 2008-ci ildə isə təqribən 50 mln. tona bərabər olacaqdır.