MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 59 Bahaduru qətlə yetirdikdən və Rəvan da Avropadan qayıdıb trenajor zalında öz məşqlərini davam etdirməyə başladığı andan bu izləmə də yenidən bərpa olunur. Lazımi məqamın yetişdiyini hiss edən cinayətkar ətrafda heç kimin olmadığını müəyyən etdikdən sonra trenajor zalına daxil olur və haqqında bəhs edilən cinayəti törədir. Öz qatili tərəfindən vurulana qədər mərhum ondan belə bir hərəkətin olacağını gözləmirmiş. Çünki Rəvan bundan az da olsa şübhələnsəydi ən azından arxasında oturduğu trenajor alətinin arxasından qalxardı. O, isə bunu etməmişdi. Deməli, hər şey sübut edirdi ki, birinci cinayətdə olduğu kimi ikinci cinayət zamanı da mərhumlar qatillərindən özlərinə qarşı belə bir hərəkət gözləmirlərmiş. Bütün bunlar isə ona dəlalət edirdi ki, ola bilsin, hər iki qətlə yetirilən şəxs qatili lap yaxından tanıyırlarmış. İstintaq zamanı ortaya çıxan bir kiçik fakt da yenidən hər iki cinayətin eyni qatil tərəfindən törədildiyinə bir işarə oldu. Müəyyən olundu ki, cinayətkar mərhum Rəvan Məmmədovu vurub təhlükəsiz vəziyyətə gətirdikdən sonra birinci cinayət aktında olduğu kimi indi də onun telefonundan valideyninə eyni məzmunlu mesaj göndərmiş və həmin mesajın mətnində qeyd olunmuşdu ki, EUROVİSİON-un son günü ilə əlaqədar o, şəhərə gəzməyə çıxacaq və evə gec gələcək. Evdəkilər də Rəvanın bu mesajından sonra səhər açılana qədər nə ona zəng vurublar, nə də ki, axtarıblar. Cinayətkar da trenajor zalında öz işini rahatçılıqla görüb. Bütün bu istintaq faktları toplanıldıqdan sonra Səbael və Nəsimi rayon prokurorlarının razılıqları əsasında 11 iyun 2012-ci il tarixində öldürülən iki gəncin (Bahadur və Rəvanın) valideynləri Kərim və İbrahim Səbael rayon prourorluğuna çağırıldılar. Burada əsas məqsədlər bu iki ailə arasında düşmənçiliyin olub-olmamasını ortaya çıxarmaq və əgər belə bir problem yoxdursa, cinayət işinin üstünü açmaqda yardımçı olan digər faktları toplamaqdan ibarət idi. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 60 Müəyyən olunmuş tarixdə Kərim və İbrahim Səbael rayon prokurorluğuna gəldilər. Təşkil olunan görüş zamanı onlarla birlikdə işi araşdıran müstəntiqlər Tərlan və Raminlə yanaşı hər iki rayonun prokurorları, həmçinin bir psixoloq da iştirak edirdi. Prokurorlar əvvəlcə hər iki şəxsə övladlarının faciəli qətli ilə bağlı baş sağlığı verdilər. Eyni zamanda cinayətkarın tezliklə tapılaraq istintaqa cəlb olunacağına söz verdilər. Cinayətkarın tez bir zamanda tapılması üçün isə valideynlərin verdikləri məlumatların zəruri olacağını bildirdilər. Eyni zamanda ilk qətlə yetirilən şəxsin, yəni Bahadurun atası Kərim hələ də övladının qatilinin tapılmamasına görə narahatlığını dilə gətirdi. Bundan sonra isə kənarda duran müstəntiqlər istintaqla bağlı suallarını verməyə başladılar. - Hörmətli valideynlər, əgər kömək eləsəniz yəqin ki, çox yaxın vaxtlarda hər iki cinayət aktının üstünü açmağa müvəffəq olacağıq. Bu zaman Ramin də söhbətə qoşulur. - Aparılan tibbi ekspertiza və istintaq faktları sübut edir ki, sizin övladlarınız çox güman eyni şəxs tərəfindən qətlə yetiriliblər. Həmin cinayətkar isə sizin övladlarınızı çox yaxından tanıyırmış. Onların nə ilə məşğul olduqlarını, hara gedəcəklərini, nə ilə məşğul olduqlarını dəqiq bilirmiş. Sonuncu dəfə sizin övladlarınız nə vaxt bir yerdə olublar ? Yaxud da sonuncu dəfə onların bir-biri ilə nə vaxt və nəyə görə əlaqə saxladıqları haqqında hansısa məlumatınız varmı ? Verilən suala cavabında İbrahim bildirdi ki, iki il öncəyə, yəni onların Səbaeldəki evlərini sataraq Nəsimi rayonu ərazisinə köçdüyü vaxta kimi övladları daim bir yerdə olublar. Hətta bundan sonra da imkan düşdükcə görüşüblər. Hər dəfə ad günü və ya digər tədbirlər olduqda keçmiş sinif yoldaşları, məhəllə uşaqları və dostlardan bəzilərinin bir yerə toplandığını da qeyd elədi. Kərim isə övladı Bahadurun hər dəfə idman yarışında yer tutduqdan sonra Rəvana zəng edərək onu təbrik elədiyini bildirdi. Bu fikri İbrahim də təsdiq etdi. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 61 Hətta İbrahim onu da bildirdi ki, ölümündən bir neçə gün əvvəl Rəvanın idman yarışı ilə əlaqədar Avropaya gedəcəyini bilən Bahadur zəng edərək ona uğurlar arzulamışdı. Deyilən bu fikirlər onu sübut edirdi ki, keçmiş sinif yoldaşları arasında düşmənçilik olmayıb. Əksinə onlar çox yaxın dost olmuşdular. Deməli gənclərin qətli tamamilə başqa şəxs tərəfindən törədilmişdi. Bu zaman söhbətə Səbael rayon prokuroru özü şəxsən qoşulur: - Sizlərdən hər hansı biriniz övladınızdan eşitmisiniz ki, nə vaxtsa onun kiminləsə ciddi bir problemi olub. Yaxud da kiminsə onunla haqq-hesabı var ? Hər iki valideyn prokurorun bu sualına “Xeyr” cavabını verirlər. Bundan sonra söhbətə Nəsimi rayon prokuroru qoşulur və valideynlərə sual verir. - Öyrəndiyimizə görə sizin övladlarınız subay olublar. Belə bir sual ortaya çıxır ki, bəlkə onların “qız məsələsi”nə görə problemləri olub. Özünüz bilirsiniz ki, bura Azərbaycandı. Belə şeylərə görə ölümlə nəticələnən cinayət aktlarına rast gəlinir. Ona görə də övladlarınızın birlikdə və ya təklikdə belə bir məsələyə görə probleminin olması barədə məlumatınız olubmu ? Prokurorun bu sualından sonra İbrahim “deyin ki, əlimizdən heç nə gəlmir. Buna görə də bizi get-gələ salmayın” cavabını verir. İbrahimin belə cavab verməsi isə həm müstəntiqləri, həm prokurorları bərk əsəbiləşdirir. Nəsimi rayon prokuroru yenidən söhbətinə davam edir: - Niyə hər hansı Əlinin, Vəlinin, Məmmədin oğlunu yox, məhz sənin oğlunu öldürürlər. Deməli, sənin övladının nə vaxtsa zibil işi olub ki, buna görə də onu qətlə yetiriblər. Bizə də boş oturmamışıq. Törədilən hər iki cinayət aktının üstü açılsın deyə əlimizdən gələni edirik. Özü də lap artıqlaması ilə edirik. Siz bizə kömək etsəniz, həmin cinayətkarı tezliklə taparıq. İndi isə bayaq verdiyim suala cavab verin görək – “qız məsələsi” ilə bağlı övladlarınızın kiminləsə və kimlərləsə problemi olubmu ? Yüklə 2,96 Kb. Dostları ilə paylaş:
|