AZƏRBAYCAN XALQINA QARŞI 1918-ci il SOYQIRIMLARI
86
ŞAMAXI QƏZASINDA TÜRK-MÜSƏLMAN SOYQIRIMI
Vaqif Abışov
Tarix elmləri üzrə fəlsəfə doktoru
Rusiya imperiyasında baş verən 1917-ci il fevral inqilabının nə-
ticəsi olaraq dünyada yeni bir tarixi mərhələ başlamışdır. Rusiya im-
periyasının istər mərkəzi şəhərlərində, istərsə də uçqarlarında siyasi
fəallıq hiss olunmaqda idi. Müharibənin gətirdiyi aclıq və səfalətlər,
eləcə də çarizmin uzun illər böyu yürütdüyü ayrı-seçkilik siyasətin-
dən cana doymuş millətlər azad olmaq arzusu ilə mübarizəyə başla-
mışdılar.
1917-ci ildə Rusiya imperiyasında siyasi hakimiyyətin bir neçə
dəfə dəyişməsi Azərbaycanda da təlatümlərə gətirib çıxartmışdır. Bu
təlatümlər içərisində ən çox əziyyət çəkən Azərbaycan xalqı olmuşdur.
1917-1918-ci illərdə azərbaycanlıların soyqırıma məruz qalma-
larının, onlara məxsus əmlakların qarət olunması və evlərinin yandırıl-
masının əsas səbəblərindən biri Azərbaycanda qurulan bolşevik reji-
minin azərbayanlılara yad olması, onların yeritdiyi siyasətin kənardan
gətirilməsi və zorakılığa söykənməsi idi.
Bolşevik rejimi dövründə (1918-ci ilin mart-iyul ayları) yerlərdə
Sovet hakimiyyəti qurmaq adı altında yeridilən antiazərbaycan siyasət
nəticəsində bolşeviklər azərbaycan xalqının dərin nifrətini qazan-
mışdır.
Məlumdur ki, Türkiyə, daha sonra Azərbaycan ərazisində türk-
müsəlmanların kütləvi surətdə qətlə yetirilməsi və onların doğma tor-
paqlarından qovulmaları erməni siyasi mübarizəsinin ana xəttini təşkil
etmişdir. Onların bu cinayətkar əməllərinə maddi, siyasi və hərbi dəs-
tək verən dövlət isə Rusiya olmuşdur.
Bolşeviklər insanları öz ideyalarına inandırma prinsiplərinə de-
yil, özünü doğrultmayan gücə önəm verir, xalqları siniflərə bölərək,
onların arasında barışmaz düşmənçilik yaradırdılar. Bu insana nifrət
ideyası, sonralar yüz minlərlə günahsız insanın amansızcasına qətlə
yetirilməsi və deportasiya olunması ilə nəticələnmişdir.
Bolşeviklər millətlərə demokratik dəyərlər bəxş etmək əvəzinə,
onlar arasında sinifi mübarizəni, silahlı toqquşma və qardaş qanının
axıdılması siyasətini təbliğ edirdilər.
AZƏRBAYCAN XALQINA QARŞI 1918-ci il SOYQIRIMLARI
87
Bolşeviklər hər cür demokratik şüarlarla pərdələnsələr də, Azər-
baycan xalqının milli maraqlarına cavab vermirdilər. Bu hərəkatın
rəhbərliyində ifrat bolşeviklərin və ermənilərin çoxluq təşkil etmələri
Azərbaycan xalqının milli mənafeyinə qarşı daha kəskin mövqe tut-
masına zəmin yaradırdı. Hadisələrin sonrakı inkişafı bir daha göstərdi
ki, ermənilər tərəfindən istiqamətləndirilən bolşevizm Azərbaycan xal-
qına sonsuz qırğınlar və faciələr gətirmişdir.
Sovet tarix elmi ermənilərin bolşevik-sovet bayrağı altında
Azərbaycan xalqına qarşı törətdiyi dəhşətli qırğınları bilərəkdən ört-
basdır etmiş və problemin tarixşünaslığı uzun müddət Sovet ideolo-
giyasına xidmət göstərmişdir.
Sovet tarixşünaslığında St.Şaumyanın rəhbərlik etdiyi erməni-
bolşevik rejiminin hərbi qüvvələri tərəfindən Şamaxıda, sovet haki-
miyyəti qurmaq adı altında, türk-müsəlmanlara qarşı törətdikləri dəh-
şətli qırğınların üstündən sükutla keçmişdir.
Ermənilərin 1918-ci ildə Azərbaycanın, demək olar ki, bütün
bölgələrində türk-müsəman əhaliyə qarşı törətdikləri kütləvi qırğınları,
zorakılıqları və talanları çoxsaylı şahid ifadələri və maddi sübutlar
vasitəsilə aşkarlayıb üzə çıxaran Fövqəladə Təhqiqat Komissiyasının
topladığı faktiki materiallardır.
1918-ci ilin avqustundan 1920-ci ilin aprelinədək fəaliyyət gös-
tərmiş Fövqəladə Təhqiqat Komissiyasının (FTK) Şamaxı şəhəri və
Şamaxı qəzası üzrə ermənilərin törətdikləri vəhşiliklər haqqında qəbul
etdiyi 23 qərar layihəsi və 7 cild, 952 vərəqdən ibarət təhqiqat işlərin-
də toplanılmış materiallar ermənilərin vəhşilikləri haqqında ətraflı mə-
lumat verir
1
.
Erməni silahlı dəstələrinin Bakıda törətdikləri kütləvi qətliamları
Azərbaycanın başqa bölgələrində də həyata keçirmişdilər. St. Şaum-
yan yerlərdə sovet hakimiyyəti qurmaq adı altında erməni silahlı
dəstələrini dinc insanların üzərinə göndərmişdi.
Bakıda türk-müsəlmanların soyqırımı hələ başa çatmamış, ermə-
nilər bu qanlı qırğınları qəzalarda da həyata keçirməyə başlamışdılar.
Bununla əlaqədar olaraq N.Nərimanov yazırdı: “Lakin belə bir dəhşət-
li hadisədən sonra, onun qəzalar üzrə həyata keçirilməsini davam et-
dirmək nəyə lazım idi. Bax, suala 1918-ci ildə Bakıdakı Sovet haki-
miyyəti cavab verməlidir”.
2
1
Azərbaycan Respublikası Dövlət Arxivi (ARDA), f. 100, siy.2, iş 791, v.106-107.
2
Nərimanov N.Ucqarlarda inqilabımızın tarixinə dair. Bakı:Azərnəşr, 1992,77 s.
AZƏRBAYCAN XALQINA QARŞI 1918-ci il SOYQIRIMLARI
88
Ermənilərin 1918-ci ilin mart və aprel aylarında törətdikləri ci-
nayətləri ifşa edən arxiv sənədləri arasında 1918-ci il noyabr ayının
22-də Fövqəladə Təhqiqat Komissiyasının sədri Ə.Xasməmmədovun
Azərbaycan Xalq Cümhuriyyəti (AXC) Ədliyyə Nazirinə Şamaxı şə-
həri və Şamaxı qəzasının azərbaycanlı kəndlərinin talan edilməsi və
müsəlman əhalisi üzərində ermənilərin zorakılılqları haqqında məru-
zəsi
1
, həmin komissiyanın üzvü A.Novatskinin bu məsələ haqqında
komissiya sədrinə məruzəsi
2
və bu işdə günahkar olan şəxslərin cina-
yət məsuliyyətnə cəlb edilməsi haqqında Fövqəladə Təhqiqat Komis-
siyasının 1919-cu il 12 iyul tarixli qərarı
3
və s. vardır.
1919-cu il aprel ayının 3-də AXC Daxili İşlər Nazirliyi Şamaxı
qəza rəisinin FTK-ya həmin qəzanın 3 polis sahəsi üzrə (Qəbristan,
Mədrəsə və Kaşun) üzrə ermənilər tərəfindən dağıdılmış kəndlərin
siyahısı göndərilmişdir. Həmin siyahıya Qəbristan polis sahəsi üzrə
19, Mədrəsə polis sahəsi üzrə 41 və Kaşun polis sahəsi üzrə 26 kəndin
(cəmi 86 kəndin) adı daxil edilmişdir(.
4
Yelizavetpol Müsəlman Milli Şurasının sədri Xasməmmədov
martın 28-də Seymin və Cənubi Qafqaz hökumətinin sədrinə göndər-
diyi teleqramında yazırdı ki, martın 18-də bolşeviklər tərəfindən Bakı-
dan 2000 yaxşı silahlanmış top və pulemyota malik olan əsgər dəstəsi
Şamaxı qəzası istiqamətində yola salınmışdı. Dəstə yol boyu 15-dən
çox müsəlman kəndini məhv edərək, Şamaxı şəhərini darmadağın et-
mişdi. Minlərlə müsəlman, o cümlədən qadın və uşaqlar qılıncdan ke-
çirilmişdi. Faciəni təsvir etmək olmur. Təhqir və zorakılıqlar həddini
aşmışdır. Təcili hökumətin köməyi lazımdı.
5
Lakin nə Seym, nə də ki,
Cənubi Qafqaz hökuməti Xasməmmədovun bu həyacan dolu teleqra-
mına cavab verməmişdir.
1919-cu il martın 30-da Bakıda nəşr olunan “Azərbaycan” qəze-
tində Şamaxı hadisəsi ilə bağlı “Şamaxının son günləri” başlığı altında
çap olunmuş məqalədə
6
ermənilərin Şamaxıda törətdikləri qırğınların
1
Azərbaycan Respublikası Prezidentinin İşlər İdarəsi Siyasi Sənədlər Arxivi
(ARPIISSA), f.277, siy.2, iş 16, v.15-18.
2
ARDA, f.1061, siy.1, iş 108, v.8-10.
3
ARDA, f.1061, siy.1, iş 105, v.1.
4
ARDA, f.1061, siy.1, iş 85, v.1-3.
5
Газ. «Известия Кавк. Краев. Центра Сов. Рабоч., Солд. и крест. Деп. и Тифл.
Совета рабоч. и солд. Деп». № 72, 1918.
6
Газ. «Азербайджан», № 67, 1919.
Dostları ilə paylaş: |