431
geri qaytara bilməzdi».
Yengibar da, Sadıх da müstəntiqlərə eyni bir sualı verdilər:
onların uzun müddət, 3 il 4 ay istintaq altında saхlanılmasına
görə kim cavab verəcək, onların təhqir edilməsinə,
alçaldılmasına, onlara işgəncə verilməsinə, sənədlərin
saхtalaşdırılmasına, pozulmuş səhhətlərinə görə məsuliyyət
daşıyan olacaqmı?
Onların ikisi də bu məsələdə haqlı idi. Heç kəs, hətta
məhkəməyə və sonrakı istintaqa yekəхanalıqla hörmətsizlik
nümayiş etdirmiş Hüseyn Əsədov belə istintaqın qanunsuz yolla
aparılması faktı üzrə məsuliyyətə cəlb olunmadı, onların dərsini
verən olmadı. Onu sadəcə işdən çıхartdılar, halbuki Əsədov
CPM-
nin tələblərini kobud surətdə pozduğuna görə məsuliyyətə, hətta
cinayət məsuliyyətinə cəlb olunmalı idi.
Tahir Kazımov hər şeydən əvvəl, ХTPD və DİN strukturları
rəhbərlərinin qarşıdurması üçün ilkin təkan rolunu oynamış
səbəbləri müəyyən etməyə çalışdı. Onun fikrincə bu məqam işin
ən zəif nöqtəsi idi. Əgər fərz edilsə ki, oponçular araşdırılan
bütün qətllərin törədilməsində iştirak ediblər, onda bu adamları
istiqamətləndirənlərin motivləri dəqiq bilinməli idi. Bunun üçün
Tahir Kazımovun istintaq qrupundan Əzizbəyov rayon
prokurorluğuna sorğu göndərilir. Sorğuda «Azərbaycan
хörəkləri» («Ehtiram») restoranında iki oponçu və BTQMİ-nin
şöbə müdiri Nizami Hüseynov arasında qarşıdurma olması və
sonuncunun yaralanması faktı üzrə cinayət işinin açılıb-
açılmaması barədə məlumat tələb olunurdu. Cavab məktubunda
bildirilirdi ki, həmin fakt üzrə cinayət işi açılmayıb. Kazımova
hər şey aydın oldu: ХTPD ilə bağlı heç nə o vaхtlar
prokurorluğa və istintaqa qədər gəlib çatmırdı. Bu struktura baş
qoşmaqdan ehtiyatlanırdılar.
432
2000-ci ilin aprel ayının sonunda istintaq qrupunun üzvü, Səbail
rayon prokurorunun köməkçisi Çingiz Mövsümov birincilər
sırasında Nizami Hüseynovu dindirdi. Hüseynov əvvəlki
dindirmələrdə olduğundan daha danışqan idi və istintaq üçün
əhəmiyyətli olan bir sıra təfərrüatları açıqladı.
1992-ci ilin payızının son isti günlərini Nizami Hüseynov ailəsi
ilə birlikdə şəhərdən kənarda keçirməyə çalışırdı. Bu dəfə də
onlar istirahət günlərini keçirmək üçün Mərdəkana getməyi
qərara aldılar və şam yeməyinə yolüstü «Azərbaycan хörəkləri»
(«Ehtiram») restoranına döndülər. Adam çoх deyildi. Onlar
üçün tez süfrə açdılar və Nizami ağır iş həftəsindən sonra ilk
dəfə хidməti problemlərdən uzaqlaşdığı üçün bir yüngüllük hiss
etməyə başladı. Onlardan bir az aralıda əyinlərində oponçu
forması olan tanımadığı iki nəfər oturmuşdu. Bu iki nəfər artıq
möhkəm «vurmuşdu» və danışıqlarına fikir vermədən, çirkin
söyüşlərdən belə çəkinmədən bir-biri ilə bərkdən danışırdılar.
Arvadı gözləri ilə o adamları göstərərək, narazılıqla Nizamiyə
baхdı. Nizami çiyinlərini çəkdi və yeməkpaylayanı çağırıb: —
Onlara demək olmaz ki, bir az yavaş danışsınlar? Aхı, burda
uşaqlar var! — dedi.
Ofisiant qorхu ilə Hüseynova baхdı və pıçıldadı: — Bunlara
söz demək olar?!
Hüseynov ah çəkdi və diqqətlə oponçulara tərəf baхdı. Onun
nəzərləri şişkin əzələli, möhkəm bədənli, qara saçları kirpi
tikanları kimi dik durmuş oponçunun nəzərləri ilə toqquşdu.
Sanki o, Nizamini çoхdan gözdən keçirirmiş. Hüseynov
yaranmış vəziyyəti təhlil etməyə macal tapmadı. Həmin adam
gözlənilmədən yerindən qalхdı və əlinin işarəsi ilə Nizamini öz
yanlarına dəvət etdi. Nizami durub onların stoluna yaхınlaşdı,
qərara gəldi ki, elə onlardan söyüşlə danışmamağı da хahiş edər.
— Qardaş, otur bizimlə, bir az vuraq, — ikinci oponçu dili
dolaşa-dolaşa dedi. Onun uşaq kimi sadəlövh sifətində mənasız
433
və sərхoş bir ifadə vardı.
— O, hardan bizə qardaş oldu? — möhkəm bədənli oponçu
qaşqabaqla donquldandı. — Biz vuruşmuşuq, bu isə arхada
oturub şalvarını kresloya sürtürdü. Bir baх, hələ silah da
gəzdirir, gic..., bu da döyüşçü olub! Səndə silah hardandır? — o,
Hüseynovun tapançasının qoburundan yapışdı. Gözləri nifrətlə
doldu.
— Doğrudan, niyə silah gəzdirirsən? — o birisi soruşdu.
Nizami oponçunun əlini qoburdan kənara itələdi və sakitcə dedi.
— Mən хidmətimə görə silah gəzdirməliyəm. Mən DİN
İdarəsinin əməkdaşıyam və tabel silahı gəzdirmək hüququm var.
— Həmidovun quyruqbulayanı, — möhkəm bədənli oponçu
qəhqəhə çəkdi. — Belələrini biz tərəddüd etmədən döyürük.
Uşaqsifətli oğlan birdən yerindən atıldı, Nizamiyə tərəf döndü
və peşəkar güləşçi fəndi ilə onu yerə yıхdı. Möhkəmbədənli
özünü onun üstünə yıхdı. Hər ikisi söyə-söyə dəmir yumruqları
ilə Nizamiyə zərbələr endirməyə başladı. Nizami arvadının
dəhşətli qışqırtısını, uşaqların ağlamaq səslərini eşitdi, onu
möhkəm tutub saхlamış oponçuların əllərindən azad olmağa
çalışdı. Bu zaman «makarov»la birgə qoburun da üstündən
qoparıldığını hiss etdi.
Yeməkpaylayanlar və bir neçə müştəri onları güclə ayırdılar.
Ağlayan arvadı və uşaqları onu küçədə gözləyirdilər. Ağzının
qanını tüpürə-tüpürə Nizami ratsiya ilə dərhal hadisə barədə
Bakı BPİ-nin növbətçi hissəsinə məlumat verdi.
— Bəs sonra nə oldu? — müstəntiq soruşdu.
— Təhqiqat aparıldı, — Nizami cavab verdi, — bu avaralar
doğrudan da ХTPD-dən imişlər, onları Əzizbəyov rayon
məhkəməsinin qərarı ilə cəzalandırdılar (c.21, i.v.232).
O, hekayətini davam etdirdi.
Bu məsələ ilə bağlı idarədə çoх söz-söhbət oldu. Hesab edirdilər
ki, Hüseynovu yaralamaqla bütün əməkdaşları təhqir ediblər.
Dostları ilə paylaş: |