Microsoft Word Esref Veyselli Qarsima siz cixin cap docx

 

 

94

Şəfəqlər yaya-yaya, 

Əl tut qoca dünyaya. 

Qonşudan gələn paya 

Umud olma, ey Vətən. 

 

Qoşulub hər axına,  

Yadı qoyma yaxına. 

Yağının silahına  

Barıt olma, ey Vətən. 

 

Ər olaq, igid olaq, 

Bir olaq, vahid olaq. 

Hamımız şəhid olaq, 

Təki sən şəhid olma, 

Şəhid olma, ey Vətən! 

 2010-2015 

Vyazma, Sumqayıt 

    

   

 

 

 

 

 

 

 

 

 

 

---

 

 

95

 

 

 

---

 

 

96

 

 

 

 

 

 

---

 

 

97

EHTİYAC 

(“Toyda tamadayam”) silsiləsindən  

 

Var-dövlət insanı ərşə qaldırar, 

Səxavət şöhrəti başda tac eylər. 

İnsanı zirvədən nəfsi saldırar, 

Adama neyləsə ehtiyac eylər. 

 

Bu el yollarımda məşəl yandırar, 

Ən yaxın bildiyim yaxına gəlməz. 

İndi hamımızı el dolandırar, 

Eli dolandırmaq ağıla gəlməz. 

 

Qayğılar qurd kimi ömrümü yeyər, 

Sozalar qəlbimdə titrəyən o şam. 

Hər səhər qapımı ehtiyac döyər, 

Ehtiyac evimdə yatar hər axşam. 

 

Sızlayar ürəyim hey korun-korun,  

Elin sevincindən dərdi bol imiş. 

Mən hardan biləydim-tutduğum yolun 

Sonu sonsuzluğa gedən yol imiş. 

 

Gərək qayalardan yol açam indi, 

Dərdimi dərd bilən anam, bacım yox... 

Bir yurd havasına möhtacam indi, 

Təkcə ehtiyaca ehtiyacım yox... 

 

Ən ağır dərdi də elnən təklərəm, 

Mən eli hər şeydən üstün görmüşəm. 

Hələ qarşıdadır görəcəklərim, 

Hələ bu dünyada nə gün görmüşəm. 

 

 

---

 

 

98

Hələ nəvələrin boyu qabaqda, 

Tər-təzə güllərim gülçü gözləyir. 

Hələ dörd oğlumun toyu qabaqda, 

Hələ dörd gəlinim elçi gözləyir.. 

 

Mən gərək elimə xəbər yollayam, 

Müqəddəs olanı atana lənət. 

Bu yurdu, torpağı satana lənət! 

Toyda tamadayam, vayda mollayam, 

Ay məni qınayan, atana lənət!.. 

 

*** 

1997 

 

 

 

 

---

 

 

99

SINDIRIR 

 

Zəmanə çarmıxa çəkir insanı, 

Yoxdursa əlində maya, sındırır. 

Dolu ciblərimin boş vədəsində, 

Dost da dəvət edir toya, sındırır. 

 

Oturub baxıram gözü tox kimi, 

Qəlbi ölü kimi, ruhu yox kimi. 

Bir qız gah oynayır, süzür ox kimi, 

Gah dönür dartılmış yaya, sındırır. 

 

Çıxmışam zamandan, vaxtdan-ölmüşəm, 

Yıxılıb bir yaşıl taxtdan, ölmüşəm. 

Mən ölmüş onsuz da çoxdan ölmüşəm, 

Bu qız heç salmır da saya, sındırır. 

 

Şahmatım içimdə, nərdim içimdə, 

Min bir oyun gedir gördüm içimdə. 

Bir saray ucaldır dərdim içimdə, 

Ehtiyac belimdə paya sındırır. 

 

Nə çoxdur dünyada baş sındıranlar, 

Olmaya adamı kaş sındıranlar. 

Dünən öz başında daş sındıranlar 

Bu gün başımızda qaya sındırır. 

 

*** 

1997 

 

 

 

 

---

 

 

100

ƏL ÇALIN  

 

Yurdumuzun qız-gəlini, 

Xınalasın öz əlini. 

Gözəllərin gözəlini 

Seçən oğlana əl çalın. 

 

Tarçı dindirsin tarını, 

Yar olan atmaz yarını. 

Subaylığın hasarını 

Keçən oğlana əl çalın. 

 

Sevgisi gül butasımı, 

Qəlbi sevgi adasımı. 

Qaldırıb eşq badəsini, 

İçən oğlana əl çalın. 

 

Girib yarının qoluna, 

Gül-çiçək səpin yoluna. 

Bu ağ duvaqlı gəlinə, 

Bu bəy oğlana əl çalın. 

 

Bu canım-gözüm oğlana, 

Bu boyu uzun oğlana, 

Bu enli kürək oğlana, 

Cavanşir, Babək oğlana, 

Bu gələn Beyrək oğlana, 

Bu bəy oğlana əl çalın! 

 

*** 

1994 

---

 

 

101

OYNAYIRIQ 

Papaq gedib, oynayırıq. 

Torpaq gedib, oynayırıq. 

Bir də baxıb görürük  ki, 

Geydiyimiz protezdir, 

Ayaq gedib, oynayırıq... 

 

*** 

1993 

 

AY BACI 

 

(İstəkli oğlu Hafizin faciəli ölümündən sonra  

bacım Gülaya oğlu Mahirin toyunda süst qalmışdı,  

gözlərinin  yaşını saxlaya bilmirdi) 

 

Üzün gülsün, sınıq könlün şad olsun, 

Qönçələnən gülün gəlir, ay bacı. 

Ev-eşiyə əlin yatmır nə vaxtdır, 

Ev qurmağa əlin gəlir, ay bacı. 

 

Bu dünyanı tutub durmaq nağıldı, 

Güvəndiyim dağlar uçub dağıldı. 

Unut getsin-bayatıdı, ağıdı, 

Laylay deyən dilin gəlir, ay bacı. 

 

Gözlərinə tor gəlməsin qəhərdən, 

Günbatandan günçıxana bax hərdən. 

Görürsənmi neçə kənddən, şəhərdən, 

Dağdan ağır elin gəlir, ay bacı. 

 

 

---