olunmasına yönəlib. Daha çox diqqət cəlb edən tələblərdən xarici investor istehsal etdiyi
məhsulun və ya xidmətin müəyyən hissəsini yerli bazarda realizə etməli və yaxud da
müvafiq dövlətdə müəyyən istehsal sahələrini inkişaf etdirmək öhdəliyidir. xracla bağlı
tələbə görə investor növbəti sadalanan şərtlər daxilində istehsal etdiyi məhsulu ixrac edə
bilər:
a) istehsal olunmuş məhsulun müəyyən edilən minimal sayından; və ya
b) son məhsulun müəyyən mütləq sayından; və ya
c) xarici investorun idxal satın almalarını kompensasiya edən sayından; və ya
d) elə bir ölçüdə ki, xarici investorun bütün valyuta xərcləri bağlanmış olsun.
Xarici investorlar üçün qeyri-məqbul digər tələblər özünün xarakterinə həm də qeyri-
ticarət xarakterli ola bilər:
- investisiyanın qəbul edən dövlətin təsərüfat subyektlərinə yeni
texnoloqiyadan
istifadə etmək imkanının verilməsi ilə bağlı tələbin nəzərdə tutulması;
- müvafiq investisiya layihələrində bərabər iştirak prinsipinin təmin
olunması
öhdəliyinə görə xarici investorla bərabər qəbul edən dövlətin təsərrüfat subyektlərinin
qanunvericilik qaydasında minumum iştirakının həyata keçirilməsi;
- nominal ölçüdə yerli işçi qüvvəsindən və idarəçilikdən istifadə,
layihənin, bir
qayda olaraq, investisiya qəbul edən dövlətin iqtisadiyyatının zəif inkişaf etmiş
sahələrində yerləşdirilməsi, yerli maliyyə resurslarının cəlb edilməsi üzrə tələblər və s.
qeyd edilə bilər.
lk baxışdan müvafiq tədbirlər kapitalın sərbəst hərəkətinə maneə kimi
qiymətləndirilməlidir. Lakin dövlətlərin müxtəlif iqtisadi inkişaf səviyyəsi sərbəst,
liberal beynəlxalq ticarət dövriyyəsində yalnız sənayecə inkişaf etmiş ölkələrin daha da
varlanmasına xidmət etmiş olardı. Məhz belə tədbirlər, ilk növbədə, müxtəlif inkişaf
səviyyəli iqsitadi sistemləri yaxınlaşdırmalıdır. Heç şübhəsiz ki, bu mənada TRIMS
inkişafda olan dövlətlərin iqtisadi təhlükəsizliyini stimullaşdırmalıdır. Yalnız bundan
sonra investisiya “tədbirləri” investisiyanın ticarətini nəzərdə tutan universal sazişlə
ə
vəzlənməlidir. Ticarət xarakterli investisiya tədbirləri bu sahədə ilk və daha geniş
formada hazırlanmış tədbirlərdir. Adətən əmtəələrin alqı-satqısının liberal prinsip və
normalarının maddi faktorlara tətbiqi qeyri-mümkün olur. Dövlətlərin iqtisadi inkişaf
tarazlığına nail olunduqca investisiya tədbirlərinin dəqiq siyahısı və mexanizmi müəyyən
edilməli və beynəlxalq ticarətin və investisiyaların sərbəst dövrüyyəsinə zidd gələn
tədbirlər ləğv ediliməlidir.
Xarici kapital qoyuluşunda qəbul edən dövlətin ictimai maraqları (həmrəylik inkişaf
hüququ) ilə xarici investorun (fərdi mülkiyyət) hüquqları toqquşur. Əslində, bu iki
inkişaf meylinin xüsusi mülkiyyətin mütləq müdafiəsinin qərb modeli ilə həmrəylik
maraqlarından çıxış edən şərq modelinin toqquşmasıdır. Bundan çıxış yolu isə hər iki
tərəfin maraqlarının maksimum uzlaşdırılması nəticəsində mümkündür. nkişafda olan
ölkələr TRIMS-dən onun əvəzində daha təminatlı beynəlxalq hüquqi mexanizm aldıqları
halda imtina edə bilərlər. Bu sahədə istənilən danışıqların predmetini inkişafa yardımla
investisiya liberallaşdırmasının konsensusu təşkil etməlidir.
TRMIS-in hər hansı bir tənqidinə baxmayaraq qeyd etmək lazımdır ki, ilk dəfə olaraq
universal səviyyədə xarici investisiyaların beynəlxalq hüquqi tənzimlənməsi sferasında
müəyyən tədbirlər formalaşdırmışdır. Xüsusən də, xarici ticarət dövriyyəsini çətinləşdirən
və məhdud sayda qadağanedici tədbirləri müəyyən etməklə üzv dövlətlərə müvəqqəti
qaydada və zərurət olduqda GATT üzrə öhdəliklərdən imtina etmək imkanı verir. Qeyd
etmək lazımdır ki, TRIMS bu sahədə boşluqları müəyyən etməklə gələcək inkişaf
meyllərini təsdiqləmiş oldu.
5. nvestisiya fəaliyyətinin qeyi-kommersiya
risklərindən beynəlxalq hüquqi təminat mexanizmi
Xarici investisiyalar üçün əsas təhlükələrdən biridə qeyri-kommersiya riskləri ilə
bağlıdır. Müvafiq risklərdən beynəlxalq hüquqi sığortanın təşkilatı mexanizminin
yaradılmasına 1985-ci ildə nvestisiya təminatları üzrə çoxtərəfli Agentliyin (Multilateral
nvestment Guarentee Agency-M GA) təsis edilməsi ilə nail olunub.MIGA hüquqi status
baxımından daimi fəaliyyət göstərən beynəlxalq hökumətlərarası təşkilatdır. M GA
beynəlxalq hüquq subyektliyinə malik olduğundan beynəlxalq müqavilələr bağlayır və
fəaliyyət xüauaiyətlərindən asılı olaraq hüquqi şəxs kimi investisiya təminatları verir.
Agentlik beynəlxalq müqavilələrlə yanaşı, eyni zamanda beynəlxalq kontraktlar bağlamaq,
daşınmaz və daşınar əmlak əldə etmək, alqı-satqı münasibətlərinə daxil olamq, məhkəmə
iddiası ilə çıxış etmək, sığorta və yenidən sığorta fəaliyyətini həyata keçirmək
səlahiyyətinə keçirmək malikdir.
MIGA-nın sığorta mexanizminin əhəmiyyəti ondadır ki, xarici investorla qəbul edən
dövlət arasında bağlanmış kontrakdan mübahisə yarandıqdan sonra və qəbul edən dövlət
öhdəliyini lazimi qaydada yerinə yetirmədikdə investorun qəbul edən dövlətə qarşı tələb
hüququ subroqasiya prinsipi əsasında öncədən investorla MIGA arasında bağlanmış
sığorta kontraktına əsasən həmin Təşkilata keçid. Agentliyin verdiyi təminatın
özünəməxsusluğu ondan ibarətdirki, investorun qəbul edən dövlətə qarşı tələb hüququ
subroqasiya əsasında MIGA-ya keçid və pacta sunt servandaprinsipinə uyğun olaraq
dövlətlə Təşkilat arasındakı üzvlük müqavilə öhdəlik dövlət üçün beynəlxalq hüquqi
məhsuliyyət yaratmış olur. Belə bir hal isə investisiya maraqında olan qəbul edən dövlət
üçün qeyri-məqbul vəziyyətin yaranmasına səbəb olduğundan dövlətlərin investor
qarşısında öz öhdəliyini yerinə yetirməkdə maraqlı olur.
Qeyri-kommersiya risklərinin təminatlandıran digər beynəlxalq təşkilatlardan fərqli
olaraq MIGA Dünya Bank qrupunda üzvlüyə malikdir. Məhz belə bir status ona “imtiyazlı
kreditor statusu” ilə böyük üstünlük verir. “ mtiyazlı kreditor statusuna” görə dövlətlərin
MIGA qarşısında öhdəliyi növbədənkənar təmin edilir.
MIGA tərəfindən təminatlandırılan investisiya anlayışı “birbaşa” investisiyaları əhatə
etməlidir. Konvensiya bilavasitə səhmdar iştiraka (yəni, nizamnamə kapitalında paya sahib
olmaqla), həmçinin səhmdarlar üzrə investisiyalara istinad edir. Birbaşa investisiyaların
Konvensiyada sadalanmayan formaları Direktorlar Şurası tərəfindən müəyyən edilir və bu
anlayışa investorun ölkəsində olmayan, digər ölkələrdə fəaliyyət göstərən müəssisələrdə
uzunmüddətli hüquqları əldə etmək məqsədi ilə həyata keçirilən xarici investisiyalar da
daxildir. Uzun müddətli maraqlar, hüquqlar dedikdə, investisiya alan müəssisənin
idarəçiliyində uzunmüddətli təsirə malik real idarəçiliyin əldə edilməsi nəzərdə tutulur.
Dostları ilə paylaş: |