İqtisadi nəzəriyyə
ECONOMICS
66
Bütövlükdə ev təsərrüfatlarının yığımı – sığorta, investisiya, səhmlər əldə edilməsinə
sərf olunur və onların gəlirlərinin bir-neçə faizini təşkil edir. Ev təsərrüfatları öz
gəlirlərinin təxminən 30%-ini gündəlik tələlat mallarına, 10-12%-ini uzunmüddətli istehlak
mallarına, 60%-ə qədərini isə müxtəlif təyinatlı xidmətlərə sərf edirlər.
ABŞ iqtisadiyyatinda ev təsərrüfatlarindan sonra, xüsusi (özəl) bölmənin
quruluşunda (sturkturunda) müxtəlif təyinatlı müəssisələri, şirkətləri, sahələri əhatə edən
biznes sahibkarlıq fəaliyyəti mühüm yer tutur. Qeyd edək ki, müəssisə – zavod, fabrik,
şirkət, mədən, anbar, mağaza formasinda əmtəələrin-xidmətlərin istehsali və bölgüsü üzrə
bir, yaxud bir neçə vəzifəni (funksiyani) yerinə yetirən obyektdir. Şirkət – bu müəssisələrə
sahib olan və onları idarə edən bir qrumdur. Şirkətin bir və yaxud bir neçə müəssisəsi ola
bilər. Sahə, eyni tipli yaxud oxşar məhsullar istehsal edən şirkətlər qrupudur.
İstehsal-satiş həcminə görə müəssisələr, şirkətlər və sahələr bir-birindən xeyli
fərqlənirlər. Bunların arasında bir-iki nəfərin işlədiyi və gündəlik satış həcmi 200-300
dollar təşkil edən xırda, ailəvi tipli istehsal-xidmət obyektlərindən (vahidlərindən)
başlayaraq, yüz minlərlə fəhlə-qulluqçunun çalışdığı, habelə illik məhsul satışı həcmi
milyardlarla dollara çatan nəhəng korporasiyalar da vardır.
ABŞ-da bu tipli işgüzar biznes-sahibkarlıq fəaliyyətinin 3 əsas forması geniş
yayılmışdır: a) fərdi xüsusi şirkətlər b) şərikli (müştətək, yoldaşlıq, əmədaşlıq) şirkətləri c)
korporasiyalar. Onların say və satış həcmlərindəki xüsusi çəkisi aşağıdakı sxemdə
verilmişdir.
Biznes müəssisələrinin say və daxili məhsulda xüsusi çəkisi (%-lə)
Biznes formalarının saya görə bölgüsü
Biznes formalarının satiş məbləğinə görə
bölgüsü
Fərdi xüsusi şirkətlər
(72%)
Korporasiyalar
(87%)
Korporasiyalar
(20%)
Şərikli şirkətlər
(9%)
Şərikli şirkətlər
(8%)
Fərdi xüsusi şirkətlər
(4%)
Fərdi xüsusi şirkət, bir nəfərin sahib olduğu və şəxsi mənafeyinə uyğun, müəyyən
mənfəət əldə etmək məqsədiylə, öz nəzarəti, məsuliyyəti altında işgüzar biznes-sahibkarlıq
fəaliyyətidir. Fərdi xüsusi sahibkarlıq fəaliyyətinə başlayan hər bir şəxs ilk növbədə maddi
resurslar, xammal, avadanlıq, əldə etməlidir. Sahibkarlıq fəaliyyətinin fərdi təşkili,
istehsal-xidmət sahəsinin ən sadə (bəsit) ilk forması kimi bir sıra üstünlüklərlə yanaşı, eyni
zamanda nöqsan, habelə çatışmayan cəhətlərə də malikdir. Onun üstünlükləri sırasında,
işin təşkili prosesində hüquqi və bürokratik əngəllərin olmamasını, müəyyən xərclərlə
rastlaşmamasını, sahibkarın müstəqilliyini, onun təşəbbüskar fəaliyyət göstərmək
imkanlarını qeyd etmək lazımdır. Bu işgüzar fəaliyyətin nöqsan cəhətlərinə gəldikdə, fərdi
sahibkarın maliyyə imkanları məhdud, iş günü xeyli uzun, zəhməti çox, mənfəəti isə azdır.
O, həm təchizatçı, həm nəzarətçi, həm də bilavasitə satıcı işlərini yerinə yetirir. Onun
müflis olaraq nəinki mənfəətini, hətta illər boyu əldən etdiyi əmlakı, topladığı yığımını
itirmək risqi böyükdür.
Fərdi xüsusi şirkətlərin inkişafı təbii olaraq şərikli (müştərək, yoldaşlıq, əməkdaşlıq)
şirkətlrin sahibkarlıq fəaliyyətinə əlverişli imkanlar yaradır. Birgə sahibkarlıq fəaliyyətinin
İqtisadi nəzəriyyə
ECONOMICS
67
təşkilinə əsas səbəb, fərdi şirkətlərə xas olan məhdudiyyət və nöqsanları aradan qaldıraraq,
2 və daha çox sahibkarın maliyyə imkanlarına, işguzar əlaqələrinə, bacarığına
arxalanmaqla, yüksək mənfəət əldə etməkdir. Şərikli şirkətlərin fəaliyyəti onun müştərək
sahibləri tərəfindən konkret vəziyyətdən asılı olaraq şifahi razılaşma və yazılı öhdəliklər
əsasinda həyata keçirilə bilər. Qeyd etmək lazımdır ki, birgə şirkətlərin fəaliyyətində
iştirak edənlərin rolu müxtəlif olur. Əməkdaşlıq edənlərin bəziləri şirkətin gündəlik
fəaliyyətində fəal iştirak etdikləri halda, digərlər yalnız bir payçı kimi öz maliyyə
resurslarını verərək, birgə şirkətin idarə olunmasi işlərinə qarışmırlar.
Bazar münasibətləri iqtisadi sistemində kifayət qədər geniş yayılmış şərikli
sahibkarlıq formasınının həm müsbət, həm də mənfi cəhətləri vardır. Şərikli sirkətləri
təşkil etmək çətin deyildirdir, onların birgə fəaliyyəti tam könüllük prinsipinə əsaslanır,
ixtisaslaşmanı dərinləşdirir, bir neçə sahibkarların maliyyə imkanlarını birləşdirir, onların
kredit əldə etməsi asanlaşır, banklar isə biznesin bu fəaliyyət formasını daha etibarlı
sayaraq, onlarla həvəslə əməkdaşlıq edirlər. Birgə əməktaşlıq formasının ziddiyyətli və
mənfi cəhətləri kimi bu fəaliyyət gedişində bir-birini başa düsməmək hallarını, müəyyən
məsləhətlərə yanaşmalarda narazılıq olduğunu, maliyyə cətinliklərinin meydana cıxmasını,
obyektiv-subyektiv səbəblərlə bağlı şəriklərdən birinin fəaliyyətini dayandırması ilə
qarşıya çıxan çətinlikləri, nəhayət şəriklərdən hər birinin tək özünün işi üçün deyil, eyni
zamanda bütövlükdə başqalarının da fəaliyyəti üçün məsuliyyət daşıdığını göstərmək olar.
Amma bu neqativ cəhətlərə baxmayaraq, ayrı-ayrı ölkələrin çoxsahəli təsərrüfat həyatının
müxtəlif istehsal-xidmət dairəsində geniş yayılmış şərikli sirkətlərin sahibkarlıq fəaliyyəti
müəyyən problemlərlə qarşılaşsa da, onlar meydana çıxır, formalaşır, fəaliyyət göstərir,
gah yüksəlir, gah dağılır, yenidən təşkil olunaraq fəaliyyətə başlayırlar.
Korporasiya – biznes fəaliyyətinin təşkilatı-hüquqi formasi kimi yüksək inkişaf
etmiş ölkələrin, xususilə də ABŞ-ın çoxsahəli təsərrüfat həyatında müasir mərhələdə
aparıcı bir rol oynayır. Ölkə iqtisadiyyatında onların sayının şirkətlərin ümumi sayının
20%-ini təşkil etməsinə baxmayaraq, korporasiyalar əmtəə və xidmətlər satışının 87%-ini
əllərində cəmləşdirmişlər. Korparasiyalarda onun sahibi sayılan konkret adamlar yoxdur.
Burada şirkətlər ona sahib olan şəxslərdən aralanmışlar. Korporasiya onun səhimlərinin
sahibləri, səhimdarlar tərəfindən seçilmiş İdarə Heyəti tərəfindən idarə olunur. Rəsmi
qaydada «hüquqi səxs» statusu almış korporasiya müxtəlif təyinatli məhsulları istehsal edib
satmaq üçün iqtisadi resuslar alır, banklardan borc götürür, kredit verir, məhkəmədə iddiaçi
və ya cavabdeh kimi çıxış edir, habelə başqa tipli müəssisələrin (şirkətlərin) yerinə
yetirdiyi vəzifələri həyata keçirir.
Korporasiylar biznesin digər formalarına nisbətən daha səmərəli sürətdə maliyyə
kapitalını özünə cəlb edə bilir, başqa biznes formalarının istifadə edə bilmədiyi səhmlər
satışından faydalanır və beləliklə əhalinin böyük hissəsinin maliyyə resuslarını ümumi bir
fondda cəmləşdirməyi bacarır. Korporasiyaların səhmləri, onun mülkiyyətinin bir hissəsi
kimi dəyərləndirilir, istiqrazları isə öz borcunu müəyyən faizlə ödəyəcəyi barəsində
öhdəlik (vəd vermək) vəzifəsini yerinə yetirir.
Korporasiyanın səhmlərini alan çoxsaylı səhmdarlar qurupu, müəyyən məbləğdə
gəlir əldə etmək naminə, korporasiyanın idarə olunmasında fəal iştirak etməyərək, bu işi
başqalarının aparması ilə razılaşırlar. Səhm və istiqrarların alıcılarla satıcılar arasında
Dostları ilə paylaş: |